JEREMIAH 3:25 - PATHIAN LEKHABU THIANGTHO (BSI)

²⁵ Mualpho tak in lum suk hitiu in, I zachatnau chun ei tuam mai ta hen. I pu leh pateu ah kipat, ei haw neulai leh tu’hun tiang in, Lalpa I Pathian chung in I la bawl khial tau ah, Lalpa I Pathian uh thu I la ngai paw’ngal un, ti in.

JEREMIAH 3:25 ပူးပေါင်းရင်းမြစ်များ

SAM 106:6

Ka pu leh pateu tawh ka la gilo zo tau in; thil phalo ka la bawl tau in, diklo tak in ka la bawl tau hi.

SAM 106:7

Ka suantuteu in Aigupta gam ah a la um lai ua khan, la thilmak bawlte a la ngaisak puau a; la ngilneina nasa tak kha le a la hezing puau a, Tuipi San ah khan Chungnung Penpa chung in, a la hel zaw tau hi.

SAM 109:29

Ei do-te chu mualphona puan in kithuam tau hen la; maikhûna puan gual in mualphona chun tuam ta hen.

THUPILTE 13:18

Zilgaina ngaisak lo chung ah chun châtgâna leh, mualphona tung intin; zilgaina ngaisak tapo chun jana dong in a.

THUPILTE 5:13

Ei hilte thu lah ka zui pua’n, ei zilgaite lam in ka bil ka la daw ta paw’ngal a.

ISAI 48:8

A thawm gi la la het khâk nai lo, a thuthang le la la het nai lo, masang lai ah kipat khan la nakhang chu, hi’vâk a la hikha nai puai. Lepchia tak ah hun bawl ding la hi ti leh, la pian ah kipat him ah mi helmang hiding la hi, ti ka he ngal a.

ISAI 50:11

Himaleh, la leng un mi hâlna ding a, mei sêmkuang la hiu. La mei sêmkuang leh la meiâm un, nang uh hun hâl in, hun bî ta hen! Zia hi ka khut ah kipat la tuak ding uh chu hi’n a; gawtna thuak in um den ta’n lau.

JEREMIAH 11:13

Aw Judah, la khawpi jat ah tam pathian la kinei un; Jerusalem ah kotzing jat ah tam in Baal ho’na ding mâichâm la siam un, ziate chu la mualphona ding uh mâichâmte chu a hiu.

JEREMIAH 12:13

Gehu bu a chîng un la lingga a ât tau a; tha chawl tak in sêmgim maleu le, bangma lawkna a mu puau hi. Lalpa lungnatna huaisia tak ziakin, a ga luak uh chu mualphopi ta’n au.

JEREMIAH 14:20

Aw Lalpa, ka pu leh pateu gitlona tawh, la chung ah ka thilbawl khialnateu hia’n, ka nunsiatnateu ngaidam ka hun don ui.

JEREMIAH 14:7

Ka khawlonateu in ei hêk zing maleh, aw Lalpa, la min ziakin ei panpi inla; ka nungtolnau a tam ma ma’n, la chung in ka la hi’khial zo tau hi.

JEREMIAH 2:17

Lalpa la Pathian In lam dik ah a hun pui lai ah, ama la nutsia ziak ah zia gual thilte chu, la chung ah tung ding ah la kibawl hilo a hem?

JEREMIAH 2:19

La nunsiatnau in hun gawt intin, la nungtolnau in hun kophil in a. Lalpa la Pathian uh la kihei mang san uh hi, nang uh a ding ah thil phalo tak leh, khawk tak ahi ti hia’n, muchian tau in; keima hi lei kicha mawng mawng puau hi, ti’n sepai honte Lalpa Pathian in a gen hi.

JEREMIAH 2:2

“Chia inla, Jerusalem ah chêngte het dingin vagen inla, Lalpa‘n zia gual hin a gen hi vati’n: La khangdawn lai ah la ginum dante, mothak gual ah lei ngai dante leh, gamthip ah bangma kichînlo’na gam ah le ginum tak ah ka nung lei zui dan kha ka hezing hi.

JEREMIAH 2:26

Gucha matdaw ahi’phat leh, a jachâk gual in, zia gual chun Israel Inkuante chule zakcha’n au. A mipiteu, a leng leh lalteu, a thiamputeu, a jawlneiteu leh,

JEREMIAH 20:18

Bang ding ah sûl ah kipat hung piang ah, sep gimna leh lungngaina bep mu ding ah, ka damsung sia mualphona tuak ding bep ah, hung piang ka hi tam?

