JEREMIAH 30:16 - PATHIAN LEKHABU THIANGTHO (BSI)

¹⁶ Ziaziakchun, nang a la ne zo tapo chu, nêk zaw in hung um intiu in; la mêlmate chu a leng un sal ah, pui mang sik sek hung hita’n au; nang hun suam gam tapo chu, suam gam in hung um intiu in, gâlhing ah hun man tapo chu, gâlhing ah matsak ing ka.

JEREMIAH 30:16 ပူးပေါင်းရင်းမြစ်များ

SAM 129:5

Zion mudate zosia chu sukmualpho ah um in, jamsiatsak in um tau hen.

PAWTDAWNA THU 23:22

A thu la ngai ah, ka gen zosia la zui leh, la gâlte â ding ah gâl leh, la mêlmate a ding ah mêlma hi ding ka hi.

THUPILTE 22:23

Lalpa‘n amau chu genpi gêl gêl ding ahi ngal a; amau haw chomgam taphot chu, Lalpa‘n amau hinna le chomnâm ding ahi.

ISAI 14:2

Chuleh, namtin a mun un hun pui khawm kit intiu in; tichun, Israel Inkuante chun Lalpa gam ah chun, namtin ah mite chu suak numei leh suak pawsal in nei ta’n au; amau sal ah a la mante kha sal in man zaw ta’n tin uh, amau a la tawdente kha hun tawden ta’n au.

ISAI 33:1

Nangma’n siatna tuak lo ah, midangte susepa leh kuama’n lepchia tak ah a bawl lo uh, nang in lepchia tak ah la bawl ziakin, la chung a gik hi! Nang in midangte hisiat la haisan phat leh, nangma chu hisiat ah um ding la hi; midangte lepchia tak ah la bawl lo phat leh, nangma chu lepchia tak in hun bawl in au.

ISAI 54:15

Kua a hem khat in kinakna a hun patdaw leh le, zia chu keima ah kipat hipua’n tin; a hun kinakpi tapo chu, nangma ziakin kipûk ngal in au.

ISAI 54:17

Nangma do-na ding ah matchâk kisiam zosia chu, lawting ngai pua’n tin; chuleh, vaihawmna mun ah hun nial, lei taphot chu nialtha ta’n la. Zia hi Lalpa nasêmte gochan leh, keima panpi’na chu ahi, ti’n Lalpa‘n a gen hi.

JEREMIAH 10:25

La lungnatna chu nangma he’phalo, gam dang mite chung ah sungtha’n la, la min lam ngai lo mite chung in sungtha’n; amau chun Jakob ne zo in, a nêk ua a val zaw nung unle, a chênnau a hisia dim dem nalai sêt ui.

JEREMIAH 12:14

Lalpa‘n zia gual hin a gen hi: Ka mi Israelte’n a luana ding ua ka piak, go ah a lua ding uh gam chu a la khoikha, a kîm leh vêl ah nam gilo zosia chu, a gam ua kipat in suandok ing ka tin, a lak ua Judah Inkuan ah mite zosia chule ladok ding ka hi.

JEREMIAH 2:3

Israelte chu Lalpa â ding ah thiangtho a hiu in, a ga masa pen chu ahi. Amau ne tapo chu thiamlo chang a hiu; a chung un siatna tunsak ding ka hi, Lalpa‘n a tii,” ti in.

JEREMIAH 25:12

Kum sawmsagi a ti’n zaw phat leh, Babulon lengpa tawh, zia nam leh Kaldaite gam chu a khawlona ziak un gawt ding ka hi; tichun, a gam uh chu suchavai dik dek ding ka hi, Lalpa‘n a tii.

JEREMIAH 30:15

La be nat ziak ah bang ding ah kap la hem? La natna chu sukdam thei lo ahi. La bawlkhialna a huaisia ta luai, la gitlona a tam bêk ziakin, zia gual chu la chung ah ka hun tunsak ahi.

JEREMIAH 50:28

Ngai un! Lalpa I Pathian un Tempul chung thu ah a phuba lâkna thu, Zion ah taklang dingin Babulon gam ah kipat in gâljam leh vâkvaite chu a hung ui.

JEREMIAH 8:16

Dan ah kipat in a sakolteu nâk git chu, hetphâk ahi’n; a sakolchalteu hâm git ziakin, gam pumpi hi a kithing tai. A hung un, a gam leh a sung ah um zosia tawh, a khawpi leh a sung ah chêng zosia chu, a himangthai zo tau hi.

