JEREMIAH 30:18 - PATHIAN LEKHABU THIANGTHO (BSI)

¹⁸ Lalpa‘n zia gual hin a gen a: Jakob puanbûkte vangphatna chu tung ding kit ing ka tin, a chênna munte chu lainat ding ka hi tai; a mual chung ah khawpi chu, tundin kit hi’ntin; a mun dik tak ah chun, a Insang sak kit hita’n a.

JEREMIAH 30:18 ပူးပေါင်းရင်းမြစ်များ

1 KHANGTHU 29:1

Lengpa David chun mipi kikhawmte zosia kiangah chun, “Pathian in a têlchuam ka chapa Solomon hi a naupan tawh a hetna le a tawm nalai in, a nasep ding hi a lopi ma ma ngal in; a tempul sak ding hi mihingte chênna ding mai mai hilo in, Lalpa Pathian â ding ahi ngal in,

1 KHANGTHU 29:19

Chun, ka chapa Solomon hi la thupiakte, la thil hiatsakte leh la dante zawm ah, zia gual ah chu um thei ding leh ka la kiguanggal dungzui ah zia In chu sa dingin, lungthim pha bukim putsak ta’n, ti’n a gen tai.

NEHEMIAH 7:4

Khawpi chu a lian in a kiphâ diai duai ah; himaleh, a sung ah mipi a tawm in, Inte chule sak nai lo ahi nalai hi.

SAM 102:13

Tho inla tin, Zion khawtua ding la hi, doisak hun lai tak ahi ngal a; hun guat chu a tung tai.

SAM 102:14

La suakte’n a suangte chule a ngainau hen, a leivui natiangle a ngaina ngal un.

SAM 122:7

La kulsung ah chun thamuanna um hen la; la gâlvên bûk sung ah chun bitna um ta hen”.

SAM 48:13

a kulte chu tepteu inla, a kulpite chu chuan suak un; khangthak hung um kit dingte kiang ah

SAM 48:3

Khawpi kul sung ah chun, Pathian in amau humbit ding ahi dan a hiatsak tai.

SAM 78:69

A mun thiangtho chu van sâng tak gual in a lem in; kumtuang â ding ah a phudetsa leilung gual ahi.

SAM 85:1

Lalpa, la gam hi la doisak hen; Jakob vangphatna la pia kit tai.

ISAI 44:26

a suakpa kamsuak hi’det piak a, a tângsamte thugenlawk guitunsakpa chu ka hi. Jerusalem chung thu ah chun, “Mipi hun chênsak kit ding ka hi,” tipa leh, Judai gam ah khuate kiang ah: “Bawl thak ah um kit ding la hiu, la sung ua suksiat ah umsate kha, hun tungding kit ding ka hi,” ti’pa;

ISAI 44:28

Kuras chung thu in: “Ama chu belam gual ah ei chingpa ahi’n, ka thil guanggal zosia hun bawldok ding ahi,” ti’pa leh, Jerusalem chung thu ah: “Bawl thak ah um kit ding la hi,” ti leh, tempul chung thu ah: “La suangphûmte lep thak ah um kit ding ahi,” ti’pa chu ka hi, ti’n a gen tai.

JEREMIAH 23:3

Ziaphat chuleh, ka gan-gual um sunte chu, ka nawjakna gam tin ah kipat in keima’n hawl khawm kit ing ka tin, a huang sung un hawl lut kit ing ka; tichun, hung pung in hung tam ma ma kit ta’n au.

JEREMIAH 29:11

Nang uh â ding ah ka thil guanggal chu ka hechian ma ma ngal a; zia chu tu’nung ah la siatna ding uh hilo in, la phatna ding uh, a tung nai lo ah kinepna ahi, Lalpa‘n a tii.

JEREMIAH 29:14

hun kimusak ding ka hi, Lalpa‘n a tii; chuleh, vangphatna hun vuk ing ka tin, nam tinte leh gam tin ah sal ah ka hun nawmangna mun zosia ah kipat in, hun tungding kit in, hun pui khawm ing ka tin, la gam lam un hun pui tung kit ing ka, Lalpa‘n a tii.

JEREMIAH 30:3

Lalpa kamsuak chu: Ka mipi Israelte leh Judate vangphatna ka hun piak kit ah, a pu leh pateu kiang ah ka la piakna gam hun lua kit ding ah ka hun puitungna ding hun chu hung tung ngei ding ahi, Lalpa‘n a tii.

JEREMIAH 31:23

Sepai honte Lalpa, Israelte Pathian in zia gual hin a gen a: A gam lam ua ka pui kit phat leh, Judai gam leh a khawpiteu ah chun zia gual paukam hi kimang kit ta’n a: “Aw, diktatna mun, Aw tâng thiangtho, Lalpa‘n hun maljawl hen,” ti in.

JEREMIAH 31:38

Ngai un, Hananel Insâng ah kipat, a Ning ah Kotpi umna tiang huap ding ah, khawpi kêkletna ding hun chu hung tung ngei ngei ding ahi tai, Lalpa‘n a tii.

