JEREMIAH 3:21 - PATHIAN LEKHABU THIANGTHO (BSI)

²¹ Tângsip kol vel vul lam ah kipat in, kâ thawm het ahi’n; zia chu Israelte kap kawm ah thil don chu a hiu, Lalpa, a Pathian uh hemil ah ah, a la tawi khawlo zaw tâk ziak uh ahi.

JEREMIAH 3:21 ပူးပေါင်းရင်းမြစ်များ

JOB LEKHABU 33:27

Zia mipa chun midangte kiang in, “Ka la bawl khial ta’n, a dik chu ka la pêt mangsan ta’n; ahi’n la, thuk in ka um puai.

THUPILTE 10:9

Diktatna lampi zuite chu bit tak in chia zing intin uh, lam diklo zuite chu vang matdaw ngal hi’n au.

THUPILTE 19:3

Min ama ngolna ziak ah siatna a tuak phat leh, Lalpa chung in a phunchiak sek hi.

ISAI 15:2

Dibon chanu chu a kap dingin a thoimual in a kal to hi; Nebo leh Medeba tângvûmte chu Moab in a kâ khum tai. Luchang zosia metkol in, khamul zosia le met nâm ahi’n;

ISAI 17:10

Nang in la hukdamna Pathian la hemil ta’n, la kisêlna Suangpi chu la he’pha ta paw’ngal a; ziaziakchun, thâichi doi um tak tak te chîng malehchin le,

ISAI 57:11

Kua la lau ziak leh la kichâk ziak ah zuau gen ah, keima ei hemil ah, la lungthim ah le ei gêl kha talo la hitau em? Thipbek ah um in, ka mit ka sîn san ziak ah ei lau lo la hiu maw?

JEREMIAH 12:12

Gamkeu ah tâng gawchâk tin ah kipat in, gam hisia dingte chu a hung suk un; Lalpa chemjam chun gam mong langkhat lam ah kipat, a langkhat lam tiang in hun that gam intin, a suakcha um pua’n au.

JEREMIAH 13:25

Keima ei hemil in zuau thu la taksan zawk ziak un, zia chu la âi ua kia, keima ah kipat la chanvo ding ua ka guat piak chu ahi, Lalpa‘n a tii.

JEREMIAH 18:15

Himaleh, ka mipite chun ei hemil zo tau a, kithepna’n gimtuite a lân un, lamgului, a nunchan lui un a kipal pâi tau a, lam tuangpi zui lo in, lam diklo a haw tau hi.

JEREMIAH 2:32

Nungak in a kicheina matchâkte leh, monu’n a mo puan chu a hemil thei awm? Ka mite’n vang ni sim sên lo sung, ei hemil tau hi.

JEREMIAH 3:2

Tângjawl lam en in la mit te to in la en tiam in! La lup lonau khoi tak a um em? Gamthip ah umna tum neilote gual in, lam pâm ah la ngaijawngte ngâk in la kitung hi. La zawnthânhuaina leh la nunsiatna’n, gam chu la subuak zo tai.

JEREMIAH 31:9

Kap kawm in hung kit intiu in, thamuan kawm pek in hun pui kit ding ka hi. Luicha tui luanna munte hawsak ing ka tin, kisui lo in lamzang tak in chia in au; Israelte â ding ah pa ka hung hi’n, Ephraim hi ka cha upa pen ahi tak ziakin, ti in.

JEREMIAH 7:29

La sam uh tan un la pai mang un; Lalpa‘n ama chok lungna bepte nam chu paitha’n, a nungngat tâk ziakin, tângsipte ah chun Kâ La sa tau in.

EZEKIEL 23:35

Ziaziakchun, Lalpa Pathian in: Keima ei hemil ah lei nungngatsan tâk ziakin, la thanhuaina leh la kizokna ziak ah la chung ah tung ding hi thuak in, ti’n a gen a.

EZEKIEL 7:16

A suakcha jamdok a um chun, phâijawl ah vakhute gual ah, a dukdak lona ziak ua lusûn in, tâng ah te chun um ta’n au.

HOSEA 13:6

Amau ka vâk lai khan a vâ un, a lungkim ma mau a; a vâ phat un a lungthim uh a hung chapo ta’n; tichun, ei hemil kit ta mai sek ui.

HOSEA 8:14

Israel in ama Siampa a hemil in, lal Inpite a sau a; Judah in khawpi kul neite a hi’pung a, ahi’n la, a khawpite chung ah mei sawl ing ka tin, a khawpi siamdette chu kâng tum in a.

MIKAH 3:9

Nanghaw Jakob Inkuan ah hotute leh, Israel Inkuan ah vaihawmte haw, vaihawmna dik zosia ki’dak ah, dikna zosia bangmalo ah koite haw, zia thu hi a la ngai un.

KISIMNA LEKHABU 22:32

Lalpa vansawlchâk in Balaam kiang ah chun, “Bang ding ah la sabiltung vel thum hial la jep a hem? Ka âng ah kipat la pêtmang tâk ziakin nangma kãl ding ah hung kipan ka hi tai.

2 KORINTH 7:10

Pathian doigual ah lungngaina chun hukhinna ding lungheina a sua in, kisik a um puai; khawvel lungngaina’n vang thina a sua zawi.