JEREMIAH 22:21

La vangphat lai ni’n la kiang in ka la gen ta’n, ahi’n, nang in, “Ngaitha pua’ng ka,” la ti’n. Zia chu la khangdawn lai ah kipat, la um dan him a la hita’n, ka thu la ngaithâk sek lo ziak ei vei.

JEREMIAH 3:13

La thil bawl khial dan chu puang inla, Lalpa la Pathian chung ah gilo la hi dan leh, thinghing bul tincheng nuai ah, mêl hetlote â ding ah la kiphal dante leh, ka kam suak la zop lo dante chu, thupha chawi phot mai in, Lalpa‘n a tii.

JEREMIAH 31:19

Ka vâkmang zaw phatin, ka kisik ta’ngâl a; mudaw ka hi’phatin, ka malpi ka bêng a; ka khanglai nunsiatna ka put zing ziakin, ka mualpho in, ka lungngai hi,” ti in

JEREMIAH 6:26

Aw ka mi gentheite haw, saidip puan sil unla, leivui lak in kitel puang un; cha neisun sûn gual in, Kâ La ngai tak tak in sau in; siatna chu I chung un hung tung thut, ziang ding ahi ngâl a.

JEREMIAH 7:19

Keima ei sulungna ding ah a bawl uh ahi em? Lalpa‘n a tii. Amau kisuknatna ding ah a bawl uh hilo a hem?

JEREMIAH 8:14

Bang ding ah kichu hiat hiat I hiu em? Hung khawm unla, kul det nei khawpite chun lut hitiu in, zia chun vathi mang ziang hitiu. Lalpa chung ah I la gitlo tâk ziak un, Lalpa I Pathian un a thi mangthai ding ah ei koi a hita’i, I dawn ding un tui gu’ kisaw ei pia ta ahi.

JEREMIAH 9:18

I mit ua mitthi tui a luandaw a, I mitvunteu in mitthi tui a nawdaw theina dingin, hung kinawu hen la; I chung un kâ La hung sa kin uh hen.

KÂ LATE 5:16

Ka luchang ua kipat in, lallukhuk a ketha ta’n; ka gitlo tâk ziak un, ka chung uh a gik na e!

KÂ LATE 5:7

Ka pu leh pateu a la gilo tau; a umlo nung un a gitlo man uh ka puau hi.

EZEKIEL 2:3

Ama’n ka kiang in, Mihing, ka chung ah nam helmang, Israel mipite kiang in ka hun sawl la hi; a pu leh pateu khang ah kipat tu’ni tiang in, ka chung ah thil a bawl khial tau ahi.

EZEKIEL 36:32

Zia hi nanghaw ziak ah ka hun bawl ding ahi puai ti, la leng un he tau in, Lalpa Pathian in a ti ahi. Aw Israel Inkuante haw, la umchanteu kha zakcha’n, lungngai tau in.

EZEKIEL 44:13

Ka thiampu nasêm dingin ei hun nai ta pua’n tiu in, thilzek thiang leh a zek thiangtho pente khoi dingin hung ta pua’n au; himaleh, ki’dak um tak ah thil a bawl ziak un, mualpho tak in um ta’n au.

EZEKIEL 7:18

Saidip puan sil intiu in, dipchâkna’n dim ta’n au. Mi zosia zakcha’n tin, a luchang zosiau kol ta’n a.

DANIAL 12:2

Mi tam tak leivui a la suak ta, a la ipmusate chu hung khanglo ta’n tiu in; khenkhatte kumtuang hinna chang ding leh, khenkhatte kumtuang jachakna leh mualpho’na chang ta’n au.

HOSEA 9:10

Israel chu gamthip ah grep ga gual in ka mu tai. La pu leh pateu chu a hun masa pen ah, theipi ga masa gual in ka mu ta ahi. Himaleh, amau chu Baal-peor mun ah a hung un, jachâk um tak in a kipumpiak tau a; a thil ngainatteu gual in ki’dak um a hung hi zo tau hi.

ZEPHANIAH 1:17

Mitthum gual ah a vâk tua’na ding un, zia gual buaina chu a chung un tunsak ing ka tin; Lalpa chung ah thil a la hi’khial tâk ziak un, a thisan uh leivui gual ah butthâk ah um in, a sateu chule bawng êk gual ah the’jak in hung um ding ahi.

ROMTE 6:21

Tu’ la thil jachatpiteu ah kipat chun bang phatchuamna la la muu em leh? Ziate tawpna kha thina ahi vei.

VAIHAWMTE 2:2

nang unle zia gam ah a la chêngsate hi tawh kichamna la siam lo ding uh ahi; a mâichâmte uh la phiat thâk diu ahi,’ a tia. Ahi’n la, ka thupiak la zui puau hi. Bang a hem la bawl uh en tiam un!