JEREMIAH 28:1 - PATHIAN LEKHABU THIANGTHO (BSI)

¹ Chun, zia kum ma ma, Judai gam ah Lengpa Zedekiah vaihawm pat lim, a kum li’na a tha nga tin ni chun, Gibeon ah kipat Azzur chapa, jawlnei Hananiah chun, Lalpa In ah thiampute tawh mipi zosia hetna’n ka kiang in zia gual hin a hun gen a:

JEREMIAH 28:1 ပူးပေါင်းရင်းမြစ်များ

1 LENGTE 3:4

Lengpa chu Gibeon ah kithawi dingin a chia ah, zia tak chu thoimual lian ahi ngâl ah; zia tak ah mâichâm chung ah chun Solomon in hâlmang thillat sang khat a lân a.

2 LENGTE 24:18

Zedekiah chun vai a hawm pat kum ah chun, kum sawmni leh khat ah upa ahi tai; Jerusalem ah kum sawm leh khat sung vai a hawmah. A nu chu Libnah ah um, Jeremiah chanu Hamutal ahi.

2 KHANGTHU 36:11

Zedekiah chu kum sawmni leh khat ahi in vaihawm in a pang pan ah; Jerusalem khua chun kum sawm leh khat vai a hawm hi.

ISAI 9:15

a upateu leh a mi kumluiteu chu a luchang uh a hiu a; zuau thu zilsak a jawlneiteu chu a mei uh a hiu;

JEREMIAH 23:28

A manglam ah thil mu nei jawlnei chun a thil muu chu gen hen la, maleh, ka thu gen ding nei tapo chun ka thu chu ginum tak in gen mai uh hen. Bupawl tawh gehu bu’n kibatna bang a nei him him awm? Lalpa‘n a tii.

JEREMIAH 27:1

Judai gam ah Josiah chapa Zedekiah leng ahi lim lai in, zia thu hi Lalpa‘n a hun gen a:

JEREMIAH 27:12

Judai gam ah Lengpa Zedekiah kiang inle zia gual hin ka gen tai: Babulon lengpa ngawngkol bât unla, ama leh a mipite na chu sêm un la khawsau in.

JEREMIAH 27:3

Judai gam ah Lengpa Zedekiah umna Jerusalem khua gam palai hungte khut in, Edom lengpa, Moab lengpa, Ammon lengpa, Tura lengpa leh Sidon lengpa kiang in thu thot in.

JEREMIAH 28:11

Chuleh, Hananiah chun mipi zosia het in, “Lalpa‘n zia gual hin a gen hi: Zia gual hin Babulon Lengpa Nebukadnezar ngawngkol, nam zosiate chung ah um chu, zia kum ni sung ngei ah hin subong ding ka hi, a tii,” ti’n a gen ah. Zia thu a gen zaw phat ah chun jawlnei Jeremiah in a nusia tai.

JEREMIAH 28:17

Chutichun, zia kum ah a tha sagi’na chun, jawlnei Hananiah chu a thi tai.

JEREMIAH 28:5

Ziaphatchun, jawlnei Jeremiah chun, Lalpa In ah thiampute leh mipi zosia het in, jawlnei Hananiah kiang in zia gual hin a gen a.

JEREMIAH 29:15

Babulon gam ah hin Lalpa‘n ei uh â dingin jawlnei ei pia’i, la ti ziak un,

JEREMIAH 36:12

lengpa In ah a chia suk ah, lekha zikpa pindan in a lut ah; zia tak ah chun milian leh lal zosia chu a la kichukhawm un; lekha zikte Elishama, Shemaiah chapa Delaiah, Akhbor chapa Elnathan, Shaphan chapa Gemariah, Hananiah chapa Zedekiah leh a milian leh lal zosiau le a kim un.

JEREMIAH 37:13

Ama chu Benjaminte Kotpi a tun phatin huang sung ngak Hananiah tupa, Shelemiah chapa Irijah chun jawlnei Jeremiah chu a la man ah, a kiang in, “Nang hi Kaldaite lam ah zam mang ding la hi,” ti’n a la man ta mai a.

JEREMIAH 37:19

Babulon lengpa chu nang do ding leh, zia gam hi do dingin hung talojen in a, ti sek, la jawlneite chu khoi ah um zo a hitau em?

JEREMIAH 49:34

Judai gam ah Lengpa Zedekiah lal pat lim ah, Elam chungchâng in jawlnei Jeremiah kiang in,

JEREMIAH 51:59

Judai gam ah Lengpa Zedekiah, lal ahi kum li tin ah Babulon lam ah pui mang ahi lai ah a kitonpi, Seraiah, Neriah chapa, Mahseiah chapa kiang ah jawlnei Jeremiah in zia gual hin thu a pia; Seraiah chu lal In ah hotu lianpen ahi’n.

EZEKIEL 13:6

Zuau thil a muu in, zuau thu a gen un, Lalpa‘n a sawl lo pi’nle, “Lalpa‘n a gen in,” a tiu a; a thugen uh guitunna a la ngâk nalai un!

HOSEA 7:3

A gitlonau in lengpa a kipak sak un, a lepchianau in mi lopite a kipaksak ui.

JOSHUA 10:12

Lalpa‘n Israelte khut ah Amorte a piak ni chun Joshua’n Israelte mit mu in Lalpa kiang ah zia gual hin a gen a: “Nisa, Gibeon khaw chung zawn ah ding zing inla; Thapi, nang le Aijalon guam chung zawn in um zing in,” a ti’n.

JOSHUA 9:3

Himaleh, Gibeon khua chêngte’n, Joshua’n Jeriko khua leh Âi khua a bawldan a la het phat un,