JEREMIAH 3:3 - PATHIAN LEKHABU THIANGTHO (BSI)

³ Ziaziakchun, van guate tûk tân a hita’n, chavâng gua le a zu ta puai; la maijang in kijuak mêl a kilang in, ja lam la hepuai.

JEREMIAH 3:3 ပူးပေါင်းရင်းမြစ်များ

THILSIAM THU 19:34

Chuleh, a jing ah chun, a u-nu chun a naunu kiang ah chun, “Ngaitia, tu’jan ah khan I pa kiang in ka valum in, tu’jan hinle uain dawn khamsak kit hi tin, nang chia inla, I pa suanbei lo ah I siam theina dingin a kiang in valum in,” a ti’n.

NEHEMIAH 9:17

la thu nial in, a lak ua la thilbawl mak tak takte khale a la ngaisak puau hi; ahi’n, kihi’ lu’lul in, Aigupta gam ah a suak channau lam ma’n kile’kit a tup tau a. Himaleh, nang chu Pathian ngaidam pei, mi hepi thei, lainatna dim, jaidaw leh chitna hau la hiziak in, amau haw chu la thâthawt puai.

THUPILTE 21:29

Migilo a kihansansak sek in, mi lamzang in vang ama chiana ding a gêltup masa sek hi.

ISAI 5:6

Tho hâ ta pua’ng ka tin, hâthiang talo ding ka hi’n, ling leh khauguite’n dêp ta’n a; a chung ah gua zuksak talo dingin, van sûmte thu pia ding ka hi.

JEREMIAH 14:1

Khawkhâlna hung tung ding chungchâng ah Lalpa‘n Jeremiah kiang ah a thugen chu:

JEREMIAH 14:22

Nam dangte milim pathiante chun gua a zuksak thei awm? Ahiloleh, vante chunle, gawnêl a kaisak thei awm? Aw Lalpa ka Pathian uh, nangma bep hilo maw? Zia thil zosia bawlpa chu nangma la hiziak in, la chung ah kinepna ka nga tau ahi.

JEREMIAH 14:3

Miliante’n tui khai dingin a suakteu a sawl un, tuikul a va tung un, tui a la kang ta’n; a tui bêl uh a ngawn in a hun le’puak kit tau hi. A zak uh a cha ta’n, lungdong tak in puan a kilukhu tau a;

JEREMIAH 14:4

gua zuk lo ziakin lei a khikêk ta’ngâl a. Gua a zuk lo ziak ah loubawlte lungthuai in, puan a kilukhu tau hi.

JEREMIAH 36:2

Savun lekhabu zial la’n la, Josiah lal ah kipat tu’ni tiang ah, Israel leh Judah leh nam dang zosia kãl ah, la kiang ah ka thugen zosia kha zik lut tiam in.

JEREMIAH 5:24

A lunggil un, “Lalpa I Pathian uh lau hitiu, ama’n a hun tak in gawtui ei pia’n, chavâng gua leh khâl gawtuite ei pia’i, pawltâk hun ding leh hapta kit dingte ei koi piak ngâl a,” a ti nuam puau hi.

JEREMIAH 5:25

La mantheilonau chun ziate chu a naw mang zo ta’n; la gitlonateu ziakin, thilpha la mu dingteu chu a naw mang zo tai.

JEREMIAH 5:3

Aw Lalpa, thu dikna hawl hilo la hem? Amau chu la vaw ta’n, maleh khawk a sa puau a; la sawi ta’n, ahi’n la, a kisudik nuam puau hi. A maichangteu suangpi sâng ah tâk zaw’n a kisiam un, kile’kit a nuam puau hi.

JEREMIAH 6:15

Zachat um tak in a um un, thil ki’dak um tak tak a bawl ui; maleh, zachatna’n a ngai puau a, zachat danle a hepuau hi. Ziaziakchun, thâlup ah umte lak in pang in au; amau ka gawt phat leh, paithâk hita’n au, Lalpa‘n a tii.

JEREMIAH 8:12

Zachat um tak ah um in, thil ki’dak um tak tak a bawl ui; maleh, zachatna’n a ngai puau a, zachatna châng le a hepuau hi. Ziaziakchun, thalup ah umte lak in pang intiu in, amau ka gawt phat leh, paithâk hita’n au, Lalpa‘n a tii.

JEREMIAH 9:12

Zia hi hethiam thei ding khop ah mipil kua ahi em? A genjak theina ding un Lalpa kam in kua kiang in a gen em? Kuama’n a haw tâk lo’na ding ah gamthip gual tuk ah bang ziak ah, a gam pumpi hisiat leh nutsia ah um mai ahi tam?

EZEKIEL 3:7

Himaleh, Israel Inkuante chun la thugen ngaisak pua’n au, ka thugen a ngainop lo ziak un; Israel Inkuante zosia milochal leh lung tâk ngen a hiziak un.

THIAMPUTE LEKHABU 26:19

La kisuanpiu la thil hi’theinau hi’sia’ng ka tin; nang uh â dingin van chu thîk gual in tâksak ing ka tin, lei chule sum-eng gual in châksak ding ka hi.

AMOS 4:7

Pawltâkna ding tha thum ahi lai in, la chung ua gua zu ding ka tutâng ah; khawpi pakhat chung in gua ka zuksak ah, khawpi dang khat chung in ka zuksak pua’n; lou khat chung ah zuksak ahi’n;

AMOS 4:8

tichun, khawpi pani a hem, pathum a hem chu khawpi khat ah tui dawn in a chiau a, ahi’n, a doikhop puau in, Chutisapi’nle ka kiang in la hung kit puau hi, Lalpa‘n a tii.

ZEPHANIAH 2:1

Hung khawm unla, hung kikaikhawm tau in, nanghaw jachâkna châng helo nam tinte haw,

ZEPHANIAH 3:5

A sung ua um Lalpa chu a dik a; diklo a bawl ngai puai. Jingkal si’n ah a vaihawmna chu, phalvak si’n ah thawn lo in a sulang a; himaleh, midiklote’n vang zachâtna châng a hepuau hi.

HAGGAI 1:11

Lei chung ah te, tâng chung ah te, bu chung ah te, uain thak chung ah te, sathau chung ah te, lei ah kipat thil hung pawt him himte chung ah te, mihing chung ah te, gan-gual chung ah te leh khut nasep zosia chung ah khawkhâlna ka ko ta ahi.

DAN LEKHABU 28:23

La chung lam uh van chu dâk thîk suak intin, la umnau nuai lam lei chu thîk tak suak ta’n a.

HEBRAITE 12:25

Zia thugente chu doi lo ah la la um lona ding un chingthei un. Lei ah a kiang ua thugente doilote bawn in gawtna a pumpel lo ua leh, van ah kipat thu hung genpa chu a la kiheimang san leu hin, bangti suachât ding I hiu em!