JEREMIAH 26:2 - PATHIAN LEKHABU THIANGTHO (BSI)

² Lalpa‘n zia gual hin a hun gen a: Lalpa In huang sung ah dingin la, Lalpa In ah Pathian ho ding ah hung kuan, Judai gam sung ah khawpite zosia ah kipat hungkhawmte kiang in gen in; ka thu hun piak zosia chu a kiang un gen inla, thumal khat le la îm lo ding ahi.

JEREMIAH 26:2 ပူးပေါင်းရင်းမြစ်များ

JEREMIAH 1:17

Nang vang, la kawng gâk in kisa zo in tho inla; la kiang ah ka thupiak zosia kha a kiang un vagen in. Amau chu ki’cha kin la, achutiloleh, a ma-âng un hun sudawilok ding ka hi.

JEREMIAH 1:7

Himaleh, Lalpa‘n zia gual hin ei dawnhu a: “Ka naupang ta luai ti kin, ka hun sawlna taphot ah chia in la tin, la gen ding ah ka hun piak cha cha chu la gen mai ding ahi.

JEREMIAH 19:14

Chuleh, Lalpa‘n thu gen ding ah a sawlna mun Topheth ah kipat in, Jeremiah chu hung in, Lalpa In huang sung ah dingin, mipite kiang ah chun a gen ta’n:

JEREMIAH 23:28

A manglam ah thil mu nei jawlnei chun a thil muu chu gen hen la, maleh, ka thu gen ding nei tapo chun ka thu chu ginum tak in gen mai uh hen. Bupawl tawh gehu bu’n kibatna bang a nei him him awm? Lalpa‘n a tii.

JEREMIAH 25:2

zia thu chu jawlnei Jeremiah in Judai gam ah mipi zosia leh, Jerusalem khua chêng zosiate kiang in a gen a:

JEREMIAH 28:5

Ziaphatchun, jawlnei Jeremiah chun, Lalpa In ah thiampute leh mipi zosia het in, jawlnei Hananiah kiang in zia gual hin a gen a.

JEREMIAH 36:10

Ziaphatchun, mipi zosia het dingin, Lalpa In sung ah, lekha zikpa Shaphan chapa Gemariah pindan, Lalpa In lutna Kotpi Thak, huang chungnung ah chun, Barukh in Jeremiah thugen zosia, savun lekhabu zial ah kizikte chu a hun simdok tai.

JEREMIAH 42:4

Jawlnei Jeremiah chun, a kiang un, “A pha ngut hi, la dot dungzui un Lalpa la Pathian kiang un pauchap ing ka tin, banghitaleh, Lalpa‘n ei dawnhu gual gual in la kiang un hun hil ing ka; nanghaw kiang ah bangmacha îmgu pua’ng ka,” ti’n a dawnhu tai.

JEREMIAH 7:2

Lalpa In kotbul ah dingin la, zia thu hi vagen in: Judai gam ah mi zosiate leh, zia kotkhak ah lut ah Lalpa ho ah hung zosiate haw, Lalpa thugen hi a la ngai un:

JEREMIAH 7:27

Ziaziakchun, zia thu zosia hi a kiang ua la vagen ding ahi; himaleh, la thu gen chu ngaitha pua’n au. Ko in la tin, himaleh, hun dawnhu pua’n au.

EZEKIEL 3:10

Chuleh, ka kiang in: Mihing, la kiang ah ka thugen ding zosia hi la lunggil in vop inla, la bil inle he ta hen;

EZEKIEL 33:7

Chutichun, nang mihing, Israelte gâlvêngpa hidingin ka hun guat la hi tai; bangtik hun hileh ka thugen la het taphot, kei ah kipat hillawkna thu chu la gensawn sek ding ahi.

EZEKIEL 40:4

Mipa chun ka kiang in, “Mihing, pha tak in en in, gunchu tak in ngaitha’n la, ka hun etsak ding zosia hi la lungthim zosia la ngaitua ding ahi, ziate chu ka hun etsak theina ding ah zia lam ah hi ka hun pui tung la hi’ngal ah; la thil mu zosia chu Israel Inkuante kiang ah la gen daw ding ahi,” a ti’n.

MATTHAI 28:20

la kiang ua thu ka piak zosia hi jawm dingin zilsak un. Kumkhua’n, khawveltawp tiang in la kiang un um zing ding ka hi ti hezing un,” a tia.

LUKA 19:47

Tichun, tempul ah chun nisi’n in thu a hil sek a; himaleh, thiampu lalte, lekhazikte leh mipi lak ah a lawi upateu chun ama tha theina ding a hawl tau a;

JOHAN 18:20

Jesu’n a dawnhu a, “Khawvel kiang ah chun langchang tak in thu ka gen ah, sunagog In leh tempul ah Judate umna’n thu ka zilsak sek hi. A gûk in bangma ka gen ngai puai.

JOHAN 8:2

Jingkal matak in tempul ah a hung kit ah, mi zosia a kiang in a hung un; ama chu a kichu, thu a zilsak tai.

NASEPTE 20:20

himaleh, nangmau phatna ding ahi’phot leh bangma kipadam lo in, mipi lak inle thu ka gen tho ah, thu tam tak ka hun hiatsak ta’n, a In In ah le ka chuantha chiat ahi kha;

NASEPTE 20:27

la kiang un Pathian thiltup gen ka kipadâm pua kha.

NASEPTE 5:25

Chun, mi pakhat a hung lut ah a kiang un, “En tiam un, suangkul ah la khumteu kha tempul ah ding in mipite thu a hil ui,” a hung ti’n.

NASEPTE 5:42

Nisi’n leh tempul leh In tin ah Jesu chu Messiah ahi, ti thu a hil uh leh puanjak chu a chawl diak puau hi.

DAN LEKHABU 12:32

Ka thupiak zosia, a kip a kawi ah zui dingin chingthei un; bangma belap kiu inla, lâk khen le nei kiu in.

DAN LEKHABU 12:5

Lalpa la Pathian un la nam pumpiu lak ah kipat a chênna ding leh, a umna ding ah a têldawna pen mun chu hawldok un. Zia tak mun bep ah chun chia sek unla;

DAN LEKHABU 4:2

Lalpa la Pathian uh thupiak, ka hun hilte hi la zui theina ding un, thu ka hun piakte hi khatchale la belap un, la pai khen diak lo ding uh ahi.

JOSHUA 8:35

Mosi thupiak zosia chu Israel pungkhawm zosiate leh numei leh chapang neucha chate leh, gam dang mi a lak ua chêngdente ma-âng ah chun Joshua’n simdok lo him him a nei puai.

THUPUAN 22:19

Chuleh, kua’nle, zia thu genlawkna Lekhabu kizikte hi a lâk mang chun, zia lekhabu kizik, Hinna Lekhabu kipat leh khawpi thiangtho ah a chan ding chu Pathian in lamang in a.