JEREMIAH 27:5 - PATHIAN LEKHABU THIANGTHO (BSI)

⁵ Ka thilhitheina nasa tak leh, ka khutbân jak in lei tawh a sung ah mihing hileh, sa chitinte hi ka la siam a; piak ding ah kilawm ka sakte kiang ah chun ka piak mai ahi.

JEREMIAH 27:5 ပူးပေါင်းရင်းမြစ်များ

THILSIAM THU 1:25

Chutichun, Pathian in gamsa amau chi dungzui chiat leh, ganchate chu amau chi dungzui chiat un, lei ah bokvâk zosia le amau chi dungzui chiat un a siam ah. Pathian in zia chu a mu in pha a sai.

THILSIAM THU 9:6

Kuale mihing thisan suatu chu, mihing ma ma in ama thisanle hun sua in a; Pathian kibatpi ah mihing siam ahi ngal a.

1 LENGTE 8:42

la min lopi dan, la khut thahât dan leh la khut thâk daw dante hi hun he ngei ding ahi ngâl un; gam dang mi a hung ah, zia mun lam nga’ a hung pauchap phat leh,

EZRA 1:2

Persia gam ah Lengpa Kuras in zia gual hin a gen a: “Lalpa, van Pathian in khawvel lenggam zosia chu pia’n, Judai gam ah Jerusalem ah a In ding sa kit dingin thu ei pia’n.

NEHEMIAH 9:22

Chuleh, lenggam leh mipite le a khut un la pia, a kil a kawm tiang a lua ding un la pia’i. Tichun, Heshbon ah Sihon Lengpa gam leh Bashan ah Og Lengpa gam haw chule a lua tau hi.

SAM 102:25

Masanglai ah kipat khan leilung kingakna hi, la phûmsa a hita’n; vante khi la khutsuak ahi.

SAM 96:5

Namtinte pathian chu milimte po ahi’n, Lalpa‘n vang vante khi a siam hi.

PAWTDAWNA THU 20:11

Ni guk sung in Lalpa’n lei leh van, tuisuagiat leh a sung ah um zosia hi a siam zo ah, a ni sagi ni’n a la chawlsan tâk ziakin, Lalpa’n Sabbath ni chu maljawl in, a suthiangtho ta ahi.

PAWTDAWNA THU 6:6

Israel chate kiang ah chun: Kei Lalpa chu ka hi; Aiguptate puakgik nuai ah kipat leh a suak uh la channau ah kipat in hun hukdok ding ka hi; ka khutbân thahât ma ma chu hun thadok in, huaisia tak in amau hun gawt ing ka tin, hun hukdok ding ka hi.

ISAI 42:5

Lalpa Pathian, vante siam ah kaipalpa, lei jak pal ah a sung ah um zosia umsakpa, a chung ah chêng mipi zosia hinna pepa leh, a sung ah chia lumlet zosiate thagau pepa chu:

ISAI 44:24

Nang hun Tandokpa leh sûl ah kipat, hun guanggalpa Lalpa chun: Keima hi Lalpa, thil zosia siampa, vante kaimalpa chu keima hi ka hi’n, keima bep in lei hi ka jak pal ahi;

ISAI 45:12

Lei pumpi leh a sung ah mihingte hile ka siam ahi; keima khut ma ma’n vante khi ka jak pal a, a sung ah um zosia le ka thu um chiat a hiu.

ISAI 48:13

Ka khut hin lei kingakna suangphûm chu ka la lem in, ka khut changlam hin vante khi ka la kaimal tai; amau chu ka vak ko si’n leh, ja tak in a hung ding sek ui.

ISAI 51:13

Nangma hun Siampa Lalpa chu la hemil ta’n, ama’n vante kaimal in, lei pumpi kingaknate a lem hi. Hi’mangthai ziang ding ah um hita, a hun nuaisiate lungnatna chu lau in, sun nitum in la um ui. Mi nuaisiate lungnatna chu, khoilam tung zo a tam?

JEREMIAH 27:4

A puteu kiang chiat ah zia thu hi piaksak uh hen: Israelte Pathian, Sepai honte Lalpa‘n zia gual hin a gen hi: La puteu chiat kiang in zia thu hi la gen ding uh ahi, ti’n:

JEREMIAH 32:17

Katei, Lalpa Pathian! La thilhitheina nasa tak leh, la khutbân jak ah lei leh vante siampa chu nang la hi! Nang â dingin thil haksa talua a um puai.

JEREMIAH 51:15

A thilhitheina Lei siam ah, a pilna khawvel tungding ah, a lemhiatna vante kaimalpa chu ahi.

DANIAL 2:38

khawi ah chêng hitaleh mihingte, gamlak ah gamsa chi tinte leh chunglêng vachate zosia chung ah vaihawmtu hiding in lal in a hun koi a: a luchang sana chu nangma la hi.

DANIAL 4:14

Ama chu ngai tak ah kiko in: ‘Thing chu phûk inla, a bâkte chu heu in; a duate chu jut thiang inla, a gate chu thejak in. A dailîm ah gamsate leh, a bâk ah vachate chule jam mang tau hen.

DANIAL 4:17

Zia thu hi mi thiangthote thupukna dungzui ah, vêngtute thupuan chu ahi; tichun, Hatchungnung pen in, mihingte lenggam zosia chung in thu a nei hi; ama’n a nop tapote â dingin lenggam a pia, mi niampente chule a chung un a koi sek hi, ti hi mi zosia’n a hiattheina ding un,’ ti’n a hung kiko tai.

