JEREMIAH 31:1 - PATHIAN LEKHABU THIANGTHO (BSI)

¹ Ziaphat chuleh, Israel Inkuan zosiate Pathian hung hita’ng ka ti’n, amau chule ka mipite hung hita’n au, Lalpa‘n a tii.

JEREMIAH 31:1 ပူးပေါင်းရင်းမြစ်များ

2 SAMUEL 7:24

Chun, la mipi Israelte hi kumtuang ah nang â a hi’theina ding un nang in la sudet ta’n; tichun, aw Lalpa, nangma chu a Pathian uh la hung hi tai.

SAM 144:15

Zia gual vangphatna dong namte chu mi nuamsa a hiu; Lalpa, Pathian ah nei mite chu mi nuamsa a hiu.

SAM 48:14

zia hi I Pathian uh, kumtuang, kuamtuang ah I Pathian uh chu ahi. Ama kumtuang ah ei puipa ding chu ahi, ti la hilsawn theina ding un.

ISAI 20:6

Zia ni phat chuleh, Philistia tuisuagiat pangjul ah chêngte chun, ‘En tiam u, Assuria lengpa a hung phat leh I bêl ua, ei hukdok ding ah I la kineppi tak uh chu aw! Bangti leu hin I suakcha thei ta diam uh?’ la ti’n au,” ti’n a gen a.

ISAI 41:10

lau him him kin, ka hun umpi zing hi; lung lau kin, la Pathian ka hi’ngâl a. Hun hi’hat ing ka tin, hun panpi ding ka hi; ka zaw’na khut changlam in, hun domsâng ding ka hi.

JEREMIAH 23:6

Ama hun sung in Judai gam sung chu hukdaw ah um in, Israel gam chu bit tak in um in a. Chuleh, ama chu, “Lalpa chu I Diknau ahi,” ti’n ko hita’n ah, ti in.

JEREMIAH 3:18

Zia ni phat chuleh, Judah Inkuan ah mite chu Israel Inkuan ah mite’n hun zawm ta’n tiu in; tichun, mallam gam ah kipat hung pawt khawm in, a pu leh pateu kiang ah a gochan ding ua ka piakna gam ah hin hung khawm ta’n au.

JEREMIAH 30:10

Nang ka suak Jakob vang lau kin la, aw Israel, lungdong kin, Lalpa‘n a tii; gamla tak ah kipat in hun hukdok ing ka tin, la suan leh pâkteu chu, a saltânnau gam ah kipat in, hun hukdok ding ka hi’ngâl a. Jakob chu hung kit in, thip hiat hiat in kichawldam ta’n tin, kuama’n sulauthawng ta pua’n au.

JEREMIAH 30:22

Tichun, ka mite hita’n la tiu in, keile la Pathian uh hita’ng ka.

JEREMIAH 30:24

A lungtup a bawl zawah a mualsua masia, Lalpa lungnatna tizat um tak chu, hung kile’kit ziang pua’n a. Hun nunung lam leh, zia chu hun hechian ta’n la.

JEREMIAH 30:3

Lalpa kamsuak chu: Ka mipi Israelte leh Judate vangphatna ka hun piak kit ah, a pu leh pateu kiang ah ka la piakna gam hun lua kit ding ah ka hun puitungna ding hun chu hung tung ngei ding ahi, Lalpa‘n a tii.

JEREMIAH 31:33

Himaleh, ziazaw nung lam ah, Israel Inkuante kiang ah ka thutiam siam ding chu zia hi hi’n a, Lalpa‘n a tii: A lunggil sung un ka dan koi ing ka tin, a lungchang un zikdaw piak ing ka; chuleh, a Pathian uh hi’ng ka tin, amau chule ka mipite hung hita’n au.

JEREMIAH 32:38

Amau chu ka mite hung hi’n, keile a Pathian uh hung hita’ng ka.

JEREMIAH 33:14

Israelte Inkuan leh Judate Inkuan chung ah thil bawl ding ah ka tiamte guitunna ding nite chu hung tung ding ahi tai, Lalpa‘n a tii.

JEREMIAH 33:7

Judah vangphatna leh, Israel vangphatna chu tung ding kit ing ka tin, a dinmun masa gual un umsak kit ing ka.

JEREMIAH 50:4

Zia hun lai ah chun, Israelte leh Judate chu hung khawm in tiu in, Lalpa a Pathian uh chu kap kawm kawm in hun hawl in au, Lalpa‘n a tii.

EZEKIEL 11:20

tichun, ka dan thuguatte leh ka thuthungte chu zui in mang ta’n au. Ziaphat chuleh, ka mite hita’n tiu in, keile a Pathian uh hita’ng ka.

EZEKIEL 34:24

Chun, Keima Lalpa hi a Pathian uh hi’ng ka tin; chuleh, ka suak David chu a lak ua hotu hita’n ah; Keima Lalpa hin zia gual chun ka gen ta’ngal a.

EZEKIEL 34:31

Nanghaw ka belamte, ka gantatna mun ah belamte chu la hiu ah; Keima hi la Pathian uh ka hi, Lalpa Pathian in a ti ahi, ti in.

EZEKIEL 36:28

Ziaphat chuleh, la pu leh pateu kiang ah ka la piakna gam ah hin chêngden ta’n lau; tichun, ka mite hi’n la tiu in, keile la Pathian uh hita’ng ka.

EZEKIEL 39:22

Zia kipat chun, Israel Inkuante zosia’n Lalpa a Pathian uh ka hi’dan hun hechiat ta’n au.

EZEKIEL 39:25

Ziaziakchun, Lalpa Pathian in zia gual hin a gen hi: Tu’hin, Jakob vangphatna pia kit ing ka tin, Israel Inkuan zosia chung in ja’ngai ta’ng ka; tichun, ka min thiangtho â dingin thangtawm ta’ng ka.

HOSEA 1:11

Chun, Judah mipite leh Israel mipite kigawm khawm intiu in, amau â ding luchang pakhat, kiguat in au; zia gam chu lua ta’n au, Jezreel nikhua chu nasa ma ma ding ahi ngal a.

THIAMPUTE LEKHABU 26:12

La lak un chêng ing ka tin, la Pathian uh hita’ng ka ti’n, nang uh le ka mite hita’n lau.

ZEKARIAH 13:9

Chuleh, a mun thumnate chu mei lak ah sep lut ing ka tin, dangka thik hâl thiantho gual in hâl thiangtho ta’ng ka. Ka min hun lam ta’n tiu in, ke’nle dawnhu ta’ng ka. “Amau chu ka mite a hiu,” ti’ng ka tin; amau inle, “Lalpa chu ka Pathian uh ahi,” ti ta’n au.

JOHAN 20:17

Jesu’n a kiang in, “Ei tu kin, tu’tiang hinle Pa kiang ah ka kal to nai puai; himaleh, ka unaute kiang ah vachia’n la, a kiang un, ‘Ka Pa, la Pau, ka Pathian, la Pathian kiang un kal to ding ka hi, a tii,’ vati’n,” a tia.

2 KORINTH 6:16

Milimte leh Pathian biak inle bang a hem kituakna a nei uh? Ei uh chu Pathian hing biak In I hingal un: Pathian chun: “Amau ah chun chêng in, a lak un vâkvêl ing ka tin, a Pathian uh hi’ng ka tin, amau le ka mite hi’n au.

HEBRAITE 12:16

Mithanghuai a hem, Esau gual ah Pathian jalo hung um kha’n lau; ama chun a cha upa hi’na chu an khatvei nêk in a khawng a,