JEREMIAH 28:11 - PATHIAN LEKHABU THIANGTHO (BSI)

¹¹ Chuleh, Hananiah chun mipi zosia het in, “Lalpa‘n zia gual hin a gen hi: Zia gual hin Babulon Lengpa Nebukadnezar ngawngkol, nam zosiate chung ah um chu, zia kum ni sung ngei ah hin subong ding ka hi, a tii,” ti’n a gen ah. Zia thu a gen zaw phat ah chun jawlnei Jeremiah in a nusia tai.

JEREMIAH 28:11 ပူးပေါင်းရင်းမြစ်များ

1 LENGTE 13:18

Ziaphatchun, pakhat zawk chun a kiang in, “Keile nang tawh bang tho ah jawlnei khat ka hi’n, vansawlchâk pakhat in Pathian thu’n ka kiang in: La kiang ah an ne, tui dawn dingin ama chu la In ah vapui kit in, ei ti ahi,” a tia. Himaleh, ama chun a lepbawlna a hi’n.

1 LENGTE 22:6

Ziaphatchun, Israelte lengpa chun jawlneite zosia a ko khawm ah, za li vel a hiu ah; a kiang un, “Ramoth-gilead ah galdo dingin kuan to ding ka hem, ahiloleh, kuan da mai ding ka hem?” ti’n a gen a. Amau chun, “Kuan to in; zia chu Lalpa‘n lengpa khut ah hun pia ding ahi,” a tiu a.

2 KHANGTHU 18:10

Khenana chapa Zedekiah chun thik sakî a kisiam ah, a kiang un, “Lalpa‘n zia gual hin a gen hi: Zia hi mang in Aram mite chu ahi masangsiau thatlum pek ding la hiu, ti’n a gen hi,” a tia.

THUPILTE 14:7

Mingol chu jamsan ziang in, ama ah kipat in hetna mube pua’n la.

JEREMIAH 14:14

Chuleh, Lalpa‘n ka kiang in, Jawlneite chun ka min in zuau a gen un; amau chu ka sawl pua’n, a kiang ua thu vagen dinginle ka guat puai. A lungthim ua a mithep nopna ziak un, bangma a mulopiu leh Pathian in a hiatsak hilote chu a gen zawu ahi.

JEREMIAH 23:17

Lalpa thu bangma ngailote kiang in, “Thil phalo bangma tuak pua’n lau,” a tipiak zing un; chuleh, amau ngaituana bep lochal tak ah zuite kiang ah chun, “La chung un siatna hung tung pua’n a,” a ti sek ui.

JEREMIAH 28:15

Jawlnei Jeremiah chun jawlnei Hananiah kiang in, “Ngai tia Hananiah, Lalpa‘n nang a hun sawl lo pi’n zia mipite hi zuau thu la ginchaksak a.

JEREMIAH 29:9

ka min ah la kiang ua a thu genteu chule zuau thu ngen a hisek hi; amau chu ka sawl puai, Lalpa‘n a tii.

EZEKIEL 13:7

Bangma ka gen lo inle, “Lalpa‘n a gen hi,” la tiu chu zuau thu bep mu’n, zuau thu bep gen hilo la hiu em?