JEREMIAH 3:10 - PATHIAN LEKHABU THIANGTHO (BSI)

¹⁰ Chutisapi’nle a suapinu, mi ginum lo Judah chunle a lungthim gil tak in ei zuan pua’n, a kilawm bep hawl ah ei bêl ahi, Lalpa‘n a tii.

JEREMIAH 3:10 ပူးပေါင်းရင်းမြစ်များ

2 KHANGTHU 34:33

Josiah chun, Israelte gam sung zosia ah kipat chun thil ki’dak um zosia chu a chomdok thiang suak ta’n; chuleh, Israel gam sung ah mi zosia chu, Lalpa a Pathian bep uh a ho sak tai. Ama dam sung sia chu, a pu leh pateu Lalpa Pathian chu a kiheisan ta puau hi.

SAM 18:44

Ei het phat uh leh ka thu a ngai un; gamdang mite chu ka kiang ah kitulut dingin a hung tau hi.

SAM 66:3

Pathian kiang ah chun, “La thil bawlte chu a lopi na e! La thilhitheina nasat ziakin, nangma hun do-te le la âng in, hung bokkhup ta’n au.

ISAI 10:6

Pathian ngaisak lo namte do dingin, amau chu ka sawl in; ka lungnatna mipite chung ah, gâl lâk ah la ding leh vachom ah vasuam gam ah, khawlai buanthuak gual ah, vachuan chil dingin thu ka pia tai.

ISAI 29:13

Lalpa‘n zia gual hin a gen a: “Zia mite hin kamthiam in ei nai un, mûk thiam in ei ja’bawl un, a lungthim uh vang a gamla ma ma hi; keima ei biaknau chule, mihing thupiak dangnâl thu ah zil thiamna mai mai ahi;

ISAI 31:6

Aw Israel mipite haw, nasa tak in ama a la do ta maleu chin, a kiang lam ah hung kile’kit mai tau in.

JEREMIAH 11:10

Ka thu mang lo a pu leh pateu nunsiatna lam ma ma khan a kile’kit tau a; pathian dangte na sep piak dingin a chia tau hi; a pu leh pateu kiang ah ka thuthung kha Israelte leh Judate’n a botsia zo tau hi.

JEREMIAH 12:2

Amau chu la phu ah zung kai a hiu a, a hung khanglian un, ga a hun suau a; a lungthim uh tawh kigamla ma lechin, a kam uh tawh kinaicha’n la um zing hi.

JEREMIAH 9:1

Aw, ka luchang hi tuinâk hi hen la, ka mitte hile tuinâk gual ah, mitthi tui in luang hen la, ka mipi thalup ah umte ziakin, a sûn a jan in kap mai leng ka ti ngei ei!

HOSEA 7:14

A lunggil tak un ei ko puau a, a lupna chung ua thûm mai mai a hiu; a bu leh uain â ding ah amau kisuliam ahi zawu hi; ka chung in a hel zing ui.

AMOS 4:9

Thinglung leh gial in ka hun gawt ah, la huanteu leh grep huanteu a hawm in ka umsak a, la theipi kungteu leh la Oliv thingteu khaubepi’n a ne zo tai; Chutisapi’nle ka kiang in la hung kile’kit puau hi, Lalpa‘n a tii.

MALAKI 2:11

Judah chu ginum lo tak in a la um ta’n, Israelte lak leh Jerusalem ah chun thil ki’dak um tak chu bawl ahi tai; Judah chun gamdangte pathian chanute a kichenpi ziak un, Lalpa‘n a ngainat, a mun thiangtho chu a la subuak tau ahi.