KÂ LATE 1:21

Ei thamuantu ding umlo ziak ah, ka thûm dan a he ngâl un. Ka mêl huatte zosia’n, ka buaina a hechiat ui; zia hi nangma bawl ahi ti, a het ziak un a kipak ma mau hi. La puan tâksa ni ah chun tun sak inla. Keima tuak hi amau le tuak sak in

KÂ LATE 1:22

A gitlo’nau zosia la kiang tung hen la; ka bawsiatna zosia ziak ah, ka chung ah la bawl gual hin, amau chung inle bawl in; ka thûmna a tam ta’n, ka ngaituana le a chau zo tai.

EZEKIEL 29:6

Israel Inkuante â ding ah luangkang tawhbang la hiziak in, Aigupta gam ah mi zosia’n Keima hi Lalpa ka hi ti hun he ta’n au;

EZEKIEL 35:5

Masanglai ah kihuatna vop zing ah, Israel mipite’n gawtna tawp a tuak ua, haksatna huaisia tak a tuak hun ua a chung ua chemjam la lap ziak un,

JOEL 3:8

La chapateu leh la chanuteu chu Judah mite khut in zuak ing ka tin; amau in gamla tak ah nam khat, Sabeante kiang ah zuak sawn in au; ti’n Lalpa chun a gen ta’ngal a.

MIKAH 4:11

Tu’hin, nam tam tak nangma do dingin a hung khawm un: “Hi’buak in um hen la, I mit un Zion chung chu en zing hen,” a tiu a.

MIKAH 7:10

Ziaphat chuleh, ka mêlma: “Lalpa la Pathian chu khoi ah um a hem?” ei tite chun mu ta’n tin, mualpho ta’n a. A pukna chu ka mit in mu’n tin; tu’hin chu lam dung ah buanthuak gual ah, chotden in um ta’n a.

NAHUM 1:8

Tuisuagiat in a hi’siat gual in, a mêlmate chu hi’sia dim dem in a; ama do taphot chu a thi’na ding uh, thim lam in sawl lut ta’n a.

HABAKKUK 2:16

Lopina sâng ah simmaw’na khuksak hi’n la. Nang inle dawn inla, kham ta’n! Lalpa khut changlam ah no chu, la kiang in hung kile’kit intin, lopina sâng in mualphona hung tung in a!

ZEPHANIAH 2:8

Moabte engho’na leh Ammonte hosiatnate, a gam uh kisuanpi ah ka mite a simmaw dan uh ka he tai.

ZEKARIAH 1:14

Tichun, ei kihopi vansawlchâk chun ka kiang in, “Zia gual hin tâng vasam in: Sepai honte Lalpa chun zia gual hin a gen hi: Jerusalem leh Zion chu ka khawtua ma ma hi;

ZEKARIAH 1:15

chuleh, kinoptel tak ah um namte chung in ka lung a na ma ma hi; ka lungnatna neucha ahi lai in siatna huaisia zaw diak a hun bawl un.

ZEKARIAH 12:2

En un, Jerusalem chu a kîmvêl ah mipi zosia â ding ah khamna no in siam ding ka hi; Jerusalem khawpi bulu ah a um phat leh, Judai gam chule bulu in um ta’n a.

ZEKARIAH 14:2

Jerusalem do dingin khawvel ah nam zosia ko khawm ding ka hi’ngâl a; tichun, khawpi chu lâk hi’ntin, mite chule luaknâm hi’n tiu in, numeite chu pawng sual in um ta’n au; khawpi sung ah mihing a kimkhat chu sal ah pui mang hi’ntin, a dang cheng chu khawpi ah kipat in sukmangthai hipua’n au.

ZEKARIAH 2:12

Lalpa chun gam thiangtho ah chun, Judah chu a gochan dingin lua ta’n tin, chuleh, Jerusalem chu têlchuam kit ta’n a.

ZEKARIAH 2:8

(A lopina’n ei sawldaw zaw phatin,) Nangma hun suamte chung châng, sepai honte Lalpa chun zia gual hin a gen ta’ngal a: Nangma hun khawi kha taphot chun, ka mit naucha ei khawi piak a hiu.

DAN LEKHABU 30:7

Lalpa la Pathian un zia hânsia lawna zosia hi la mêlmateu leh, nang uh a la dodâlte leh la chung ua amau lawkna ding hawl zosiate chung in tunsak zaw ta’n a.

THUPUAN 13:10

Kuale sal ah puite chu sal ah pui in um intiu in; chemjam ah mithatte chu chemjam ma’n thi’n au. Zia hi mithiangthote thok-hatna leh, ginna nei ding ah chialna ahi.

1 SAMUEL 17:53

Philistinte delzui Israelte a hung kit phat un, a giamun uh a va buluu a.