JEREMIAH 30:14 - PATHIAN LEKHABU THIANGTHO (BSI)

¹⁴ La gual ngaite’n a hun hemil zo tau in, nang a hun ngaisak ta puau hi; la bawlkhial a huaisiat ziak leh, la gitlona a tam bêk ziakin, mêlma’n lainatna pang lo ah a gawt gual leh, gâlte gawt gual in ka hun soisak la hi.

JEREMIAH 30:14 ပူးပေါင်းရင်းမြစ်များ

JOB LEKHABU 16:9

A lungnatna’n ei bottel in, ei muda ah, a ha ei gawi khum nalai ah; ka mêlmapa chun muda tak in, ei mitchangsâl hi.

JOB LEKHABU 19:11

Ka chung ah a lungnatna a sêmkuang ah, a mêlmate lak in ei sim khawm tai.

JOB LEKHABU 30:21

Ka chung in la nun a sia’n, la khut hat tak chun lei gawt tai.

SAM 107:17

Mi khenkhatte chu a gitlo ziak ua, nat leh haksatna thuak a um un;

ISAI 57:13

La patau phat uh leh, la milim lâk khawm haw chun hun hukdok tau hen! Hui in tokmang hen la, hu in mût mang ziang ta hen. Himaleh, keima ei bêl taphot chun, gam hi hun lua in, ka tâng thiangtho hi go in hun lua ta’n au.

JEREMIAH 14:17

Zia thu hi a kiang ua la vagen ding ahi: Chanu thiangtho, ka mipite ngei chu, khetbûk ah jep pâi in a um un; beliam huaisia tak a nei tâk ziak un, a sun a jan chawlnga lo in, ka mitthi tuite chu luang ta hen.

JEREMIAH 2:36

La umchan kihiatlosak ah, nuam tak ah um gua la hi maw! Assuriate’n a hun sukmualpho gual mau in, Aiguptate’n le hun sumualpho ding a hiu.

JEREMIAH 22:20

Lebanon tâng ah kal to in kikodok unla, chuleh, Bashan ah chun la awu suau in; la gual ngaite a leng un suksiat ahi tâk ziak un, Abarim ah kipat chun kap jak tau in.

JEREMIAH 22:22

La hotuteu chu hui in tok mang intin, la ngainatteu chu sal ah tâng in au; ziaphat chuleh, la gitlonau zosia ziakin, mualpho tak leh beidong tak in um ta’n lau.

JEREMIAH 30:15

La be nat ziak ah bang ding ah kap la hem? La natna chu sukdam thei lo ahi. La bawlkhialna a huaisia ta luai, la gitlona a tam bêk ziakin, zia gual chu la chung ah ka hun tunsak ahi.

JEREMIAH 32:29

Zia khawpi do ah hung kuan Kaldaite chu hung lut in, Baal â ding ah kithoina latna In zosia leh, pathian dang kiang ah dawn chi sungtha ei sulungnate In zosia chu, mei ah hung hâl in, kâng tum in a.

JEREMIAH 32:30

Israel mite leh Judai gam ah mipite chu, khangdawng ahi lai ua kipat ka mit mu ah thil phalo bawlte ngen a la hi’ngal un; Israel mipite chunle a khut un ka lungnatna ding ngen a bawl ta’ngal un, Lalpa‘n a tii.

JEREMIAH 32:34

Ka min chuanna In chu subuak dingin, a milimteu chu a tâkdok tau a.

JEREMIAH 32:35

Hinnom chapa phâijawl ah chun, a chateu leh a chapateu Molekh kiang ah, mei ah lat ding ah a piakna ding un Baal thoimualte chu a tung ding tau a; zia chu ka thupiak le a hipua’n, ka lungthim ah le ka la gêl khâk lo, Judai gam ah mite thil phalo tak a la bawlsak guat ziak uh ahi.

JEREMIAH 38:22

Judah lengpa In sung ah numei kinusia, Babulon lengpa milian leh lalte’n a puidok lai tak ua zia gual ah gente hi ei musak ahi: La ginchak ma ma, la gualte’n hun thêm tha’n, a hun zawthaw bawl tau hi; tu’hin, la kengte chu buanthuak lak in a tâng ta’n, a hun nusia zo tau hi, a tiu hi.

JEREMIAH 4:30

Aw nutsia ah um nang la, bang ding ah puan sandup ah kivan nalai ah, sana kijem nalai sêt ah, la mit lian tak ah jem nalai la hem? A thawn ah jem mai mai la hi. La ngaijawngte’n a hun simmawu hi, tha gua’n a hun hawl ui!

