JEREMIAH 30:7 - PATHIAN LEKHABU THIANGTHO (BSI)

⁷ Katei! Zia ni gual ah huaisia chu a um puai; Jakob â ding ah buaina hun ahi; maleh, zia lak ah kipat chun hukdaw hi’n a.

JEREMIAH 30:7 ပူးပေါင်းရင်းမြစ်များ

THILSIAM THU 32:7

Jakob chu lau in, a lungkham ma ma ziang ta’n; a kiang ah mi umte, belam honte, bawng honte leh sangawngsaute chu hon ni a sua ah:

SAM 25:22

Aw Pathian, Israelte chu a buainau, zosia lak ah kipat in hukdok ta’n.

SAM 34:19

Haksatna tam tak mi dik in a tuak ding a um in, himaleh, zia zosia pat chun, Lalpa‘n a hukdok sek hi.

ISAI 20:6

Zia ni phat chuleh, Philistia tuisuagiat pangjul ah chêngte chun, ‘En tiam u, Assuria lengpa a hung phat leh I bêl ua, ei hukdok ding ah I la kineppi tak uh chu aw! Bangti leu hin I suakcha thei ta diam uh?’ la ti’n au,” ti’n a gen a.

JEREMIAH 14:8

Aw Israelte kinepna, a buai hun si’n ua leh hukdokpa chu la hi. Bangtidan ah zia gam ah hi khualzin, jan khat bep giak gual ah um la hi em?

JEREMIAH 2:27

thingbul kiang ah, “Ka pa la hi,” tite leh, suangtum kiang in, “Nang ei hin ka hi,” tite zosia chu zakcha’n au. A mai lam uh ei ngat lo in, ei nungngatsan zaw tau ah; a buai phat uh leh, “Hung kipan inla, ei hukdok in,” a ti sek ui.

JEREMIAH 2:28

Ahileh, la pathian ding ah la kisiamte kha, khoilam tung zo a hitau em? La buaina kipat hun hukdok thei a hiu chun, hung kipanleu hiding a pom. Aw Judah, la khawpi jat ah tam, pathiante la nei uh hilo maw!

JEREMIAH 30:10

Nang ka suak Jakob vang lau kin la, aw Israel, lungdong kin, Lalpa‘n a tii; gamla tak ah kipat in hun hukdok ing ka tin, la suan leh pâkteu chu, a saltânnau gam ah kipat in, hun hukdok ding ka hi’ngâl a. Jakob chu hung kit in, thip hiat hiat in kichawldam ta’n tin, kuama’n sulauthawng ta pua’n au.

KÂ LATE 1:12

Nanghaw lampi vak lumlette haw, nang uh â ding ah bangmalo hiziang a hem? Ei hun en tiam un, ka chung ah lungngaina tung, Lalpa‘n a lungnat hun ah, ka chung ah a hun tunsak gual hi, a um ngai diam?

KÂ LATE 2:13

Aw Jerusalem chanu, bang hun gen piak ding ka hem? Bang tawh hun te’ ding ka hita’m? Aw Zion chanu thiangtho, ka hun thamuan theina ding ah, bang hun gen piak ding ka hita’m? La siatna tuak hi tuisuagiat gual in a lian hi; kua’n hun hi’dam thei ding a hem?

KÂ LATE 4:6

Ka mite zilgaina chu, Sodom khawte gawtna sâng in a huaisia zaw’n, zia khua kha vang a chung ah khut kitha lo ah, mitphet kâl sung bep ah, hi’mangthai a la hi ta’ngal a.

DANIAL 12:1

Ziaphat chuleh, Mikael, lal thupi tak leh, la mite hukdokpa chu hung kipan ta’n a. Khawvel ah mihing a um lim ah kipat tung kha nailo, buaina hung tung in a. Himaleh, lekhabu ah min kizik a mu taphot uh, la mite zosia chu hukdaw in um ta’n au.

DANIAL 9:12

Chuleh, kei haw thiamlona leh ka chung ua vaihawmte thiamlo’na thu a la gen kha, ka chung ua siatna huaisia tak tunsak in, a thugente chu a sudet ta’n; Jerusalem chung ah siatna tung tawhbang hi van nuai pumpi kuama dang chung ah bawl khâk hi nai lo ahi.

HOSEA 1:11

Chun, Judah mipite leh Israel mipite kigawm khawm intiu in, amau â ding luchang pakhat, kiguat in au; zia gam chu lua ta’n au, Jezreel nikhua chu nasa ma ma ding ahi ngal a.

JOEL 1:15

Zia ni chu a chung a gik na e! Lalpa ni chu a nai ta’ngal a; Hat Chungnung Pa ah kipat in, manthaina hung tung ding ahi.

JOEL 1:2

Putêkte haw, zia hi hiau in, zia gam ah chêng zosiate haw, la bil uh dawu in! Zia gual thil hi nangmau khang leh, la pu la pateu khang inle a tung kha ngai em?

JOEL 2:11

Lalpa‘n a galdo mite ma-âng in aw a sua in; a sepai hon a tam nau e! A thupiak zawmte chu simsên gual lo a hiu. Lalpa ni chu a lopi hi; a tizat um na e! Kua a hem thuak zo ding?

JOEL 2:31

Lalpa ni lopi tak leh tizat um tak a hung tun masang in; nisa thim intin, thapi le thisan suak in a.

MIKAH 4:9

Tu’hi bang ding ah ngai tak ah kap la hem? La sung ah lal a um pua a hem? A thamuantu kha a um ta pua, numei nauvei natna’n a hun pha ta a hem?

HABAKKUK 3:16

Ka het phât in ka sunggil a kithing ah; a git chun ka mûknote lau in a kithinsak hi. Ka gusung un muatna a lut in, ka nuai ah ka kalsuante a kilîng hi. Kei uh ei do’te chung ah siatna nikhua hung tung ding chu; thipbek in ka ngâk ta mai ahi.

ZEKARIAH 14:7

Chuleh, sûn in choltik nei talo in (Lalpa het dan in) sûn leh jan kiti um chuam ta pua’n ah; nitâk janthim hun inle khua vâk zing ta’n a.

MALAKI 4:1

Ngai un, Lalpa ni chu! Mi kiletsak zosia leh thil phalo bawl taphot kâng tum intin, thukkhûk ah meikuang gual chu hung tung ding ahi tai; zia ni hung tung ding chun kâng tum in tin; tichun, a zung leh a bâk natiang in khêk nei pua’n a.

MARKA 13:19

Zia hun tung ding ah gentheina chu, zia gual ah huaisia him him chu Pathian thilsiam tîl ah kipat tu’hun tiang ah le um kha nai lo a hi’n, a nung inle um kit ta ngai lo ding ahi.

NASEPTE 2:20

Nisa chu thim hung suak intin, thapi chu thisan suak in a; Lalpa ni thupi leh lopi tak a hung tun masang ah chun.

ROMTE 11:26

Tichun, Israel zosia chu hukhin in um in au: “Zion ah kipat in Tandokpa chu hung pawt intin, Jakob ah kipat in Pathian ngaisak lona chu sumang in a.

THUPUAN 6:17

A lungnatna ni lopi chu a hung tun tâk hi, kua a hem pang zo ding?” a tiu a.