JEREMIAH 3:22 - PATHIAN LEKHABU THIANGTHO (BSI)

²² “Aw, chapa gin umlo te haw, hung kile’kit un, la ginumlo nau hun hi’dam piak ing ka”. “Ngai in, ka hun zuan ui, nang Lalpa chu ka Pathian uh la hi’ngal a”.

JEREMIAH 3:22 ပူးပေါင်းရင်းမြစ်များ

SOLOMON LÂ 1:4

Ei pui in, kin tak in chia hitiu! Lengpa’n a pindan ah ei pui lût tai. Nangma ah chun lim ing kau; la hepina chu uain sâng in ka limpi zaw; a hun hepi takzet uh ahi.

ISAI 1:2

Aw vante, hiau inla, aw lei chung, ngai in; Lalpa‘n thu a gen ta ngâl a: Chate ka hing ah, ka dontei ta’n, ahi’n, ei do in a hung pang tau hi.

ISAI 27:8

Amau chu nawdawna sal ah pui mang in a umsak ah, a lungnatna’n sualam thigawpi a mût mangsak tai.

ISAI 31:6

Aw Israel mipite haw, nasa tak in ama a la do ta maleu chin, a kiang lam ah hung kile’kit mai tau in.

ISAI 57:17

Huaihap tak ah a nunsiat ziak un, a chung un ka lungna ma ma in; ka la vaw ta’n, ka lungnatna ziakin, ka kisêl mangsan tai; maleh, ei nusia tei tei un, amau nop dan dan in a chia tei tei ui.

JEREMIAH 3:12

Chia inla, mallam in zia gual hin vapuang jak in a tii: Ginumlo Israel hung kile’kit in, Lalpa‘n a tii. Ka lungnatna mêl in hun en pua’ng ka, lainatna dim ka hi’ngal a, Lalpa‘n a tii; kumkhua’n lungna ta pua’ng ka.

JEREMIAH 30:17

Amau in nang chu pâm pai ah um ahi tai, ti’n tiu in: “E he Zion hi! Kuama’n a ngaisak ta puau hi!” a hun ti ziak un, la hisêlna hun pia kit ing ka tin, la beliamte chu sudam kit ding ka hi ta’ngâl a, Lalpa‘n a tii.

JEREMIAH 31:18

Ephraim thûmna chu ka henai: “Nang in lei thunun ta’n, la thununna chu ka la thuak ta’n; bawngno lâk nai lo tawhbang ka hi. Ei pui kit in, hung kit ing ka, nangma, Lalpa chu ka Pathian la hi’ngâl a.

JEREMIAH 33:6

Tungding kit in, sudam kit ding ka hi; sudam ing ka tin, hausakna kiningting tak leh bit tak in umsak kit ing ka.

JEREMIAH 4:1

Lalpa‘n a gen a: Aw Israel, la hung kile’kit ah, keima lam ah la hung kit ua, la ki’dak umnau ka mu’na kipat la lîpthâk ua, la mawk vak tâk lo ua,

EZEKIEL 18:30

Ziaziakchun, Aw Israel Inkuante haw, la umdan dungzui chiat un mi tin chung ah vaihawm ding ka hi, Lalpa Pathian in a tii. Sim unla, la hi’khelnau zosia haisan tau in; achutiloleh, nunsiatna chu la manthâinau hung hi kha’n a.

EZEKIEL 33:11

A kiang un, Lalpa Pathian in kihaksial hial in, Migilo thi’na chun ka kipak puai; himaleh, migilote chun a umdan uh kiheisan uh hen la, hing leh dam in um leu ka ti ahi; hung kihei kit un, la umdan phaloteu nusia in hung kihei kit tau in; aw Israelte haw, bang ding ah thi mai ding la hiu em?

HOSEA 13:4

Ahi’n la, kei chu Aigupta gam ah kipat, Lalpa la Pathian uh ka la hita’n; kei tilo Pathian dang la hepuau in; chuleh, kei ti lo hukdampa dang le a um puai, ti la hiau a.

HOSEA 14:1

Aw Israel, Lalpa la Pathian lam ah hung kile’kit ta’n; la thulimlo’na ziakin la kipal pûk ta ahi.

HOSEA 14:4

A thutak lonau ah kipat in sudam ing ka tin, a thawn in amau hepi ta’ng ka; amau chung ah ka lungnatna a bei ta ngal a.

HOSEA 14:5

Israelte â dingin jan daitui gual hi’ng ka tin; lili gual in hung pâk lûn intiu in; Lebanon gammâng thing gual in zung khaw in au.

HOSEA 14:8

Aw Ephraim, milimte chu ka bang ah pang ding a hem? Nangma dawnhu ah, hun vêngpa chu keima ka hi’ngal a. Châk thing hing zing gual chu ka hi’n, la ginumna chu keima ah kipat hung ahi.

HOSEA 3:5

Zia nung chuleh, Israelte hung kile’kit in, Lalpa a Pathian uh leh David, a leng uh chu hun hawl ta’n au; ni nunung lam ah chun Lalpa leh a phatna chu lau kawm in zuan in au.

JOEL 2:12

Ahi’n la, tu’hin le Lalpa‘n, la lungthim zosiau in anngawl ah, kap leh lusûn kawm in ka kiangah, hung kihei kit un;

ZEKARIAH 13:9

Chuleh, a mun thumnate chu mei lak ah sep lut ing ka tin, dangka thik hâl thiantho gual in hâl thiangtho ta’ng ka. Ka min hun lam ta’n tiu in, ke’nle dawnhu ta’ng ka. “Amau chu ka mite a hiu,” ti’ng ka tin; amau inle, “Lalpa chu ka Pathian uh ahi,” ti ta’n au.