JEREMIAH 3:1 - PATHIAN LEKHABU THIANGTHO (BSI)

¹ Mi khat in a ji nol hen la, a ji chun a pawsal chu nusia in, pawsal dang khat tawh kicheng taleu, a pawsal masa chun a va kichenpi kit diam? Chutileh, gam chu nasa tak ah sukpolche hilo ding a hem? Nang vâng ngaijawng tam tak nei in, nawchizuak in la pang tai; aleh, kei lam ah la hung kit diam? Lalpa‘n a tii.

JEREMIAH 3:1 ပူးပေါင်းရင်းမြစ်များ

SAM 106:38

sia leh pha helote thisan, a chapa leh a chanuteu thisan ngei chu, Kanaante milim kiang in a piau a; zia gam chu thisan in a subuak tau hi.

ISAI 24:5

Lei chu a sung ah chêngte sukbuak in a um zo tai; amau chun dan a botsiau ah, chawn dan a zui puau ah, kumtuang thuthung a bawsiat tak ziak un.

JEREMIAH 2:20

Hun sawt tak ah kipat khan, la ngawngkol thiakbong in, la kolbu le la khen bong ah, “La na sêm ta pua’ng ka,” la ti hen. Ahi’n la, tâng sâng chung tin leh, thinglîm tincheng ah chun, nawchizuak in la kiphâ tai.

JEREMIAH 2:23

“Ka subuak pua’n, Baal le ka zui puai,” ti’thei ding la hem? Phâijawl ah la tat dan chu en inla, la thilbawl chu he ta’n; sangawngsau kitualtha la bang ah,

JEREMIAH 2:7

Gam pha tak ah a gate leh, a phatna chên dingin ka hun puilût la hiu, himaleh, la tun phat un, ka gam chu la supawlche tau a, ka gochan chu thil ki’dak um la sua tau hi.

JEREMIAH 22:20

Lebanon tâng ah kal to in kikodok unla, chuleh, Bashan ah chun la awu suau in; la gual ngaite a leng un suksiat ahi tâk ziak un, Abarim ah kipat chun kap jak tau in.

JEREMIAH 3:22

“Aw, chapa gin umlo te haw, hung kile’kit un, la ginumlo nau hun hi’dam piak ing ka”. “Ngai in, ka hun zuan ui, nang Lalpa chu ka Pathian uh la hi’ngal a”.

JEREMIAH 3:9

Zawntat thanhuaina chu bangma’n a ngai lo ziakin, gam chu a supolche zo ta’n, suangpi tin leh thing zosia chu a thânhuaipi zo tai.

JEREMIAH 31:22

Aw, chanu lungmawl, bang chan jawnvâk nalai ding la hem? Lei chung ah Lalpa‘n thil thak a siam tai: numei in pawsal a humbit zaw ta mai hi.

JEREMIAH 4:1

Lalpa‘n a gen a: Aw Israel, la hung kile’kit ah, keima lam ah la hung kit ua, la ki’dak umnau ka mu’na kipat la lîpthâk ua, la mawk vak tâk lo ua,

JEREMIAH 4:14

Hukdam la hitheina dingin, Aw Jerusalem, la lungthim ah nunsiatna zosia chu, silthiang in. La ngaituana phalo chu bang chan, la sung ah châmsak nalai ding la hem?

KÂ LATE 1:2

Jankhua’n a kap ngawi ngawi ah, a biang ah mitthitui luang kawm in; a gual ngaite lakah ama thamuan ding, khatle a um puai; a lên gualpi zosia’n a lepbawl tau in, a kilanpi’n a hung pang tau hi.

EZEKIEL 16:26

La Invêng Aigupta, mi hukte chu tawh thanghuai tak in la um tau ah, ka lungnatna supung dingin la thanghuaibe nalai hi,

EZEKIEL 16:30

Lalpa Pathian in, zachâtna châng helo nawchizuak gual ah, zia gual lawm lawm ah la um hi, la lunggul na lawm lawm e!

EZEKIEL 16:35

Ziaziakchun, aw mi thanghuai, Lalpa thugen hi ngai in:

EZEKIEL 33:11

A kiang un, Lalpa Pathian in kihaksial hial in, Migilo thi’na chun ka kipak puai; himaleh, migilote chun a umdan uh kiheisan uh hen la, hing leh dam in um leu ka ti ahi; hung kihei kit un, la umdan phaloteu nusia in hung kihei kit tau in; aw Israelte haw, bang ding ah thi mai ding la hiu em?

HOSEA 1:2

Hoshea mangcha’n Lalpa‘n thu a gen masak pen ah chun, Lalpa‘n Hoshea kiang in, “Chia inla, mi thanghuai suan ah mi, numei thanghuai ji’n vanei in; zia gam hin Lalpa chu kiheisan in huaisia tak in a thanhuai san ta’ngal in,” a ti ta’n.

HOSEA 2:2

La nuu hi gen piak unla, ama chu ka ji a hipuai ti hil un; keile a pawsal ka hita pua’n, a mai ah kipat in thanhuaina mêl haisan hen la, a ânglai nopna kipat in thanhuaina hi paitha ta hen;

MIKAH 2:10

Kipan inla, chia in; zia tak hi kichawlna ding mun a hipaw ngal a, buakna a dim tâk ziak un, siatna huaisia tak in, nang uh le hun susia ding a hiu.

ZEKARIAH 1:3

Ziaziakchun, a kiang un: Sepai honte Lalpa chun zia gual hin a gen hi: Sepai honte Lalpa‘n ka kiang lam ah hung kihei kit un, keile nang uh lam in hung kihei kit ing ka, sepai honte Lalpa‘n a tii.

MATTHAI 5:31

Kuale ji nol tapo chun kinolna lekha a kiang in pia hen, ti le a um a.

DAN LEKHABU 22:21

zia nungak chu a pa In kotkhak ah kipat in kaidok intiu in, khawpi sung ah pawsalte chun suang in a se’lup ding uh ahi; Israelte lak ah a pa Insung himualpho ah nawchi a la zok ziakin. Zia gual ah chun la lak ua thil phalo chu la hithiang jel ding uh ahi.

VAIHAWMTE 19:2

Himaleh, a thâikêmnu chu a pawsal chung ah lungna’n, a tai mang ah, Judah gam ah Beth-lehem khua a pa kiang in tha li hial a vaum tai.