JEREMIAH 31:4

Aw, nungak thiangtho Israel, hun tungding kit ing ka tin, tundin kit hung hita’n la! Tichun, la khuang neute chu pan inla, kipakna siam ah lâmte lak ah pang dingin kipandok in.

JEREMIAH 31:40

Mithi kivuina leh ki’dak kihâlna vut paidawna phâijawl tiang leh, Kidron Wadi tiang ah lou mun haw tawh, sualam pang ah Sakol Kotpi kil lam tiang chu, Lalpa â ding ah thiangtho hita’n a. Zia khawpi hi sukchip leh phel siat hi kit ta pua’n ah, ti in.

JEREMIAH 32:15

Sepai honte Lalpa, Israelte Pathian in zia gual hin a gen ngal a: Zia gam ah hin Inte, loute leh grep huante chu kichawk tua kit hung hi’n a, ti in.

JEREMIAH 32:44

Sumchang in loute hun chaw’n, kichawkna lekhate zik det ah châl bit in, hiatpitu dingte le siam ta’n au; Benjamin gam ah te, Jerusalem khua kiang vêl ah te, Judai khawpite, tâng gam khawpite, Shephelah ah khawpite leh Negeb ah khawpite ah chunle; mipite chu a gam un tungding kit ding ka hi tâk ziakin, Lalpa chun a ti a hi.

JEREMIAH 33:11

kipak limna aw gi leh, mopa aw leh monu aw leh, Lalpa In ah kipakna thilpiak lân ah Lâ sate chun: “Sepai honte Lalpa kiang ah kipak thu gen un, Lalpa chu a phatna ziak leh, a ngilneina’n kumtuang a dai ngâl a!” a ti’nau husate chu het in hung um kit ding ahi. Malai gual ah khan a vangphatnau chu, hun pia kit ding ka hi, Lalpa‘n a tii.

JEREMIAH 33:7

Judah vangphatna leh, Israel vangphatna chu tung ding kit ing ka tin, a dinmun masa gual un umsak kit ing ka.

JEREMIAH 46:27

“Himaleh, nang ka suak Jakob, bangma lau kin. Aw Israel, lungthuai diak kin; gamla tak ah chun hun hukdok in, la suan la pâkteu chu, a saltânnau gam ah kipat in, hukdok ding ka hi’ngâl a. Jakob chu hung kit intin, thamuang tak leh chawldam tak ah chêng in, kuama’n sulau thawng ta pua’n au.

JEREMIAH 49:39

Himaleh, hun nunung lam leh, Elamte vangphatna chu tungding kit ing ka, Lalpa‘n a tii.

JEREMIAH 49:6

Himaleh, tu’nung lam leh Ammonte chu hun tungding kit ding ka hi, Lalpa‘n a tii.

EZEKIEL 36:11

la sung ah mihing hileh, gancha hileh hi’pung ta’ng ka. Pung intiu in, ga sua in au; ma lai gual khan la sung ah hun chênsak kit ing ka tin, malai sâng in la chung ah thilpha bawl zaw ta’ng ka.

AMOS 9:14

Ka mi Israelte neinungna tungding kit ing ka tin, amau in khawpi chimsate chu siampha kit in lua in au. Grep phut intiu in, grep ga tuite chu dawn ta’n au; huante bawl intiu in, a ga ne ta’n au.

ZEKARIAH 1:12

Lalpa vansawlchâk in, “Aw sepai honte Lalpa, zia kum sawmsagi la lungnat khum, Jerusalem leh Judah khawpite ah kipat ja’ngaina bang chan tutâng nalai ding la hi em?” ti’n a hun dong a.

ZEKARIAH 1:16

Ziaziakchun, Lalpa‘n zia gual hin a gen hi: Ja’ngaina tawh Jerusalem lam ka hun nga kit tai; zia sung ah chun ka In sak hi’ntin, Jerusalem chung ah chun te’na kithungdok kit ta’n a,” sepai honte Lalpa chun a tii.

ZEKARIAH 12:6

Ziaphat chuleh, Judah Inkuante chu thing siakhawm lak ah beltaw’ meikuang gual in siam ing ka tin; buvui lak ah meisel gual hi’n au; tichun, a kîmvêl ua, a vei leh chang ua um namtinte chu kâng tum ta’n tin, Jerusalem chun ama mun, Jerusalem khawmun chu lua kit ta’n a.

ZEKARIAH 12:7

David Inkuante lopina leh Jerusalem luate lopina chu Judah chopkân ah hi’lêt a hi’lona ding in, Lalpa‘n Judah puan Inte chu zaw’na pemasa’n a.

ZEKARIAH 14:10

Gam zosia chu Geba ah kipat Jerusalem simlam ah Rimmon tiang in, phâizawl hung hita’n a. Ahi’n, Jerusalem vang chawisa’n ah um in, Benjamin Kotpi a tiu ah kipat Kotpi umna masa a Kil ah Kotpi tiang; chuleh, Hananel In sâng ah kipat lengpa uain sûkna phual mun tiang chu bit tak in um ta’n a.