JEREMIAH 3:6 - PATHIAN LEKHABU THIANGTHO (BSI)

⁶ Lengpa Josiah lal lai in Lalpa‘n ka kiang in thu a hun gen a: Mi ginum lo Israel in tângsâng tincheng ah kal to in, thinghing bullîm nuai tincheng ah nawchizuak ah a kihibuakna zozai pihi la mu em?

JEREMIAH 3:6 ပူးပေါင်းရင်းမြစ်များ

1 LENGTE 14:23

Amau inle, thingbul nuai tin leh mual sâng tin chung in thing milimte, mihing limte leh thoimualte a bawl tau a.

2 KHANGTHU 34:1

Kum giat mi ahi in Josiah chun vai a hun hawm pan a; Jerusalem ah chun kum sawmthum leh khat sung vai a hawm hi.

SAM 106:39

Tichun, amau thilbawl ah chun sukbuak in a um zo tau a; amau thilbawl ma ma ah chun a thanghuai gam tau hi.

ISAI 57:3

Nanghaw, mitvaidawi thiam chate, nawchizuakte leh ângkawmte suan leh pâkte haw, hung un.

ISAI 57:7

Mual leh tângsâng leh lian zosia chung in, la jalkhunteu la dawu in; zia vûm tiang ah chun, kithoina lân dingin la kal to sek un.

JEREMIAH 1:2

Benjamin gam ah Anathoth khua thiampute lak ah Hilkiah chapa Jeremiah kiang in, Lalpa‘n thu a hun gen a.

JEREMIAH 11:10

Ka thu mang lo a pu leh pateu nunsiatna lam ma ma khan a kile’kit tau a; pathian dangte na sep piak dingin a chia tau hi; a pu leh pateu kiang ah ka thuthung kha Israelte leh Judate’n a botsia zo tau hi.

JEREMIAH 17:2

a tu leh chateu in thingbul tin leh mualvum tincheng leh, gamlak tincheng ah a mâichâmte uh leh a dawikhuamteu chu a hezing ngal un.

JEREMIAH 3:8

ji gin umlo Israel chu zia gual ah chu a um ziakin, nolna lekha chu pia’n ka sawlmang tai, ti ji gin umlo Judah chunle muzing maleh, launa châng a he diak pua’n, nawchizuak in a chia nalai lai a.

JEREMIAH 31:22

Aw, chanu lungmawl, bang chan jawnvâk nalai ding la hem? Lei chung ah Lalpa‘n thil thak a siam tai: numei in pawsal a humbit zaw ta mai hi.

JEREMIAH 5:11

Israel Inkuante leh Judah Inkuante chu, ginum lo tak ah a la um zaw tak ziak un, ti’n Lalpa‘n a tii.

JEREMIAH 7:24

Ahi’n la, ka thu a ngai puau a, a bil uh le a daw puau hi; zia malak sâng ah chun a ngaituanau lu’lul leh phalo tak dungzui in, amau phasak lam ngen zui in, a ma lam uh en lo in, a nung lam ngen uh a en zaw tau hi.

EZEKIEL 16:31

Lambom tin ah kem la daw ah, lamlian kiltin ah khang sâng la siam nalai sêt ah! Himaleh, a man la lâk nop lo ziakin nawchizuak la bang puai.

EZEKIEL 16:35

Ziaziakchun, aw mi thanghuai, Lalpa thugen hi ngai in:

EZEKIEL 20:28

A kiang ua piak ding ah ka tiamna gam ah ka pui lût phatin, tâng sâng leh thingbuk lak tincheng in kithoina leh lungnat chok tho ding thillat a lân ui.

EZEKIEL 23:11

A naunu Oholibah in zia chu muzing in, a u sâng ah thanghuai zaw, a mi dawichakna khawk zaw leh nunsia zaw’n a um a.

EZEKIEL 23:4

A upa zaw min chu Oholah ahi’n, a naunu min chu Oholibah ahi. Amau chu kei â a hung hiu ah; tichun, chanu chapate a hun hing tau ah. A min uh umzia chu: Oholah chu Samaria ahi’n, Oholibah chu Jerusalem ahi.

HOSEA 11:7

Ka mite chun ei nutsia gua’n a kiheimang tau hi. Chungnung Penpa chu ko maleu, ama’n a phong ding diak puai.

HOSEA 4:13

Tângvûmte ah chun kithoina a lân un, gangpi thing, hiangpi thing leh thingbul lîm chu a nop ziakin. Mualte chung ah chun kithoina thilpiak a lân ui. Ziaziakchun, la chanuteu in nawchi a zuak un, la moteu inle jawl a sâi zo tau hi.

VAIHAWMTE 2:17

Ahi’n la, a vaihawmteu thu nasan a ngaisak nuam ta puau ah; pathian dang a lunggul zawk ziak un, ziate chu chibai a buksan zaw tau hi. A pu leh pateu in Lalpa thupiak zui ah a chianau lampi chu a kiheimangsan tau ah; a sulnung uh chu a zui ta puau hi.