JEREMIAH 28:4 - PATHIAN LEKHABU THIANGTHO (BSI)

⁴ Chuleh, Judai gam ah Jehoiakim chapa Lengpa Jekoniah chule, Judai gam ah kipat Babulon sal ah pui mang ah um zosia kha tawh hun pui kit ding ka hi, Babulon lengpa ngawngkol chu khetbot piak ding ka hiziak in, Lalpa‘n a tii, ti’n a gen a.

JEREMIAH 28:4 ပူးပေါင်းရင်းမြစ်များ

THILSIAM THU 27:40

La hinna ding chu la chemjam hi’ntin; la suapi na sep piak in la tin; chun, zia gual hi hi’ntin: la thok zaw lo phat leh, a ngawngkol chu la ngawng ah kipat in, khen bong ta’n la,” a ti tai.

2 LENGTE 24:14

Tichun, Jerusalem ah mi zosiate, lal chi zosiate, mihat minthang zosiate, mi themthiam leh thiksêkte haw tawh, a gam ah migenthei pen pente tilo sia, kuama hawi lo in, mi sîng khat chu sal in a pui mang tai.

ISAI 9:4

Midiante nuaisia ahi lai gual uh khan, a ngawngkol puakgik uh tawh, a liangko ah jawl kibât leh, a gawtte mol chu la khetbot piak ta’ngal a.

JEREMIAH 13:19

Negeb ah khawpite chu, a hong ding mi umlo in, a kikhak suak tau a; Judai gam ah mi zosia, a leng un sal ah pui mang hita’n au.

JEREMIAH 2:20

Hun sawt tak ah kipat khan, la ngawngkol thiakbong in, la kolbu le la khen bong ah, “La na sêm ta pua’ng ka,” la ti hen. Ahi’n la, tâng sâng chung tin leh, thinglîm tincheng ah chun, nawchizuak in la kiphâ tai.

JEREMIAH 22:10

Mithite chu kâ kiu inla, sûn diak kiu in; hung kile’kit ah a piannau gam mu kit talo ding ah, pui mang ah umte chu kâ zaw tau in.

JEREMIAH 22:24

Judai gam ah Jehoiakim chapa Koniah chu leng hi hen la, ka khut changlam ah ka min namna khutsebi hi hial ziang maleh, zia kipat chunle hun botdok tho tho ding ka hi, ti’n Lalpa‘n a hinna sâl in a kihaksial tai;

JEREMIAH 24:1

Lalpa tempul mai ah theichangga bawm pani kikoi chu Lalpa‘n ei etsak a. Zia hun chu Babulon Lengpa Nebukadrezar in Judai gam ah Lengpa Jehoiakim chapa, Lengpa Jekoniah chu Jerusalem khua kipat Judai gam vaihawmte tawh, mi khutthiamte, thiksêk thiamte tawh a leng ua Babulon lam ah sal ah a puimang zaw nung uh ahi’n.

JEREMIAH 24:5

Lalpa, Israelte Pathian in zia gual hin a gen hi: Zia theichang ga pha takte gual hin, Judai gam ah kipat Kaldaite gam ah saltâng ding ah ka sawlmangte chu pha tak in ngaitua ding ka hi.

JEREMIAH 27:8

Himaleh, Babulon Lengpa Nebukadnezar nasêm nuamlote leh, Babulon lengpa ngawngkol bât nuam lo chu, a khut ah ka sukmangthai zaw masang sia, zia nam chu chemjam, kial, natpi’n gawt ding ka hi, Lalpa‘n a tii.

JEREMIAH 28:10

Chun, jawlnei Hananiah chun, jawlnei Jeremiah ngawng ah ngawngkol chu a lâkpiak vakah, a khenbong ta’n.

JEREMIAH 28:2

Sepai honte Lalpa, Israelte Pathian chun zia gual hin a gen hi: Babulon lengpa ngawngkol chu ka khenbong tai.

JEREMIAH 29:1

Jawlnei Jeremiah in, Jerusalem khua kipat Nebukadnezar in Babulon lam ah sal ah a puite lak ah, a dam nalai sunte lak ah thiampute, jawlneite leh mipi zosiate kiang in, Jerusalem ah kipat in zia gual hin lekha a thot a.

JEREMIAH 29:2

Zia hun chu, Lengpa Jekoniah leh lengnu, a vaihawmna miliante, Judah leh Jerusalem ah miliante, mi khutthiamte tawh thîk sek mite zosia’n, Jerusalem a nutsia nung ua thil tung ahi.

JEREMIAH 30:8

Sepai honte Lalpa chun zia gual hin a gen a: Zia ni phat chuleh, a ngawng ah ngawngkol chu khetbot piak ing ka tin, a thîkkol bûte chule hitan piak ta’ng ka; tichun, mêlhet lo mite chun suak leh sal in man ta pua’n au.

THIAMPUTE LEKHABU 26:13

Keima hi Lalpa la Pathian uh, a suak ua um kit talo ding ah Aigupta gam ah kipat hun puidokpa chu ka hi: la ngawngkolteu hi’bong ah, jang tak ah hun chiasak pa chu ka hi.

NAHUM 1:13

Tu’hin, nangma ah kipat in a ngawngkol uh hi’bong ing ka tin, nang a hun kânna khauhualte chu, sat tan sik sek ing ka,” a tia.