JEREMIAH 3:19 - PATHIAN LEKHABU THIANGTHO (BSI)

¹⁹ Chuleh, Lalpa‘n zia gual hin a gen a: “Ka chate lak in ka hun koikhawm a, gam nuam tak, khawvel nam zosiate gochan sâng ah, gam mêlhoi pen chu ka hun piai. He pa ti’n ei ko in la tiu in, ei nusia ngai ta pua’n lau, ti’n ka gêl a.

JEREMIAH 3:19 ပူးပေါင်းရင်းမြစ်များ

SAM 106:24

Gam nuam tak chu a la musit un, a thutiam a la taksang puau hi.

SAM 16:6

Gamgi chu kei â ding ah mun nuam tak in a kithung ta’n; ahi, gothil pha tak leh lian tak ka chang tai.

SAM 89:26

Ama’n kei kiang ah, ‘nangma hi ka Pa, ka Pathian leh ka hukdamna Suangpi chu la hi!’ ti’n a.

THUPILTE 3:35

Mipil in jana chang intin, himaleh, mingol lu’lulte’n vang jachâkna chang in au.

ISAI 63:16

Abraham in ei helo in, Israel inle ei la ngaisak lo maleh, nang chu ka Pau la hi’ngâl a. Nangma chu, Aw Lalpa, ka pau la hi’n, masanglai ah kipat him ah, ei Hukdokpa chu la min ahi.

ISAI 64:8

Himaleh, aw Lalpa, nang chu ka pau la hi tho tho hi; keihaw vang tungman mai mai ka hiu a, nang chu a bêlsêkpa la hi; ka leng un la khutsuak ka hiu hi.

JEREMIAH 12:10

Belampu tamtakte’n ka grep huan a susiau a, ka chantum chu a chuanchil tau ah, ka channa mun pha chu gamthip, kuama umlo na’n a siam tau hi.

JEREMIAH 3:17

Ziaphat chuleh, Jerusalem chu Lalpa lalchutpha ti hung hita’n tin, Jerusalem ah Lalpa umna chun, nam tinte hung khawm in au; a lungthim ngaituanau phalo tak chu lochal tak in zui zing ta pua’n au.

JEREMIAH 3:4

Tu’tak chun la, He pa, ka khangdawng lai ah ka gualpa la hi, lei ti hen;

JEREMIAH 31:20

Ephraim chu ka chapa dawi tak hilo a hem? Ka kipakna chu hilo a hem? Ama demna thu ka gen daw si’n leh, ama ka hezing hi. Ama ziakin ka lungthim a na ma ma hi; matheilo in a chung ah jaidaw ing ka, Lalpa‘n a tii.

JEREMIAH 31:9

Kap kawm in hung kit intiu in, thamuan kawm pek in hun pui kit ding ka hi. Luicha tui luanna munte hawsak ing ka tin, kisui lo in lamzang tak in chia in au; Israelte â ding ah pa ka hung hi’n, Ephraim hi ka cha upa pen ahi tak ziakin, ti in.

JEREMIAH 33:9

Chun, zia khawpi chêngte â ding ah thilpha ka hi’piak zosia hun he dingte ma-âng ah chun, zia khawpi hi kei â ding ah kipakna leh choihoina leh lopina hung hita’n a; zia khawpi â ding ah thilpha leh vangphatna ka piak ziakin, lau in kithing ta’n au.

JEREMIAH 5:7

Bangti hun ngaidam ding ka hem, la chateu in ei nusia in, pathian hilote min in a kitiam tau hi. A vâ sêt ua ka vâk phatin, nawchizuakte In ah lût in, a ângkawm zo tau hi.

EZEKIEL 20:6

Zia ni chun Aigupta gam ah kipat puidok ing ka tin, amau â ding ah ka mudaw’na gampha, bawngnawi leh khuaizu luanna, gam zosia lak ah pha pen ah pui lût dingin ka la tiam tai.

DANIAL 11:16

Amau do ah hung kuante chun a nop nop un bawl ta’n tiu in, amau dal zo ding kuama um ta pua’n au. Gam mêlpha ah chun mun chang ta’n tiu in, a leng un ama thu’n um ta’n au.

DANIAL 11:41

Gam mêlpha ah hung lût intin; a sîng a sangte that gam in a; himaleh, Edom, Moab leh Ammon mi tam zaw te chu a thilhitheina lak ah kipat suakcha ta’n au.

DANIAL 11:45

Tuisuagiat tawh, tâng thiangtho mêlpha tak kikâl in a lal In puanbûk jak ta’n a. Himaleh, a tawpna chu hung tung tho tho intin, kuama’n panpi pua’n au, a hun ti tai.

DANIAL 8:9

Zia kîte lak ah pakhat ah kipat chun, kî neucha a hung pawtdok kit a; zia chu mallam, sualam leh gam mêlpha lam zuan in a khang ma ma a.

HOSEA 11:8

Aw Ephraim, bangti’n hun haisan thei ding ka hem? Aw Israel, bangti’n hun pedok thei ding ka hem? Admah gual ah bangti’n hun siam thei ding ka hem? Zeboim gual ah bangti’n hun bawl thei ding ka hem? Ka sung ah hin ka lungchang a kitum in, ka khawtuana a nasa’n, a thûk ma ma hi.

GALATIA 3:26

Khrista Jesu gin ziakin Pathian chate la hung hi chiat tau hi.

EPHESA 1:5

Ama chun a doi leh tup gual tak in, ei uh hi Jesu Khrista vang ah a chate hiding in, hepina ziakin ei la guatlawk tai.

DAN LEKHABU 14:1

Nanghaw hi Lalpa la Pathian uh chate la hitau ah. Mithi sûn ziak in la kihiliam ding uh ahi pua’n, la chalsam uh le la met lo ding uh ahi.

HEBRAITE 10:39

Himaleh, ei haw vang mangthai ding ah kinungtawl pawl I hipuau a; hukhinna chang ding ah gingte I hizawu hi.

1 PETER 1:17

Doichuam neilo ah, mitin a nasep dungzui ua vaihawm piakpa chu, Pa gual ah la ko ua leh, la umnau ah la châm sung ua hin laudan thiam in um un.