JEREMIAH 30:13 - PATHIAN LEKHABU THIANGTHO (BSI)

¹³ Nang hun panpi ding kuama a um puau a, la liamna damdawi dingle a um pua’n, la damna ding him a um puai.

JEREMIAH 30:13 ပူးပေါင်းရင်းမြစ်များ

JOB LEKHABU 34:29

A la thip hiat hiat leh, kua a hem awimaw thei diak ding? A mai ah sêl mang leh kua nam hi’n, kua mimal hileh a mudok zo ding kua a hem um?

JOB LEKHABU 5:18

Ama’n a suliam ah, a tuam kit ah; a vua hen, a khut ma ma’n a sudam kit sek hi.

SAM 106:23

A mi têlchuam Mosi, a thasâng un a la ding lo vang leh, a lungnat ziakin a leng un, a la hi’mangthai mai dingin, a la gen a.

SAM 142:4

Ka changlam en inla, ngaitia: kuama ei limsak a um puau in; ka kisêlna dingle a um ta puai; kuama’n ei khawtua puau hi.

PAWTDAWNA THU 15:26

A kiang un, “Lalpa la Pathian aw chu chingthei tak ah la ngai ua, a mit mu ah thil dik chu la bawl ua, a thupiakte la ngaisak ua, a dante la zop ua ahileh, Aigupta mite chung ah a tunsak hiveite haw hi khat chale la chung un hun tunsak lo ding ka hi: keima hi Lalpa, nanghaw hi’dampa chu ka hi’ngal in,” a tia.

ISAI 1:6

Kengpêk ah kipat lujang tiang in, a natlona mawng mawng a um ta pua’n, thidup leh meimasia, thisan kang thei lo in a na’n, kuama’n mêkdok lo, tuam lo leh sathau nangawnle, a nu’ nuam puau hi.

ISAI 59:16

Kuama cha thudik a um puau ti a mu’n, a hung kisalâ ding khatle a umlo ziakin, lamdang a sa ma ma hi; tichun, ama khut ma ma’n zaw’na a pia’n, chuleh, ama diktatna’n a tudet tai.

JEREMIAH 14:19

Judah chu la nol kei ziang ahi tam? La lungthim in Zion chu ki’dak ziang la hi tam? Kei uh â ding ah sukdam zaw hi talo ding ah, bang ding ah ei vaw pâi la hem? Muanna ka hawl un ka mu puau in; damna ka hawl un tizatna ka mu zaw tau hi!

JEREMIAH 17:14

Aw Lalpa, ei hi’dam in, chutileh, dam thiang ding ka hi; ei hukdam in, chutileh, hukdam hita’ng ka; ka pâkchat chu nang la hi’ngâl a.

JEREMIAH 30:17

Amau in nang chu pâm pai ah um ahi tai, ti’n tiu in: “E he Zion hi! Kuama’n a ngaisak ta puau hi!” a hun ti ziak un, la hisêlna hun pia kit ing ka tin, la beliamte chu sudam kit ding ka hi ta’ngâl a, Lalpa‘n a tii.

JEREMIAH 33:6

Tungding kit in, sudam kit ding ka hi; sudam ing ka tin, hausakna kiningting tak leh bit tak in umsak kit ing ka.

JEREMIAH 46:11

Aw, nungak thiangtho Aigupta chanu, Gilead ah chia to inla, thingnâi damdawi vala’n. Damdawi tam tak la mang ta na’n a phachuam pua’n, nang â ding ah damna a um puai.

JEREMIAH 6:7

Tuikul in tui thiang tak a pût sek gual in, nunsiatna thak thak a vop zing hi. Thagum sua’na leh suksiatna thu bep a sung in het ahi; damlona leh beliamte chu, ka ma-âng in a um zing hi.

JEREMIAH 8:22

Gilead ah damdawi um talo a hem? Zia chun damdawi thiam umlo maw? Bang ding ah ka mipi gentheite chu, sukdam kit hilo a hiu em?

KÂ LATE 2:13

Aw Jerusalem chanu, bang hun gen piak ding ka hem? Bang tawh hun te’ ding ka hita’m? Aw Zion chanu thiangtho, ka hun thamuan theina ding ah, bang hun gen piak ding ka hita’m? La siatna tuak hi tuisuagiat gual in a lian hi; kua’n hun hi’dam thei ding a hem?

EZEKIEL 22:30

A gam ka hi’siat lona ding ah, gam thasang ah ka ma-âng ah ding ah, a bâng siampha ding leh, a siatna mun ah pang ding a lak un mi ka hawl ah; himaleh, ka mu zo puai.

EZEKIEL 30:21

Mihing, Aigupta Lengpa Pharaoh khutbân chu ka khenbong tai; chemjam lek zo ding khop ah a hât kit theina ding ah sukdamna ding in, tuam le ahi puai.

HOSEA 14:4

A thutak lonau ah kipat in sudam ing ka tin, a thawn in amau hepi ta’ng ka; amau chung ah ka lungnatna a bei ta ngal a.

HOSEA 6:1

“Hung un, Lalpa kiang lam ah kile’kit hitiu; ei puaitel chu ama ahiziak in, ama’n ei hi’dam ding ahi, ei vaw liam maleh ei tuam piak ding ahi.

NAHUM 3:19

La natna damna ding a um pua’n, la liamna hi thi’pi kham ahi. La thuthang he zosia’n, a khut uh a hun betkhum tau hi. A hun tawk nei lo ah la hiamngamna lak ah, kipat kua a suakcha kha ngai em?

DAN LEKHABU 32:39

Keima, kei bep hi ka hi’n, pathian dang a um puai, ti he tau in. Ka that ah, ka hinsak ah; ka hi’liam ah, ka hi’dam sek; ka khut ah kipat in kuama’n a ladok thei puau hi.

1 PETER 2:24

Gitlona thi’san ah, dikna ah I hin zawk theina ding un, ama ngei chun kros ah khan a taksa ah chun I gitlonateu a paw tai. Ama beliamte ziak ah sukdam in la um tau ahi.

1 JOHAN 2:1

Ka chate haw, thil la hi’khial lona ding un zia thilte hi ka hun zik ahi. Ahi’n la, kua’n le thil a hi’khial chun, Pa kiang ah ei gen piak ding Jesu Khrista midik chu I nei ui.