JEREMIAH 3:14 - PATHIAN LEKHABU THIANGTHO (BSI)

¹⁴ Aw, mi ginum lo chate haw, hung kihei kit un, Lalpa‘n a tii; nang uh hun neipa ka hi’ngal a. Khawpi khat ah mi pakhat, Inkuan khat ah mi pani a hem, hun lakhawm ing ka tin, Zion ah hun pui tung ding ka hi, ti in.

JEREMIAH 3:14 ပူးပေါင်းရင်းမြစ်များ

2 KHANGTHU 30:6

Tichun, lengpa leh a khawnbawlte chun lekhathot chu a thotdok zung zung ziang tau a; Israel gam leh Judai gam pumpi chun lengpa thupiak in a thotdok suak tau a; zia gual hin thupiak chu a zik un: “Aw, Israel mipite haw, Abraham, Isak leh Israel Pathian, Lalpa kiang lam ah hin hung kihei kit tau in; chutileh, ama le a thibang sunte kiang lam ah hin hung kihei kit in tin, nanghaw Assuria lengte khut ah kipat suakcha sunte hi hun nai kit ding ahi ngal a;

ISAI 1:9

Sepai honte Lalpa‘n tawmcha khat ei la hawil lo vâng leh, Sodom gual in a la um tai tiu in, Gomorrah gual a la hita ding I hiu.

ISAI 10:22

La chipi Israelte chu tuisuagiat ah piaunêl jat ah tam himaleu, a thibang sunte bep hung kile’kit in au. A chung ua siatna tung ding ah tiamsa a hita’n, diktatna luanglêt ahi.

ISAI 17:6

Oliv ga thinpul zaw lo, pani a hem pathum a hem– a jik sang lam ah thingga, pali a hem panga a hem kilo khial, bulêp ga gual in hung um ta’n au,” Israelte Lalpa Pathian in a tii.

ISAI 27:12

Zia ni phat chuleh, Euphrates luipi kipat Aigupta Wadi tiang in, buchil in hun chil in a; chun, aw Israelte haw, pakhat khat ah lâk khawm in hung um ta’n lau.

ISAI 31:6

Aw Israel mipite haw, nasa tak in ama a la do ta maleu chin, a kiang lam ah hung kile’kit mai tau in.

ISAI 44:22

La hi’khelnateu chu sûmpi gual in ka mût mang ta’n, la gitlona chu phâisûm gual in ka mûtthial tai; ka kiang lam ah hung kit unla, ka hun hukdok ta’ngal a.

ISAI 54:5

La pawsal chu nangma hun Siamtu kha ahi’n, a min chu sepai honte Lalpa ahi ngal a. Israelte Mithiangtho, nangma hun Tanpa chu ahi’n, ama chu lei chung zosia’ Pathian ahi.

ISAI 55:7

mi nunsia chun a siatna lampi chu haisan hen la, mi diklo chun a ngaituana phalo haisan ta hen; Lalpa lam ah hung kile’kit hen, a chung ah ja’ngai in a. I Pathian kiang lam un hung kit uh hen, ama’n a la ngaidam ma ma ding ahi ngal a.

ISAI 57:17

Huaihap tak ah a nunsiat ziak un, a chung un ka lungna ma ma in; ka la vaw ta’n, ka lungnatna ziakin, ka kisêl mangsan tai; maleh, ei nusia tei tei un, amau nop dan dan in a chia tei tei ui.

ISAI 6:13

Thinghi thing a hem, gangpi thing a hem, a kiphûk nung ah le a bulsum a um gual in, a lak ua mi sawm lak ah khat ziang le, nutsia a um nâk lai chun, mei ah hâl tum hi nalai in au; chi thiangtho chu a bulsum gual in, um nalai in a,” ti in.

JEREMIAH 2:19

La nunsiatnau in hun gawt intin, la nungtolnau in hun kophil in a. Lalpa la Pathian uh la kihei mang san uh hi, nang uh a ding ah thil phalo tak leh, khawk tak ahi ti hia’n, muchian tau in; keima hi lei kicha mawng mawng puau hi, ti’n sepai honte Lalpa Pathian in a gen hi.

