JEREMIAH 3:8 - PATHIAN LEKHABU THIANGTHO (BSI)

⁸ ji gin umlo Israel chu zia gual ah chu a um ziakin, nolna lekha chu pia’n ka sawlmang tai, ti ji gin umlo Judah chunle muzing maleh, launa châng a he diak pua’n, nawchizuak in a chia nalai lai a.

JEREMIAH 3:8 ပူးပေါင်းရင်းမြစ်များ

2 KHANGTHU 21:11

Zia bep chule hilo in, Judai tânggam ah chun thoimualte a siam ah, Jerusalem khua chêngte chu thanghuai tak in a pui chavai ah; tichun, Judai gam ah mipite chu a pui mang tai.

ISAI 50:1

Lalpa‘n zia gual hin a gen a: La nuu ka la nolna lekha khoi ah a um em? Kua kiang ah ka bat ditna ding ah ka piak a hem? Ahipuai, la gitlona ziak un kizuak mang la hiu a, la thil bawlkhialnateu ziak ah la nuu chu, naw mang a la hi tai.

JEREMIAH 2:19

La nunsiatnau in hun gawt intin, la nungtolnau in hun kophil in a. Lalpa la Pathian uh la kihei mang san uh hi, nang uh a ding ah thil phalo tak leh, khawk tak ahi ti hia’n, muchian tau in; keima hi lei kicha mawng mawng puau hi, ti’n sepai honte Lalpa Pathian in a gen hi.

JEREMIAH 3:1

Mi khat in a ji nol hen la, a ji chun a pawsal chu nusia in, pawsal dang khat tawh kicheng taleu, a pawsal masa chun a va kichenpi kit diam? Chutileh, gam chu nasa tak ah sukpolche hilo ding a hem? Nang vâng ngaijawng tam tak nei in, nawchizuak in la pang tai; aleh, kei lam ah la hung kit diam? Lalpa‘n a tii.

JEREMIAH 33:24

Zia mipite hin zia gual ah a la gen uh hi, a la limsak ngai lo la hiu em? “Lalpa‘n a la têlchuam Inkuan panite hi a pâmpai tai,” ti in. Chuleh, ka mipite chule nam ti kham ding ting talo ah ngai in a la musit ta’n au.

JEREMIAH 5:7

Bangti hun ngaidam ding ka hem, la chateu in ei nusia in, pathian hilote min in a kitiam tau hi. A vâ sêt ua ka vâk phatin, nawchizuakte In ah lût in, a ângkawm zo tau hi.

EZEKIEL 16:46

La u-nu chu Samaria ahi’n, a chanute tawh nang umna mallam ah chêng ahi; chuleh, la naunu chu, la umna simlam ah um, a chanute tawh chêng Sodom chu ahi.

EZEKIEL 16:47

A umdan uh la zui bep le hilo in, a ki’dak umnau gual in la bawl nalai ah; hun chomcha kâl sung in, la umdan zosia’n amau sâng in la sezaw tai.

EZEKIEL 16:51

Samaria in nangma thil bawlkhial kimkhat hile a bawl puai; amau sâng in ki’dak um la bawl tam zaw’n, la thil ki’dak um bawl a tam bêk ziakin, la suapinute chu midik gual in la kilatsak hial hi.

EZEKIEL 23:44

Nawchizuaknu kiang ah mi a lût zing gual un, a kiang in a chia zing ui. Tichun, numei hûk Oholah tawh Oholibah kiang in a lût zing ui.

EZEKIEL 23:9

Ziaziakchun, a dawichâkte, a etlel pen Assuriate khutthak thoina dingin ka pia tai.

HOSEA 3:4

Israelte chu hun sawt tak leng leh lal chapa neilo in, kithoina leh dawikhuam bei ah, thiampu awmphaw leh milim pathian le nei lo ah hung um ding a hiziak un.

DAN LEKHABU 24:1

Pawsal khat in ji nei hen la, a kichen zaw nung un doi a tin zawlona hun mudok henla, nolna lekha zik in, a khut ngei ah pia’n a In ah kipat sawldok in, a In chu nusia taleh;

DAN LEKHABU 24:3

A pawsal nunung zaw chunle dawi kit lo in, nolna lekha zik in, a khut ah pia’n sawldok kit ta leh; (ahiloleh, a pawsal pani’na pa chu a thi bang ahi chun;)