JEREMIAH 3:12 - PATHIAN LEKHABU THIANGTHO (BSI)

¹² Chia inla, mallam in zia gual hin vapuang jak in a tii: Ginumlo Israel hung kile’kit in, Lalpa‘n a tii. Ka lungnatna mêl in hun en pua’ng ka, lainatna dim ka hi’ngal a, Lalpa‘n a tii; kumkhua’n lungna ta pua’ng ka.

JEREMIAH 3:12 ပူးပေါင်းရင်းမြစ်များ

THILSIAM THU 4:7

A dik chu bawl lechin, bang ding ah pom hilo diak ding la hem? A dik la bawl diak lo chun, gitlona chun la kotkhak bul ah a hun châng zing hi; nang hun zaw gua ahiziak in, nang in la zaw guat ngei ngei ding ahi,” a ti’n.

2 LENGTE 15:29

Israel ah Lengpa Pekah vaihawm sung ah chun Assuria ah lengpa Tiglath-pilesar chu a hung kuanah, Aijon tawh, Abelbeth-maakah leh Janoah tawh, Kedesh leh, Hazor tawh, Gilead leh, Galili tawh, Naphtali gam zosiate chu a hun la ta’n, tichun amau haw chu Assuria lam ah sal in a pui tai.

2 LENGTE 17:23

A suak jawlneite mang ah a la gen taksa gual in, Israel chu Lalpa‘n ama mit mu ah a chawn mang ah. Zia ziak tak ah chun Israel chu a gam ua kipat in Assuria lam ah pui mang in, tu’ni tiang hin a um zing tau ahi.

2 LENGTE 17:6

Hoshea leng ahi kum kua ahi’na chun, Assuria lengpa chun Samaria chu a hun la, Israelte chu Assuria lam ah chun sal in a pui mang ah; Gozan luilian pâm ah Halah mun leh Habor mun leh Mede khawpite ah chun a umsak tai.

2 LENGTE 18:1

Judai gam ah Lengpa Ahaz chapa Hezekiah chu vaihawm in a hung pang pan hi.

2 KHANGTHU 29:10

Tu’hin, Israelte Pathian in I chung ua a lungnatna a lâk mang khâk leh ti’n Lalpa kiang ah thuthung siamthak leu hin ti ka ngaitua hi.

2 KHANGTHU 30:9

Lalpa lam ah la hung kihei kit ua ahi chun, la suapiteu leh la chateu chun sal ah mante lainatna hung chang intiu in, zia gam ah hin hun pui tung kit ding ahi. Lalpa la Pathian uh hi lainatna dim leh, ja’ngai tak ahi ngal ah; ama lam la ngat kit ua leh ama’nle nang uh lam hun nga kit ding ahi ngalah,” ti’n a thot tau hi.

SAM 103:17

Lalpa ngilnei hepina vang, ama laute chung ah kumtuang ah pat, kumtuang tiang in um intin; a dikna chule a suan a pâkte tiang in um intin;

SAM 103:8

Lalpa chu khawtua thiamna leh lungsiat thiamna dim, lung niang tak leh ngilneina dim ahi.

SAM 103:9

Ama’n hun awimaw zing pua’n tin, a lungnatna chu kumkhua’n vopzing pua’n a.

SAM 145:8

Lalpa chu mi lungsiat thiam, lainatna dim leh lungnem, ngilneina buting nei ahi.

SAM 79:5

Aw Lalpa, bang chan a hem la lungnat nâk lai ding? La itthîk siatsona chu mei gual ah kuang ding a hem?

SAM 86:15

Ahi’n, aw Lalpa, nang chu Pathian, lainatna dim leh, mi hepi thei, lungnem, ngilneina leh thu tak ah dim la hi.

SAM 86:5

Aw Lalpa, nang chu la pha’n, ngaidam pei, a ko tapote chung ah, ngilneina hau la hi’ngal a.

THUPILTE 28:13

A hi’khelna îmgu chu lam jang pua’n tin; îmlo ah kipuang ah haisante chun za’ngaina mu’n au.

ISAI 31:6

Aw Israel mipite haw, nasa tak in ama a la do ta maleu chin, a kiang lam ah hung kile’kit mai tau in.

ISAI 44:22

La hi’khelnateu chu sûmpi gual in ka mût mang ta’n, la gitlona chu phâisûm gual in ka mûtthial tai; ka kiang lam ah hung kit unla, ka hun hukdok ta’ngal a.

JEREMIAH 11:6

Chun, Lalpa‘n ei dawnhu a: Zia thute zosia hi Judai gam ah khawpi zosia leh Jerusalem khawlai dung zosia’n va puangjak inla: Zia thuthung thute hi ngai unla, zui un.

JEREMIAH 12:15

Ka lâkdaw zaw phat leh, amau chu lainat kit ta’ng ka tin, a gochannau leh a gam ma mau ah a leng un pui tung kit ding ka hi.

JEREMIAH 23:8

himaleh, “Mallam gam leh gam tin ah a la nawjakna gam zosia ah kipat, Israelte leh a suan a pâkteu hun puidok ah, hun puipa Lalpa chu a hin nâk leh,” hun ti zaw ta’n au. Zia phat chuleh, amau gam ngei ah chun chêng ta’n au.

JEREMIAH 3:1

Mi khat in a ji nol hen la, a ji chun a pawsal chu nusia in, pawsal dang khat tawh kicheng taleu, a pawsal masa chun a va kichenpi kit diam? Chutileh, gam chu nasa tak ah sukpolche hilo ding a hem? Nang vâng ngaijawng tam tak nei in, nawchizuak in la pang tai; aleh, kei lam ah la hung kit diam? Lalpa‘n a tii.