JEREMIAH 44:22

La thil phalo bawl uh leh, la thil ki’dak um bawlteu hi, Lalpa‘n a en pei ta puai; ziaziakchun, la gam uh chu nutsia ah um leh a hawm, a chêng um talo ah tu’ni tiang ah um khawlaw a hita hi.

JEREMIAH 5:5

Mihausate kiang lam ah chia ing ka tin, a kiang un gen mai ing ka; amau chun vang Lalpa lampi chu hia’n, a Pathian dan uh chu he ngei ngei in au,” ka ti’n. Himaleh, a leng un a ngawngkol uh a susia tau a, a mi kânna khaute a ât tan zo tau hi.

JEREMIAH 5:6

Ziaziakchun, gammâng ah kipat hung pawt, sakeibaknei chun that intin, gamkeu ah kipat hung pawt, Ngei in puaitel in a. A sukkhialnau a tam ziak leh, a nungtolnau a huaisiat bêk ziakin, a khawpiteu chu gialbem in a châng ah; a pawtdok taphot chu puaitel hi’n au.

JEREMIAH 50:42

Thalpi leh cheicha a hun pan un, mi huham leh lainatna neilote a hiu. Aw Babulon chanu, nang hun do dingin, tuisuagiat kinawk gual ah husa nei, sakol chung ah chuang in, sepai hangsan, gâlkuan ding gual in a kisiam ui!

JEREMIAH 6:23

Aw Zion chanu! Nangma do dingin, thalpi leh cheicha a chawi ui; nunsia tak leh lainatna bei a hiu a, a husau chu tuisuagiat gi gual ahi; gâl do ding ah kithuam gual in, sakol in a chuang ui!

KÂ LATE 1:19

Ka ngainatte chu ka ko ah, himaleh, ei kilepsan tau; ka thiampute leh upate chun, amau hi’hal ding an a hawl lai un, khawpi sung in a thiden tau.

KÂ LATE 1:2

Jankhua’n a kap ngawi ngawi ah, a biang ah mitthitui luang kawm in; a gual ngaite lakah ama thamuan ding, khatle a um puai; a lên gualpi zosia’n a lepbawl tau in, a kilanpi’n a hung pang tau hi.

KÂ LATE 2:1

Lalpa‘n a lungnatna ziak ah, Zion chanu bang gual lawm ah, sumualpho ahi tam! Israel hoina van ah kipat in, lei ah a hun septha ta’n; a lungnat ni’n a keng ngakna a he’pha ta puai.

EZEKIEL 23:22

Ziaziakchun, aw Oholibah, Lalpa Pathian in zia gual hin a gen hi: La dawichâkte ki’dak in hun siam ing ka tin, kil tin ah kipat nangma do dingin hungsak ding ka hi:

EZEKIEL 23:9

Ziaziakchun, a dawichâkte, a etlel pen Assuriate khutthak thoina dingin ka pia tai.

DANIAL 9:11

Israel mite zosia’n la dan chu bawtsia zo ta’n, a hilo lam in ka kiheimang zo tau ah, la aw ka ngai nuam ta puau hi. Chuleh, la chung ah ka la gitlo tâk ziak un, Pathian suak Mosi dan lekhabu ah kizik, hânsia leh kipau tiamna zosia ka chung un but khum in ka um zo tau hi.

DANIAL 9:13

Mosi dan lekhabu a kizik gual gual in, zia thil phalo zosia hi ka chung un a tung tai. Ka thulim lona teu kiheisan ah, ama dikna lampi ka zuitheina ding un, Lalpa ka Pathian uh doisakna hawl in ka pauchap nai diak puau a.

DANIAL 9:5

ka gilo zo tau ah, ka la bawl khial zo tau in, nunsia tak ah um in ka la hel zo tau a; la thupiak leh la vaihawmnate ah kipat in ka la pêt mang zo tau hi.

HOSEA 2:5

A nuu chu a thanghuai sek a, amau vopnu chu jachâk um tak in a um tai. “Ka an leh ka tui, ka samul leh ka pat, ka sathau leh ka dawn ding ei pete, ka hepite delzui ing ka,” a ti’ngal in.

HOSEA 5:14

Ephraim â dingin sakeibaknei gual hi’ng ka tin, Judah Inkuante â dingin sakeibaknei vânglai gual hi’ng ka. Keima’n bottel in chia mang ta’ng ka; paw mang ing ka tin, kuama’n hukdok pua’n a.

OBADIAH 1:7

La pankhawmpite zosia’n, a hun thêm tau ah, gamgi tiang a hun naw mang tau hi; la kizawppiten nangma a hunzo tau hi; la vaithum nete’nle la awkna ding, thâng a kam tau in, hetthiamna him him a um ta puai.