JEREMIAH 3:5 - PATHIAN LEKHABU THIANGTHO (BSI)

⁵ lungna kumkhua ding leh, a tawp tiang ah lungna den ding la hem? la tiu a. Zia gual ah chun la gen zo ta’n, himaleh, thil phalo la bawl thei zosia chu, la bawl zo ta’ngal a.

JEREMIAH 3:5 ပူးပေါင်းရင်းမြစ်များ

2 KHANGTHU 29:10

Tu’hin, Israelte Pathian in I chung ua a lungnatna a lâk mang khâk leh ti’n Lalpa kiang ah thuthung siamthak leu hin ti ka ngaitua hi.

SAM 85:5

Kumkhua ka chung ua lungna ding la hem? A khang a khang ah ka chung ua lungna ding la hem?

SAM 85:6

Nangma ah la mite a lim theina ding un, ei hihal kît lo ding la hem?

ISAI 57:16

A kum a khua’n hun mawsak zing pua’ng ka tin, la chung inle lungna zing diak pua’ng ka; achutiloleh, ka ma-âng in thagau leh, a hinnau ka siam piak nasan chu, basam zo mai ding ahi ngal in.

ISAI 64:9

Aw Lalpa, lungna talua kin la, ka khawlonau chu hezing ziang kin. Ngai inla, ngaitua tiam in, ka leng un la mipite ka hiu.

JEREMIAH 3:12

Chia inla, mallam in zia gual hin vapuang jak in a tii: Ginumlo Israel hung kile’kit in, Lalpa‘n a tii. Ka lungnatna mêl in hun en pua’ng ka, lainatna dim ka hi’ngal a, Lalpa‘n a tii; kumkhua’n lungna ta pua’ng ka.

JEREMIAH 8:5

Bang ding ah Jerusalem ah ka mipite hi, kumtuang ah nungtol ding ah kiheimang mai a hiu em? Kithepna thu chu a tuchak un, kile’kit ding a nuam puau hi.

JEREMIAH 8:6

A la ngaitha’n, ngaisak malengle, thu dik gen a um puau hi; kuama a nunchan phalo uh haisan a um puau in, “Bang ka la bawl khial ah a hem?” a ti zing ui. Sakol gâl do-na mun ah lu bungbut ah a pan gual un, mi tin amau majawn chiat in a kihei tau hi.

EZEKIEL 22:6

Nangma ah Israel lengte, a thil hi’thei dan gual chiat ua thisan sua dingin a um ui.

MIKAH 2:1

A khum laijawl ua thil phalo suangtuate leh, thil phalo ngaituate chung a gik na e! Jalkhun ah a lunggêl zosiau chu phalvak phat leh, a bawl ngal sek un; bawltheina chu amau khut in a um ngal a.

MIKAH 7:3

A khutteu chu thil phalo bawl a thiam ma mau in; a milianteu leh thutanteu chun golgûkna a don un; mi thuneite chun a duthusam dungzui tak un a zikdaw sak un; tichun, dikna chu a heikawi tau hi.