JEREMIAH 30:3 - PATHIAN LEKHABU THIANGTHO (BSI)

³ Lalpa kamsuak chu: Ka mipi Israelte leh Judate vangphatna ka hun piak kit ah, a pu leh pateu kiang ah ka la piakna gam hun lua kit ding ah ka hun puitungna ding hun chu hung tung ngei ding ahi, Lalpa‘n a tii.

JEREMIAH 30:3 ပူးပေါင်းရင်းမြစ်များ

EZRA 3:1

Chuleh, tha sagi’na a hung hi’phatin Israelte chu khawpite ah chun a chên suak phat un, Jerusalem ah chun a hung kikhawm tau a.

EZRA 3:12

Himaleh, thiampute, Levite leh Inkuan tin ah puitute lak ah têksia tam tak, a In masa suangphûm a la mu phate chun, zia In suangphûm kipan kit chu a muu in thasia tak leh ngai tak in a kap tauah, mi tam takte chu kipak ziakin ngai tak in a kap un,

EZRA 3:8

Jerusalem ah Pathian In a hung tun nung uh a kum ni’na a tha ni’na chun, Shealtiel chapa Zerubbabel tawh Jozadok chapa Jeshua chun, mipite zosia tawh, thiampute leh Levite, saltânna mun ah kipat hung pawt ah Jerusalem ah hung zosia chun na a hun sêm pan tau a.

SAM 126:4

Aw Lalpa, Negeb lam ah luicha luangte gual in, vangphatna ei pia kit in.

SAM 53:6

Zion ah kipat Israel hukdawna ding, hung pawt ta mai leh aw! Pathian in a mite vangphatna, a tundin kit phat leh, Jakob lim ta’n tin, Israel kipak ta’n a.

JEREMIAH 16:15

mallam ah kipat leh gam tin ah thejakna kipat Israel mipite hun pui khawm kitpa Lalpa chu a hinnâk leh ti’na hun hung tung ding a hi. A pu leh pateu kiang ah piak ka la tiamna, a gam ua chun hun pui tung kit ding ka hi’ngal a, Lalpa‘n a tii.

JEREMIAH 23:5

David â ding ah Bâk dik tak ka hun tun dinna ding chu hung tung ngei ngei ding ahi. Ama chun leng gual in vaihawm intin, pil tak in ngaitua in ah; dikna leh thu tak in a gam chu vaihawm ta’n a.

JEREMIAH 27:11

Himaleh, Babulon lengpa ngawngkol bât ah, a na sep piak nuam tapo chu, a gam chiat un nusia ing ka tin, a lou chiat uh kithaw in, hing in au, Lalpa‘n a ti ahi.

JEREMIAH 27:22

A leng un Babulon lam ah puak mang hi’n tiu in, amau ka hun kanthâk kit masang sia, zia tak ah chun um zing ta’n au, Lalpa‘n a tii. Ziazaw chuleh, keima’n puidok kit ing ka tin, zia mun ah hin tungding kit ding ka hi, ti in.

JEREMIAH 29:10

Lalpa‘n zia gual hin a gen hi: Babulon â ding ah huntiam kum sawmsagi a bei phat leh, hung kantha bep ing ka tin; zia phat chuleh, la kiang ua ka thutiam guitunsak in, zia mun ah hin hun pui tung kit ing ka.

JEREMIAH 29:14

hun kimusak ding ka hi, Lalpa‘n a tii; chuleh, vangphatna hun vuk ing ka tin, nam tinte leh gam tin ah sal ah ka hun nawmangna mun zosia ah kipat in, hun tungding kit in, hun pui khawm ing ka tin, la gam lam un hun pui tung kit ing ka, Lalpa‘n a tii.

JEREMIAH 3:18

Zia ni phat chuleh, Judah Inkuan ah mite chu Israel Inkuan ah mite’n hun zawm ta’n tiu in; tichun, mallam gam ah kipat hung pawt khawm in, a pu leh pateu kiang ah a gochan ding ua ka piakna gam ah hin hung khawm ta’n au.

JEREMIAH 30:10

Nang ka suak Jakob vang lau kin la, aw Israel, lungdong kin, Lalpa‘n a tii; gamla tak ah kipat in hun hukdok ing ka tin, la suan leh pâkteu chu, a saltânnau gam ah kipat in, hun hukdok ding ka hi’ngâl a. Jakob chu hung kit in, thip hiat hiat in kichawldam ta’n tin, kuama’n sulauthawng ta pua’n au.

JEREMIAH 30:18

Lalpa‘n zia gual hin a gen a: Jakob puanbûkte vangphatna chu tung ding kit ing ka tin, a chênna munte chu lainat ding ka hi tai; a mual chung ah khawpi chu, tundin kit hi’ntin; a mun dik tak ah chun, a Insang sak kit hita’n a.

JEREMIAH 30:4

Israel leh Judah chungchâng in, Lalpa‘n zia gual hin a la gen a:

JEREMIAH 31:16

Zia gual hin Lalpa‘n a gen hi: Kapdok talo dingin la aw chu kisûm inla, la mitthi le thiak-hul ta’n; la sep gim man chu mu ding la hi’ngâl a, Lalpa‘n a tii; la mêlmate gam ah kipat in, hung kit ding a hiu.

