JEREMIAH 3:9 - PATHIAN LEKHABU THIANGTHO (BSI)

⁹ Zawntat thanhuaina chu bangma’n a ngai lo ziakin, gam chu a supolche zo ta’n, suangpi tin leh thing zosia chu a thânhuaipi zo tai.

JEREMIAH 3:9 ပူးပေါင်းရင်းမြစ်များ

ISAI 57:3

Nanghaw, mitvaidawi thiam chate, nawchizuakte leh ângkawmte suan leh pâkte haw, hung un.

ISAI 57:6

Phâijawl ah suangpêk zol tak tak te lak ah, la chantum ding uh a um in; amau, amau haw ma ma chu la vâng ua kia a hiu; amau kiang ah chun dawnchi kithoina tuite chu, la sungtha sek un, nêkthei le la pesek uh hilo a hem? Zia thilte ah chun lungdam ding ah, lei ngaituau a hem?

JEREMIAH 10:8

Amau haw vang a ngong un, a ngol ui; milimte zilsakna chu vang, thingbong panna bei gual ahi.

JEREMIAH 16:18

A milim ki’dak um takteu luang chun ka gam a pum ah a la sukpolche tak ziak uh leh, ka gochan chule a ki’dak umnau ah a la sundim tak ziak un, a khawlonau leh a gitlonau chu a le’ni in thuk ding ka hi.

JEREMIAH 2:27

thingbul kiang ah, “Ka pa la hi,” tite leh, suangtum kiang in, “Nang ei hin ka hi,” tite zosia chu zakcha’n au. A mai lam uh ei ngat lo in, ei nungngatsan zaw tau ah; a buai phat uh leh, “Hung kipan inla, ei hukdok in,” a ti sek ui.

JEREMIAH 2:7

Gam pha tak ah a gate leh, a phatna chên dingin ka hun puilût la hiu, himaleh, la tun phat un, ka gam chu la supawlche tau a, ka gochan chu thil ki’dak um la sua tau hi.

JEREMIAH 3:2

Tângjawl lam en in la mit te to in la en tiam in! La lup lonau khoi tak a um em? Gamthip ah umna tum neilote gual in, lam pâm ah la ngaijawngte ngâk in la kitung hi. La zawnthânhuaina leh la nunsiatna’n, gam chu la subuak zo tai.

EZEKIEL 16:17

Ka sana leh dangka mêlpha tak tak ka hun piakte chu, kilâk in, pawsal lim in la siam ah, ziate chu la thanghuaipi in;

EZEKIEL 23:10

Ziate chun a nîk leh puan lîpthâk piak in, a chate a man un; chemjam in a that tau a. A chung in thutanna bawl a hita’n; tichun, numeite lak ah pauchangthiatna mat ahi tai.

EZEKIEL 23:21

Chutichun, Aiguptate’n la ngâklak ânglai kinoptelna a mat ua, la nungak lai nawi a khoi piak lai ua la tânzau lai hunte kha la thangai vung vung ta ahi.

EZEKIEL 23:3

a neulai ua, Aigupta gam ah a um lai ua kipat ah nawchizuak a la hi’tâk ziak un, a kizuak thanghuai tau ah; a nawi uh a khoi piak un, a nungak ânglai uh kihelna’n a mang tau hi.

HOSEA 2:2

La nuu hi gen piak unla, ama chu ka ji a hipuai ti hil un; keile a pawsal ka hita pua’n, a mai ah kipat in thanhuaina mêl haisan hen la, a ânglai nopna kipat in thanhuaina hi paitha ta hen;

HOSEA 4:12

Ka mite chun thing milimte po a dong un, a âisânnau mol chun thu a hil a. Nawchi zokna lungthim chun a pui mang a, a Pathian uh kiheisan in hukna’n a kihel thanghuai zo tau hi.

JOEL 1:19

Aw Lalpa, nangma ka hun ko hi. Mei in gamthip ah hampate a kângtum ta hen; meikuang in lou lai ah thing zosia, a kâng tum zo tai.

HABAKKUK 2:19

Thingbong kiang ah, “Hung khanglo tiam in,” tite leh, suangtum kiang ah, “Hung tho in,” tite chung chu a gik hi! Mi a hil thei awm? En tia, sana leh dangka tui kiluan khum mai ahi’n, a sung ah hinna a um puai.

MATTHAI 5:32

Himaleh, ke’n vang, kuale a ji chu pawsal dang tawh gitlona ziak hilo ah nol tapo chun, ama chu a ângkawm sak ahi; chuleh kuale nolsa kichenpi tapo chu ângkawm a hiu ti ka hil la hiu.