JEREMIAH 2:2

“Chia inla, Jerusalem ah chêngte het dingin vagen inla, Lalpa‘n zia gual hin a gen hi vati’n: La khangdawn lai ah la ginum dante, mothak gual ah lei ngai dante leh, gamthip ah bangma kichînlo’na gam ah le ginum tak ah ka nung lei zui dan kha ka hezing hi.

JEREMIAH 23:3

Ziaphat chuleh, ka gan-gual um sunte chu, ka nawjakna gam tin ah kipat in keima’n hawl khawm kit ing ka tin, a huang sung un hawl lut kit ing ka; tichun, hung pung in hung tam ma ma kit ta’n au.

JEREMIAH 29:14

hun kimusak ding ka hi, Lalpa‘n a tii; chuleh, vangphatna hun vuk ing ka tin, nam tinte leh gam tin ah sal ah ka hun nawmangna mun zosia ah kipat in, hun tungding kit in, hun pui khawm ing ka tin, la gam lam un hun pui tung kit ing ka, Lalpa‘n a tii.

JEREMIAH 3:1

Mi khat in a ji nol hen la, a ji chun a pawsal chu nusia in, pawsal dang khat tawh kicheng taleu, a pawsal masa chun a va kichenpi kit diam? Chutileh, gam chu nasa tak ah sukpolche hilo ding a hem? Nang vâng ngaijawng tam tak nei in, nawchizuak in la pang tai; aleh, kei lam ah la hung kit diam? Lalpa‘n a tii.

JEREMIAH 3:12

Chia inla, mallam in zia gual hin vapuang jak in a tii: Ginumlo Israel hung kile’kit in, Lalpa‘n a tii. Ka lungnatna mêl in hun en pua’ng ka, lainatna dim ka hi’ngal a, Lalpa‘n a tii; kumkhua’n lungna ta pua’ng ka.

JEREMIAH 3:8

ji gin umlo Israel chu zia gual ah chu a um ziakin, nolna lekha chu pia’n ka sawlmang tai, ti ji gin umlo Judah chunle muzing maleh, launa châng a he diak pua’n, nawchizuak in a chia nalai lai a.

JEREMIAH 31:12

Zion tângvûm ah hung in, Lâ ngai tak in hung sa ta’n au; a chung ua Lalpa a phatna ziak leh, bu leh uain leh sathau ah te, bawngnote leh belamnote ziakin, a mai uh tai ma ma ta’n a; a hinnau chu tui in a chapno zing, huan tawhbang hi’ntin, thavai tak in um ta pua’n au.

JEREMIAH 31:32

A pu leh pateu Aigupta gam ah kipat puidok ding ah, a khut ua ka kaibât lai khan, a pawsal uh himaleng le, ka thutiam a bawsiat gual uh kha hi talo ding ahi, Lalpa‘n a tii.

JEREMIAH 31:6

“Hung un, Lalpa I Pathian kiang un, Zion ah chia to hitiu,” ti ah Ephraim tânggam ah gâlvêngte kiko dawna ni ding chu, hung tung ngei ngei ding ahi tai.

HOSEA 5:15

A hi’khelnau a hun hetdawu ah, ka mai a hun hawl masiau chu, ka umna lam ah kile’kit ing ka. A lunggimna ziak un ka doisakna chu hun don ta’n au.

ZEKARIAH 1:4

Jawlnei masate’n, “Sepai honte Lalpa chun, ‘La umdan phalo leh, la thil phalo bawlteu chu hun kiheisan un, a tiu a; la pu la pateu in a limsak lo uh leh bangma a la ngaisak lo gual uh khan um kiu in, Lalpa‘n a tii.

ROMTE 9:27

Israel chung thu ah chun, Isai khanle, “Israel chate tam dan chu tuisuagiat ah piaunêl jat hi ziangleu le, a lak ua tawmcha bep hukdam ah um ding a hiu;