JEREMIAH 30:6 - PATHIAN LEKHABU THIANGTHO (BSI)

⁶ Dong un la en vêl ma tiam un, pawsal in nau a nei thei him him em? Numei nau nei ding gual ah, bang ding ah pawsal zosia’n a tâi uh sawn a hiu em? Bang ding ah a mêl zosiau dâng ahi tam?

JEREMIAH 30:6 ပူးပေါင်းရင်းမြစ်များ

SAM 48:6

a kithing gawp tau a, numei nauvei gual ah natna’n a man tai;

ISAI 21:3

Ziaziakchun, ka kawng leh jang a na zo ta’n, numei nauvei gual in ka tai a nai; ka het theilona dingin kainiam in ka um in, ka mu theilona dingin hi’buai in ka um tai.

ISAI 29:22

Ziaziakchun, Abraham a la hukdokpa Lalpa chun, Jakob Inkuante chungchâng thu zia gual hin a gen hi: Jakob chu mualpho ta pua’n tin, a mai le mual ta pua’n a.

JEREMIAH 13:21

La kithuapi ding ah la zil thiamsak te, la chung ah thunei ah a hung pan phat ua leh, bang la gen ta diam? Numei nauvei gual ah nat in, hun tuam suak talo ding a hem?

JEREMIAH 22:23

Aw, Lebanon tâng sidar thing lak ah bû sia ah chêngpa, la chung ah natna a hung tun ah, numei nauvei natna gual, la chung ah a hung tun phat leh, bang gual ah thûm in la tâu ta diam!

JEREMIAH 4:31

Numei naunei gual ah gim aw ka hia’n, a chatil nei ding gual ah thuakgim aw gi gual ah, Zion chanu halâ tak ah a khut van ah kiko chun, “Ka chung a gik na lawm lawm e! Ei that dingte âng ah chun ka basam tai,” ti aw chu ka he ta ahi.

JEREMIAH 48:41

Khawpite chu lâk hi’ntin, kulpi dette chu lûdaw in um in a. Zia ni chuleh Moab sepai hangsante lungchang chu, numei naunei dingte lungchang gual in, lauthawng ta’n au.

JEREMIAH 49:22

En un, mupi kikhaw suk kikhaw to gual in Bozrah chu hun baw intin, zia ni chuleh, Edom mi hangsante lungchang chu, numei nauvei lungchang gual in hung um ta’n a.

JEREMIAH 49:24

Damaska chu a jawngkhâl ta’n, taisiat a gaw ta’n, numei nauvei gual in, dipchâkna’n a man tai; patau leh lungngaina’n a dim tai.

JEREMIAH 50:43

A chanchin uh Babulon lengpa’n a la het phat in, a khutte chu a zawitha tai; numei naunei ding natna’na hun tut gual in a hun tut tai.

JEREMIAH 6:24

A chanchin uh chu ka la he tau a, ka khutteu chu a chau tha zo tau hi; numei naunei ding nat thuak gual in, lung gimna’n ka dim ui.

DANIAL 5:6

Lengpa mêl chu a hung dâng ta’n, a lau ma ma ziang tai. A pum in a kithing ah, a khûp a kitattua ta mai a.

HOSEA 13:13

Numei nauvei natna gual a chung in a hung tung a; himaleh, ama chu chapa ngol ahi. A pian hun tak in nau pianna kot lam a hun zuan ta puai.

JOEL 2:6

A âng un mipite suknat in a um un, mai zosia a thidâng tai.

NAHUM 2:10

Chomnâm ah um, nutsia ah um leh, suksiat dim dem ahi tai! Lungthim a basam in, khûp zosia a kithing tai; kawng zosia a kithing na zo ta’n, maisua zosia a ngûi zo tai!

1 THESSALONITE 5:3

“Muanna leh bitna a um hi,” a ti lai tak un, numei nauvei gual in thakhat in manthaina a chung un hung tung intin, zia kipat chun suakcha pua’n au.