JEREMIAH 31:23

Sepai honte Lalpa, Israelte Pathian in zia gual hin a gen a: A gam lam ua ka pui kit phat leh, Judai gam leh a khawpiteu ah chun zia gual paukam hi kimang kit ta’n a: “Aw, diktatna mun, Aw tâng thiangtho, Lalpa‘n hun maljawl hen,” ti in.

JEREMIAH 31:27

Israel gam leh Judai gamte chu, mihing leh gancha ka hun dimsak kitna ding nite chu hung tung ngei ngei ding ahi tai, Lalpa‘n a tii.

JEREMIAH 31:31

Israel Inkuan leh Judai Inkuante tawh, ka kikâl ua thutiam thak ka siamna ding nite chu hung tung ngei ngei ding ahi tai, Lalpa‘n a tii.

JEREMIAH 31:38

Ngai un, Hananel Insâng ah kipat, a Ning ah Kotpi umna tiang huap ding ah, khawpi kêkletna ding hun chu hung tung ngei ngei ding ahi tai, Lalpa‘n a tii.

JEREMIAH 32:37

En in, ka lungnatna leh ka hachangthakna, ka lung awi lo bêk ziak ah amau ka la nawdawna gam zosia ah kipat in hun pui khawm kit ing ka tin, zia mun hi hun tut kit in, bit tak in hun chênsak kit ding ka hi.

JEREMIAH 32:44

Sumchang in loute hun chaw’n, kichawkna lekhate zik det ah châl bit in, hiatpitu dingte le siam ta’n au; Benjamin gam ah te, Jerusalem khua kiang vêl ah te, Judai khawpite, tâng gam khawpite, Shephelah ah khawpite leh Negeb ah khawpite ah chunle; mipite chu a gam un tungding kit ding ka hi tâk ziakin, Lalpa chun a ti a hi.

JEREMIAH 33:26

Jakob leh ka suak David suan leh pâkte chu pâmpai in, a lak ua khat chale Abraham, Isak leh Jakob suante chung ah vaihawm ding in a la koi lo ma ding hivêng aw. Ahi’n la, amau vangphatna pia tungding kit in, lainat ding ka hi’ngâl a, ti in.

JEREMIAH 51:60

Babulon chung ah siatna hung tungding zosia chu, Jeremiah in lekhabu zial pakhat in a zikdok a, Babulon chung ah tung ding thute chu a leng in a jikdok suak a.

EZEKIEL 20:42

La pu leh pateu kiang ah piak ding ah ka la tiamna gam, Israel gam ah ka hun pui lût phât leh, Keima Lalpa hi ei hun he ta’n lau.

EZEKIEL 34:13

Namtin lak ah kipat in puidok ing ka tin, gam tin ah kipat pui khawm in, amau gam ma ma ah pui tung ding ka hi; tichun, Israel tângte leh tui luanna mun leh, mihing chênna mun zosia’n amau vâk ta’ng ka.

EZEKIEL 36:24

Namtin lak ah kipat leh gamtin ah kipat hun pui khawm in, nangmau gam ma ma ah hun pui lût ta’ng ka.

EZEKIEL 47:14

La pu leh pateu kiang ah piak ding ah ka la tiamna, la gochannau gam chu kibang chiat in la kihawm diu ahi.

JOEL 3:1

Judah leh Jerusalem vangphatna tundin kit hun a tun tak leh;

ZEPHANIAH 2:7

Tuisuagiat pâmte chu Judah Inkuan lak ah, a umsun te chanvo hung hi’ntin; zia tak ah chun a gan honteu tatsak intiu in, nitâk lam leh Ashkelon ah chun giak ta’n au. Lalpa a Pathian un amau chu kantha ta’n tin, a vangphatnau hun pia kit ta’n a.

ZEPHANIAH 3:20

Ka hun lak khawm phat leh In lam ah hun pui tung ta’ng ka; lei chung ah mi zosia lakah chawihoi leh, minthang ah ka hun bawl ding ziakin la mit mu ngei un, la saltânnau ah kipat ka hun tundin kit tak leh, Lalpa‘n a tii.

LUKA 17:22

Chuleh, a nungzuite kiang in, “Mihing Chapa dam lai ni’te hi ni khat bêk la ngai vung vung hun uh hung um intin, ahi’n la, mu ta pua’n lau.

LUKA 19:43

Bangtik ni a hem leh la mêlmate chun kul in hun ûm khum intiu in; hun châng kîmvêl intiu in, a ning a ning in hun ûm bichil intiu in.

LUKA 21:6

“Zia la thil muteu hi sukchip lo ah suang kithua him him um pua’n tin, a leng ah pai mang sik sek na ding hun chu hung tung ding ahi,” a tia.

DAN LEKHABU 30:3

Lalpa la Pathian un hun tung ding kit in, hun khawtua ta’n tin; chuleh, Lalpa la Pathian un namtin lak ah a hun thejakna gam zosia ah kipat in hun puikhawm kit ta’n a.

DAN LEKHABU 30:5

La pu leh pateu in a la luanau gam chu Lalpa la Pathian un hun pui lût kit in, hun luasak kit in ah; la pu leh pateu sâng ah tam zaw leh maljawlna dong tam zaw’n hun siam kit ding ahi.

HEBRAITE 8:8

A diklonau chu Pathian in a mudaw ziakin zia gual hin a gen a: “Ni chu hung tung ding ahi, Lalpa‘n a tii; ‘Zia ni chuleh, Israel Insung mite tawh, Judah Insung mite tawh le, thuthung thak siam ing ka tin;