JEREMIAH 30:10 - PATHIAN LEKHABU THIANGTHO (BSI)

¹⁰ Nang ka suak Jakob vang lau kin la, aw Israel, lungdong kin, Lalpa‘n a tii; gamla tak ah kipat in hun hukdok ing ka tin, la suan leh pâkteu chu, a saltânnau gam ah kipat in, hun hukdok ding ka hi’ngâl a. Jakob chu hung kit in, thip hiat hiat in kichawldam ta’n tin, kuama’n sulauthawng ta pua’n au.

JEREMIAH 30:10 ပူးပေါင်းရင်းမြစ်များ

THILSIAM THU 15:1

Zia nung chun, Lalpa thu chu Abram kiang in a manglam gual in a hung tung ta’n; a kiang in, “Abram, lau kin, kei hi la phaw ka hi; la kipakman ding chu thupi tak hi’n ah,” a ti’n.

ISAI 14:3

Lalpa‘n la natna leh lunggimna kipat leh, gim tak ah na sepsak la hi’na kipat chawldamna a hun piak phat leh,

ISAI 35:9

Zia tak ah chun sakeibaknei um pua’n tin, sasialne chi, sate him him zia tak ah chun, mu phâk inle um ta pua’n au; maleh, tatsate chun zia lampi chu haw ta’n au.

ISAI 43:5

Lau him him kin, ka hun umpi ngal a; la suante chu sualam ah kipat in, hun pui khawm ing ka tin, tumlam ah kipat inle hun pui khawm ding ka hi;

ISAI 44:1

Tu’hin, aw Jakob ka suakpa, Israel, ka mi têlchuam chun zia hi ngai un!

ISAI 44:2

Nanghaw hun siampa, sûl ah kipat hun guanggalpa leh, hun panpi zing ding Lalpa chun zia gual hin a gen hi: Aw Jakob, ka suakpa lau kin la, ka hun têlchuam Jeshurun lau kin.

ISAI 46:11

Sualam ah kipat in sasial ne vacha, gam gamla tak ah kipat in, ka thil guanggal bawldok ding mi chu, kodok ing ka. Ka gendawsa chu guitunsak ngei ngei ding ka hi’ngal a; ka guanggalsa chu bawldok tei tei ding ka hi.

ISAI 46:13

Ka hukdamna chu ka hun koinai a, gamla tak in a um ta puai; ka hukdamna chun khawdâng sawt talo ding ahi. Ka lopina Israelte â dingin, ka hukdamna chu Zion ah koi ding ka hi.

ISAI 49:12

En in, ziate chu gamla tak ah kipat hung ding a hiu, a la ngai in, ziate chu mallam ah kipat, tumlam ah kipat leh, Syene gam ah kipat hung ding a hiu.

ISAI 49:25

Himaleh, Lalpa‘n zia gual hin a gen hi: Mihat khut ah saltângte natiang ladok ing ka tin, lal gilo tak khut ah sal matte chule, tandok kit ding ka hi. Nangma hun do-te chu, keima’nle do ing ka tin, la chate chu hukdok ding ka hi’ngal a.

ISAI 54:4

Lau kin, mualpho lo ding la hi’ngal a; lungthuai kin, zakcha lo ding la hi’ngal a; la khangdawng lai ah la mualphona zosia kha, hun hemil ta’n la tin, la meithâina ziak ah la zachatna zosia kha, he’pha talo ding la hi’ngal a.

JEREMIAH 23:3

Ziaphat chuleh, ka gan-gual um sunte chu, ka nawjakna gam tin ah kipat in keima’n hawl khawm kit ing ka tin, a huang sung un hawl lut kit ing ka; tichun, hung pung in hung tam ma ma kit ta’n au.

JEREMIAH 23:4

Amau pha tak cha enkol ding, belampute hun tung ding ing ka; tichun, lau ta pua’n tiu in, beidong diak talo in, a lak ua mangthai le um ta pua’n au, Lalpa‘n a tii.

JEREMIAH 23:6

Ama hun sung in Judai gam sung chu hukdaw ah um in, Israel gam chu bit tak in um in a. Chuleh, ama chu, “Lalpa chu I Diknau ahi,” ti’n ko hita’n ah, ti in.

JEREMIAH 23:8

himaleh, “Mallam gam leh gam tin ah a la nawjakna gam zosia ah kipat, Israelte leh a suan a pâkteu hun puidok ah, hun puipa Lalpa chu a hin nâk leh,” hun ti zaw ta’n au. Zia phat chuleh, amau gam ngei ah chun chêng ta’n au.

