JEREMIAH 30:12 - PATHIAN LEKHABU THIANGTHO (BSI)

¹² Lalpa‘n zia gual hin a gen tai: La natna chu sukdam thei ding gual ahi puai, la beliam a huaisia ma ma ngâl a.

JEREMIAH 30:12 ပူးပေါင်းရင်းမြစ်များ

2 KHANGTHU 36:16

himaleh, Pathian in thugen ah a hun sawlteu chu a la nuisan in, a thugenteu chule simmaw in, a jawlneite chule tawtbawlna’n a la mang tau a; a tawp in a mipite chung ah Lalpa lungnatna a hung nasa ma ma ta’n, sukdam zaw ding gual a hita puai.

JEREMIAH 14:17

Zia thu hi a kiang ua la vagen ding ahi: Chanu thiangtho, ka mipite ngei chu, khetbûk ah jep pâi in a um un; beliam huaisia tak a nei tâk ziak un, a sun a jan chawlnga lo in, ka mitthi tuite chu luang ta hen.

JEREMIAH 14:19

Judah chu la nol kei ziang ahi tam? La lungthim in Zion chu ki’dak ziang la hi tam? Kei uh â ding ah sukdam zaw hi talo ding ah, bang ding ah ei vaw pâi la hem? Muanna ka hawl un ka mu puau in; damna ka hawl un tizatna ka mu zaw tau hi!

JEREMIAH 15:18

Bang a tia ka natna chawl lo ah, ka beliam dam theilo ah, dam ding gaw lo hial ahi tam? A dik tak in, nang hi kei â dingin tuisam guam, a tui bei pai gual ah, ei thêm mai mai la bang hi.

JEREMIAH 30:15

La be nat ziak ah bang ding ah kap la hem? La natna chu sukdam thei lo ahi. La bawlkhialna a huaisia ta luai, la gitlona a tam bêk ziakin, zia gual chu la chung ah ka hun tunsak ahi.

JEREMIAH 6:7

Tuikul in tui thiang tak a pût sek gual in, nunsiatna thak thak a vop zing hi. Thagum sua’na leh suksiatna thu bep a sung in het ahi; damlona leh beliamte chu, ka ma-âng in a um zing hi.

JEREMIAH 8:22

Gilead ah damdawi um talo a hem? Zia chun damdawi thiam umlo maw? Bang ding ah ka mipi gentheite chu, sukdam kit hilo a hiu em?

KÂ LATE 2:13

Aw Jerusalem chanu, bang hun gen piak ding ka hem? Bang tawh hun te’ ding ka hita’m? Aw Zion chanu thiangtho, ka hun thamuan theina ding ah, bang hun gen piak ding ka hita’m? La siatna tuak hi tuisuagiat gual in a lian hi; kua’n hun hi’dam thei ding a hem?

EZEKIEL 37:11

Ziaphatchun, ka kiang in, “Zia gukeute hi Israel Inkuante chu a hiu. Amau in, ‘Ka guteu a keugawp ta’n, ka kinepnau le a bei tai; pai thâk thian ka hitau,’ a tiu in.

HOSEA 5:13

Ephraim in a natna a mu ah, Judah in a liamna a mu phât in, Assuria lam in Ephraim a chia ta’n, leng lopi tak kiang ah chun a sawl tai. Himaleh, ama’n nang hun sudam thei pua’n tin, la liamnale sukdam piak thei pua’n a.

MIKAH 1:9

A liamnate chu sukdam thei a hipua’n, Judah gam tiang in a tung ta’n; ka mite kotpi Jerusalem tiang a tung tai.

NAHUM 3:19

La natna damna ding a um pua’n, la liamna hi thi’pi kham ahi. La thuthang he zosia’n, a khut uh a hun betkhum tau hi. A hun tawk nei lo ah la hiamngamna lak ah, kipat kua a suakcha kha ngai em?