JEREMIAH 3:17 - PATHIAN LEKHABU THIANGTHO (BSI)

¹⁷ Ziaphat chuleh, Jerusalem chu Lalpa lalchutpha ti hung hita’n tin, Jerusalem ah Lalpa umna chun, nam tinte hung khawm in au; a lungthim ngaituanau phalo tak chu lochal tak in zui zing ta pua’n au.

JEREMIAH 3:17 ပူးပေါင်းရင်းမြစ်များ

THILSIAM THU 8:21

Lalpa’n a gim namtui chu a het phat in a lungthim in, “Mihingte ziakin lei chung hi hânsia law kit ta pua’ng ka; mihing lungthim ngaituanate chu a naupan lai ua kipat gilo ngen ahi ngal un; tu’hun ah ka gawtna gual hin mihing zosia hi gawt kit ta pua’ng ka.

1 LENGTE 8:41

Zia gual ma chun, la mi Israelte lak ah hilo, gam dang mi nangma min ziak ah gamla tak ah kipat a hung phat ua leh,

SAM 102:23

Ama’n ka vanglai ni’n ka thâ a hi’kia’n, ka damsung nikhua a hi’chom tai.

SAM 78:8

a suanteu dungsûn ah suan lochal leh, kiphin chîngte, suan thumang lo, Pathian lak ah lungthim ginum lo pu’, a umlo’na ding un.

SAM 87:3

Aw Pathian khawpi! Nangma ah thil lopi takte chu a gen sek ui.

ISAI 26:8

Aw Lalpa, la vaihawmna lampi chun, nangma chan bep ka la ngâk ui; la min leh la minthanna chu ka thangai pen uh ahi.

ISAI 56:6

Chun, gam dang mi, Lalpa hun zawm ah, a nasêm ding leh Lalpa min ngaina, a suak ding ah hung kipia, a cholni subuak lo ah chang thiangtho a, ka thuthung tudet taphot chu,

ISAI 59:19

Tichun, tumlam ah mite chun, Lalpa min hun kicha ta’n tiu in, sualam ah mite chunle, a lopina hun kicha ta’n au; luicha tuilian leh Lalpa hui in a mût, gual in hung ding ahi ngal a.

ISAI 6:1

Lengpa Uzziah a thi kum in, Lalpa chu lal chutpha kichu, sâng tak leh lian tak in ka mu’n; chuleh, a puansil mongte chun tempul sung a lua dim hial a.

ISAI 66:1

Lalpa‘n zia gual hin a gen hi: Van chu ka lalchutpha ahi’n, lei tual hi ka keng ngakna ahi; kei â ding ah khoi tak ah In ei sak piak ding la hiu ah, ka chawldamna ding mun chule khoi tak hiding a hem?

ISAI 66:18

A lungthim ua a ngaituanau zosia leh a thilbawl zosiau chu ka he ngal a; chuleh, namtin leh pautinte pui khawm dingin ka hung kuan hi; tichun, hung khawm intiu in, ka lopina chu mu ta’n au;

ISAI 66:20

Israel chate’n Lalpa In ah bêl thiangtho ah thillat ding a hun choi sek gual ua khan, Jerusalem ah ka tâng thiangtho ah chun, Lalpa kiang ah lat dingin namtin lak ah kipat in la suapiteu chu, sakol chung ah te, sabiltung chung ah te leh gancha hat tak tak te chung in hun pui khawm in au.

JEREMIAH 11:8

Himaleh, a ngai puau a, a bil uh le a daw diak puau hi; mi tin a lungtup phalo leh lu’lul dungzui in a um zing tau hi. Tichun, zia thuthung ah thute zosia hi a zui ding un thu ka pia’n; maleh, a zui diak puau hi.

JEREMIAH 12:15

Ka lâkdaw zaw phat leh, amau chu lainat kit ta’ng ka tin, a gochannau leh a gam ma mau ah a leng un pui tung kit ding ka hi.

JEREMIAH 12:16

Ziaphat chuleh, gunchu tak ah ka mite umchan zosia a zil ua, “Lalpa chu a hinnâk leh,” ti ah ka mite Baal min ah kitiam dan a la zilsak gual ua, ka min ah kitiam dan a kizilsak nâk uh chun, ka mite lak ah chun tung ding khawm ta’ng ka.

JEREMIAH 14:21

La min ziakin ei pâmpai kin la, la lopina lalchutpha hi sumualpho kin; ka kiang ua la thuthung kha hezing inla, botsia kin.

JEREMIAH 16:12

la pu leh pateu sâng ah sezaw’n la hung um nalai un, la leng un zia tak ah hin ka thu ngai lo in, la doinau phalo tak chu lu’lul tak in la zui tei tei nalai ui.

JEREMIAH 16:19

Aw Lalpa, ka hatna leh ka kulpi, buai lai ah ka kisêlna; kawl kîmvêl ah kipat namtin hung khawm in, la kiang in: Ka pu leh pateu in zuau thu leh, thil manlote tilo ngal, bangma a la lemlaw puau hi.

JEREMIAH 17:12

Aw, lal chutpha lopi, a lim ah kipat choisa’n ah um leh, I mun thiangtho uh umna ngei tak chu aw!