DANIAL 4:22

aw lengpa, zia thing chu nangma la hi! La hung khanglian ah, la hat ma ma tai. La lopina sukpun ah um in van a supha hial ta’n, la lalna’nle kawlkîmvêl tiang a huap tai.

DANIAL 4:25

Nangma chu mihingte lak ah kipat nawdaw in um in la tin, gamsate lak in hung chêng ta’n la. Chuleh, Hat Chungnung in mihingte lenggam chung in vai a hawm in, a nop nop kiang in lenggam a pesek hi, ti la hun hetdaw masang sia, hun sagi sung chu bawngchalte gual in hampa nêksak ah um in, van dâichîm in hun chapzing ta’n a.

DANIAL 5:18

Aw lengpa, Chungnung pen ah Pathian in, la pa Nebukadnezar kiang in lalna, thupi’na, minthanna leh ja’umna a la pia’i.

NASEPTE 14:15

“Suapite haw, bangatia zia gual ah chu la bawl guat ziang uh a hem? Kei uh le nangmau gual ah piang mihing ka hiu, zia tawhbang thil manlote hi la hun kihei san ua, Pathian hing kiang lam la hun ngat zawk theina ding ua a thu gen ah hung ka hi zawu hi; zia Pathian chu lei leh van siampa, tuisuagiat leh a sung ah um zosia siampa chu ahi.

NASEPTE 17:24

Zia Pathian chu khawvel Siampa leh a sung ah um zosia Siampa, lei leh van Lalpa, tempul khut ah kisate ah hin a chêng pua’n;

NASEPTE 17:26

Lei chung zosia ah um dingin suanpa pakhat ah kipat in namtin ah mite a siam ah, amau â dingin hun bîte a guat piak ah, a umnau gamgî le a khen piak a;

DAN LEKHABU 2:19

Ammonte gamgi la hung tun phat ua leh, amau chu hi’buai kiu inla, kidopi diak kiu in; Ammonte gam hi Lot suante â ding ah ka piaksa ahi tâk ziakin, a gam uh chu neuchale nang uh hun pelo ding ka hi,” a ti hen.

DAN LEKHABU 2:21

amau chu Anakte gual tho ah sâng leh lian tam tak a hiu ah. Ahi’n, Ammon mite’n a suandok ua, amau umna mun ah a chên den theina dingin Lalpa‘n a ma âng un a la hi’gam dik dek tai.

DAN LEKHABU 2:7

La thil bawlnau taphot in Lalpa‘n mal a hun jawl ma ma ah; zia gamthip lian tak la hawthen danteu le a he sik sek hi. Zia kum sawmli sung ving veng hi Lalpa la Pathian un a hun umpi zing ah, bangma tâksap le la nei puau,” ti in.

DAN LEKHABU 2:9

Lalpa‘n ka kiang in, “Moabte chu subuai kiu inla, kidopi ding inle chok tho kiu in; Ar gam hi Lot suante â ding ah ka piaksa ahi tâk ziakin, a gam uh chu neuchale nang uh hun pelo ding ka hi,” ti’n a gen tai.

DAN LEKHABU 32:8

Chungnung pen Pa’n namte gam a hawm piak lai in, mihingte a khenjak lai in, mi tin chu a pathian uh tam dungzui un, a gamgi ding uh a guat piak a;

DAN LEKHABU 4:17

lei ah tâ ganhing lim leh, beingawn ah leng tha nei vacha a hem,

DAN LEKHABU 4:25

Cha leh tûte la hun nei ua, zia gam ah hin la hung chêndet phat ua leh, milim siamkawm mai a hem, thil dang lim him him a hem la siam ua, Lalpa la Pathian uh ma-âng ah thil phalo bawl ah la kisubuak ua, la suklungnat phat ua leh;

DAN LEKHABU 4:32

Nangmau um masang, tu’ma lam pek ah, lei ah um ding, Pathian in mihing a siam masang lam pek kha vak ngaitua unla; van mong langkhat lam ah kipat a langkhat lam tawp tiang in ngaitua him him tiam un: zia gual ah thil lopi leh a kibatpi him him hi a um lam la he ngai him him awm?

DAN LEKHABU 4:35

Lalpa bep hi Pathian ahi’n, ama tilo ngâl a dang umlo ahi, ti la hiatsak theina ding un la kiang ua tâklat ahi.

DAN LEKHABU 5:16

Lalpa la Pathian thupiak dungzui un la nu leh pa ja un; tichun, Lalpa‘n a hun piakna gam ah hin lamzang in la tiu in, la dam kum uh le sawt in ah.

DAN LEKHABU 9:29

La thilhitheina lopi tak leh la ban jak ah la puidaw, la mite leh la gochante chu ahi ngâl un,” ka tia.

KOLOSSA 1:16

Ama ah chun thil bangkim, van ah umte, lei ah umte, mu theite, mu theilote, lalchutphate tawh, thuneinate le, bangkim ama â ding leh ama ziak ah siam ahi.

HEBRAITE 1:2

tu’hun nunung lam ah hin vang a Chapa in I kiang un thu a gen zaw tai; a Chapa chu bangkim golua dingin a têl ah, ama mang in Pathian in khawvel hi a la siam tai.

THUPUAN 4:11

“Aw ka Lalpau leh Pathian, lopinate choihoinate leh, thilhitheinate chu chang tâk him la hi; nang in bangkim la siam ah, la kipakna ding ah siam leh um him a hiu,” a tiu a.