JEREMIAH 29:11

Nang uh â ding ah ka thil guanggal chu ka hechian ma ma ngal a; zia chu tu’nung ah la siatna ding uh hilo in, la phatna ding uh, a tung nai lo ah kinepna ahi, Lalpa‘n a tii.

JEREMIAH 29:14

hun kimusak ding ka hi, Lalpa‘n a tii; chuleh, vangphatna hun vuk ing ka tin, nam tinte leh gam tin ah sal ah ka hun nawmangna mun zosia ah kipat in, hun tungding kit in, hun pui khawm ing ka tin, la gam lam un hun pui tung kit ing ka, Lalpa‘n a tii.

JEREMIAH 3:18

Zia ni phat chuleh, Judah Inkuan ah mite chu Israel Inkuan ah mite’n hun zawm ta’n tiu in; tichun, mallam gam ah kipat hung pawt khawm in, a pu leh pateu kiang ah a gochan ding ua ka piakna gam ah hin hung khawm ta’n au.

JEREMIAH 30:3

Lalpa kamsuak chu: Ka mipi Israelte leh Judate vangphatna ka hun piak kit ah, a pu leh pateu kiang ah ka la piakna gam hun lua kit ding ah ka hun puitungna ding hun chu hung tung ngei ding ahi, Lalpa‘n a tii.

JEREMIAH 30:7

Katei! Zia ni gual ah huaisia chu a um puai; Jakob â ding ah buaina hun ahi; maleh, zia lak ah kipat chun hukdaw hi’n a.

JEREMIAH 33:16

Ziaphat chuleh, Judah chu hukdam in um intin; tichun, Jerusalem chu bit tak in chêng ta’n a. Zia khawpi chu, “Lalpa chu I diknau ahi,” ti min sak hita’n a.

EZEKIEL 16:52

La suapinute dikzaw ah la kilat sak tâk ziakin, nangma’n la mualphona chu la kipuak ding ahi tai; amau sâng ah thil ki’dak um la bawl nasat zawk ziakin, la gitlonate ziakin amau chu nang sâng in a dikzaw tau ahi. Ziaziakchun, zachatna’n ngai in, nang inle la mualpho’na chu kipuak ding la hi, la suapinute nang sâng ah dikzaw dan ah la bawldaw tâk ziakin.

EZEKIEL 38:11

“Kulbâng nei lo khuate do dingin kuan ing ka; kul bei khawpi leh thîk dai bei ah gâl muang tak ah chêngte zosia chu vado ing ka,” la ti hen;

DANIAL 12:1

Ziaphat chuleh, Mikael, lal thupi tak leh, la mite hukdokpa chu hung kipan ta’n a. Khawvel ah mihing a um lim ah kipat tung kha nailo, buaina hung tung in a. Himaleh, lekhabu ah min kizik a mu taphot uh, la mite zosia chu hukdaw in um ta’n au.

HOSEA 2:18

Zia ni chun gamsate, chunglêng vachate leh lei ah bokvâkte tawh thuthung nang â dingin siam ing ka tin; thalpite leh chemjamte; chuleh, kidona lei ah kipat in subei ing ka tin; bit tak in lup thâksak ta’ng ka.

HOSEA 2:20

Ginumna’n ka ji hiding in hun la’ng ka tin; tichun, Lalpa chu hun he ta’n la.

HOSEA 6:11

Ka mi saltângte ka puidaw kit phat leh, Aw Judah, nang â dinginle, bu lâk hun chu guatsa ahi tai.

JOEL 2:21

Aw gam, lau kin la, kipak in, lim ta’n; Lalpa‘n thil lopi takte a bawl ta’ngal a!

MIKAH 4:9

Tu’hi bang ding ah ngai tak ah kap la hem? La sung ah lal a um pua a hem? A thamuantu kha a um ta pua, numei nauvei natna’n a hun pha ta a hem?

ZEKARIAH 3:10

Ziaphat chuleh, mitin in a grep gui leh a theichang kung lim nuai chiat un, amau Invêngte hun kichial khawm thei chiat ta’n au, Lalpa‘n a ti ahi,” a tia.

JOHAN 12:15

“Lau kin, Zion chanu! En in la Lal chu, sabiltungno chung ah chuang in a hung hi,” ti kizik gual khan.