JEREMIAH 18:12

Himaleh, amau chun, “Bang dukdak ahi puai! I lungtup gual gual un um hitiu in, lu’lul tak ah I thil tup uh phalo dungzui chiat ah I um ding uh ahi,” a tiu a.

JEREMIAH 3:19

Chuleh, Lalpa‘n zia gual hin a gen a: “Ka chate lak in ka hun koikhawm a, gam nuam tak, khawvel nam zosiate gochan sâng ah, gam mêlhoi pen chu ka hun piai. He pa ti’n ei ko in la tiu in, ei nusia ngai ta pua’n lau, ti’n ka gêl a.

JEREMIAH 31:23

Sepai honte Lalpa, Israelte Pathian in zia gual hin a gen a: A gam lam ua ka pui kit phat leh, Judai gam leh a khawpiteu ah chun zia gual paukam hi kimang kit ta’n a: “Aw, diktatna mun, Aw tâng thiangtho, Lalpa‘n hun maljawl hen,” ti in.

JEREMIAH 33:9

Chun, zia khawpi chêngte â ding ah thilpha ka hi’piak zosia hun he dingte ma-âng ah chun, zia khawpi hi kei â ding ah kipakna leh choihoina leh lopina hung hita’n a; zia khawpi â ding ah thilpha leh vangphatna ka piak ziakin, lau in kithing ta’n au.

JEREMIAH 4:2

“Lalpa min in!” ti ah kitiam ngam ah, thutak ah vaihawmna dik leh, umchan dik tak la zui uh chun, nam tinte chu keima maljawl ah um in, ei kisuanpi ta’n au.

JEREMIAH 7:24

Ahi’n la, ka thu a ngai puau a, a bil uh le a daw puau hi; zia malak sâng ah chun a ngaituanau lu’lul leh phalo tak dungzui in, amau phasak lam ngen zui in, a ma lam uh en lo in, a nung lam ngen uh a en zaw tau hi.

JEREMIAH 9:14

a pu leh pateu in a hilnau dungzui ah Baal a delzui un, lu’lul tak ah a lungthim dawi dan uh a zui zawk tak ziak un.

EZEKIEL 1:26

Chun, a luchung ua belkuang gual ah khû suk chung ah chun lallukhuk tawhbang, sapphir suangmantam gual ah kilang khat le a um ah; zia lalchutpha tawhbang chung ah chun mihing mêlpu khat a kitung a.

EZEKIEL 43:7

ka kiang in, “Mihing, zia tak hi ka lalchutpha umna mun, ka kengpêk ngakna leh, ka mipi Israelte kiang ah kumtuang ah ka umdenna ding mun chu ahi. Israel Inkuante’n ka min thiangtho hi’buak kit ta pua’n au; amau leh a lengteu inle ângkawmna ziak leh a lengteu thiluang inle hi’buak kit ta pua’n tiu in,

EZEKIEL 48:35

Khawpi kîmvêl chu tong sîng khat leh sang giat hual sung ahi. Chuleh, zia hun ah kipat chun a khawpi min chule, “Zia hin Lalpa a um hi,” ti hita’n a.

ZEKARIAH 2:11

Zia ni chuleh, nam tam tak in Lalpa zawm ta’n tiu in, ka mite hita’n au; chun, la lak un chêng ta’ng ka. Chuleh, sepai honte Lalpa chun ei sawl ka hi ti hun he ta’n lau.

ZEKARIAH 8:8

Jerusalem ah chêng dingin hun pui khawm ing ka. Ginumna leh dikna ziakin amau chu ka mite hita’n tin uh, keima le a Pathian uh hi ta’ng ka.

KISIMNA LEKHABU 15:39

Zia puanmong kihual chu la bawlphat si’n uh leh, nang uh â ding ah Lalpa‘n thu a hun piak zosia la hetdawna ding uh leh, la zui ding uh a hi’dan la hiattheina ding uh hi’ntin; tichun, la lungthim un a doidan leh la mit un a dawi dan dan chu la bawl ziang lo ding uh ahi.

ROMTE 1:21

Pathian he maleu, Pathian ahi’na gual tak in a chawihoi puau ah, a chung ah kipakna châng le a hepuau hi; ziaziakchun, a lungthim suangtuanau in thil manlote bep a ngaitua tâk ziak un a lungthim ngol tak uh chu a thim zo tai.

ROMTE 6:14

Gitlona chun la chung un thu nei talo ding ahi ngal in. Dan vaihawmna nuai ah um la hita puau ah, hepina nuai ah um la hizaw tau hi.

GALATIA 4:26

Himaleh, pakhatnu zawk chu, chung lam Jerusalem ahi’n, suak ahi puai, zia ngei chu eihaw nu ahi.

DAN LEKHABU 29:29

Thil kisêlgute chu Lalpa I Pathian uh â ahi’n; a hin la, tâklat ah umte vang eimau leh I suanteu â dingin zia dan zosia hi kumkhua I zoptheina ding un ahi.

VAIHAWMTE 2:19

Himaleh, a vaihawmteu thi zaw si’n leh a puk kit ua, a pu leh pateu sâng ah gilo zaw ah um in, pathian dang a ho ua, ziate chu bokkhup in chibai a bûk tau a. A thilbawl uh phalo leh a lochalnau lampi chu a haisan nuam puau hi.