JEREMIAH 3:14

Aw, mi ginum lo chate haw, hung kihei kit un, Lalpa‘n a tii; nang uh hun neipa ka hi’ngal a. Khawpi khat ah mi pakhat, Inkuan khat ah mi pani a hem, hun lakhawm ing ka tin, Zion ah hun pui tung ding ka hi, ti in.

JEREMIAH 3:18

Zia ni phat chuleh, Judah Inkuan ah mite chu Israel Inkuan ah mite’n hun zawm ta’n tiu in; tichun, mallam gam ah kipat hung pawt khawm in, a pu leh pateu kiang ah a gochan ding ua ka piakna gam ah hin hung khawm ta’n au.

JEREMIAH 3:22

“Aw, chapa gin umlo te haw, hung kile’kit un, la ginumlo nau hun hi’dam piak ing ka”. “Ngai in, ka hun zuan ui, nang Lalpa chu ka Pathian uh la hi’ngal a”.

JEREMIAH 3:5

lungna kumkhua ding leh, a tawp tiang ah lungna den ding la hem? la tiu a. Zia gual ah chun la gen zo ta’n, himaleh, thil phalo la bawl thei zosia chu, la bawl zo ta’ngal a.

JEREMIAH 3:7

Zia thil zosia hi a bawl zaw phat leh, ka kiang lam in hung kile’kitna lo ding a hem ka ti hen; himaleh, a hung kile’kit nuam pua’n; zia gual ah um chu a suapinu mi gin umlo Judah inle a muzing a,

JEREMIAH 30:11

A hun hukdam ding ah hun umpi zing ka hi, Lalpa‘n a tii. A lak ua ka hun thejakna nam tinte chu, subei ing ka tin, nanghaw vang hun subei lo ding ka hi. A kilawm tiang bep in hun gawt ing ka tin, gawt lo ah vang hun nusia ziang lo ding ka hi.

JEREMIAH 31:20

Ephraim chu ka chapa dawi tak hilo a hem? Ka kipakna chu hilo a hem? Ama demna thu ka gen daw si’n leh, ama ka hezing hi. Ama ziakin ka lungthim a na ma ma hi; matheilo in a chung ah jaidaw ing ka, Lalpa‘n a tii.

JEREMIAH 31:21

Lamlian tepte’na leh lamkawk kisiam unla, la chianau lamthuampi leh, lamlian haw chu ngaitua phau in. Aw, nungak thiangtho Israel, hung kit inla, zia la khawpite lam hi zuan in hung kit ta’n.

JEREMIAH 31:8

Ngai un, mal gam ah kipat in hun pui ing ka tin, leimong gamla pen ah kipat in hun pui khawm in, a lak ua mitthûm leh kengbai, nauvop lai leh nauvei ah thuakgim lai, a leng un, mi tam tak chu, zia tak ah hin hung kit in au.

JEREMIAH 33:26

Jakob leh ka suak David suan leh pâkte chu pâmpai in, a lak ua khat chale Abraham, Isak leh Jakob suante chung ah vaihawm ding in a la koi lo ma ding hivêng aw. Ahi’n la, amau vangphatna pia tungding kit in, lainat ding ka hi’ngâl a, ti in.

JEREMIAH 4:1

Lalpa‘n a gen a: Aw Israel, la hung kile’kit ah, keima lam ah la hung kit ua, la ki’dak umnau ka mu’na kipat la lîpthâk ua, la mawk vak tâk lo ua,

KÂ LATE 3:22

Lalpa ngilnei hepina chun tawp ni a nei pua’n, a ja’ngaina chunle tawp hun a nei diak puai;

EZEKIEL 11:17

Ziaziakchun, a kiang un: Lalpa Pathian in zia gual hin a gen hi, ti’n gen in: “Namtin lak ah kipat in hun pui khawm kit ing ka tin, la kithejaknau gam tin ah kipat hun pui khawm in, Israelte gam hi la kiang un pia kit ding ka hi.

EZEKIEL 33:11

A kiang un, Lalpa Pathian in kihaksial hial in, Migilo thi’na chun ka kipak puai; himaleh, migilote chun a umdan uh kiheisan uh hen la, hing leh dam in um leu ka ti ahi; hung kihei kit un, la umdan phaloteu nusia in hung kihei kit tau in; aw Israelte haw, bang ding ah thi mai ding la hiu em?

EZEKIEL 39:25

Ziaziakchun, Lalpa Pathian in zia gual hin a gen hi: Tu’hin, Jakob vangphatna pia kit ing ka tin, Israel Inkuan zosia chung in ja’ngai ta’ng ka; tichun, ka min thiangtho â dingin thangtawm ta’ng ka.

HOSEA 6:1

“Hung un, Lalpa kiang lam ah kile’kit hitiu; ei puaitel chu ama ahiziak in, ama’n ei hi’dam ding ahi, ei vaw liam maleh ei tuam piak ding ahi.

THIAMPUTE LEKHABU 26:40

Himaleh, keima ei kalnateu, a pu a pateu gitlona tawh amau gitlonate leh, keima ei dodâl ah ei kalnateu leh a vâkmanna teu a kipuan ua;

ZEKARIAH 1:4

Jawlnei masate’n, “Sepai honte Lalpa chun, ‘La umdan phalo leh, la thil phalo bawlteu chu hun kiheisan un, a tiu a; la pu la pateu in a limsak lo uh leh bangma a la ngaisak lo gual uh khan um kiu in, Lalpa‘n a tii.

DAN LEKHABU 30:2

tu’ni ka hun thupiak gual ah, nangmau leh la chateu in la lungthim zosiau leh la ngaituanau zosia ah, Lalpa la Pathian uh kiang lam ah la hung kile’kit ua, a kamsuak zosia la hun zop phat ua leh,