JEREMIAH 26:16 - PATHIAN LEKHABU THIANGTHO (BSI)

¹⁶ Ziaphatchun, vaihawmte leh mipi zosiate chun, thiampute leh jawlneite kiang ah chun, “Zia pa hi a thi tâk lawm lawm ahi puai; Lalpa I Pathian uh min ah I kiang ua thu gen ahi ngal in,” a tiu a.

JEREMIAH 26:16 ပူးပေါင်းရင်းမြစ်များ

ESTHER 4:14

Zia tawhbang hun ah hi la thip hiat hiat ahi chun, Juda mite â ding ah panpi’na leh hukdawna khoilam a hem khat ah kipat in hung ngei intin; himaleh, nangma leh la pa Inkuante vang mangthai tho tho ding la hiu. Lengnu la hung pan hi zia gual hun â ding ziak hi himaw lo ding ei vei; zia chu kuan he ding a hem?” vati dingin a sawl kit tai.

SAM 94:16

Kua a hem ka thasâng ah mi nunsiate, do ding ah kipan ding? Kua a hem ka thasâng ah thil phalo bawlte, do ding ah ding ngam?

THUPILTE 16:7

Mipite umchan in Lalpa a hi’lungdam chun, a mêlmateu tawh a kichamsak thei hi.

JEREMIAH 26:11

Ziaphatchun, thiampute tawh jawlneite chun vaihawmte leh mipi zosiate kiang ah chun, “Zia mipa hi a thitâk ahi, ama’n zia khawpi siatna ding thu hi a gen, la nakhang ua la het chiat gual un,” a tiu a.

JEREMIAH 34:10

Chutichun, a leng un mi lian mi lal leh mipite zosia’n amau suakvul chiat uh numei hi’n, pawsal hitaleu, a thâdaw chiat theina ding ua kitiamna thuthung siam ah vapang zosia chun, zia thu chu a zui chiat tau ah; tichun, kuama suak ah a pan kit tâk lo’na ding un, thu chu mang in a leng un a thâdok suak tau hi.

JEREMIAH 36:19

Ziaphatchun, milian leh lalte chun Barukh kiang in, “Chia inla, Jeremiah tawh vakisêl mang un; chuleh, la kisêlnau chu kuama hiatsak kiu in,” a tiu a.

JEREMIAH 36:25

Elnathan, Delaiah leh Gemariah te hin lekhabu zial chu hâl tum lo dingin lengpa kiang ah chun don tun tun maleu, a ngaisak puai.

JEREMIAH 37:15

Milian leh lalte chu Jeremiah chung in a lungna ma mau ah, a vuau ah, lekha zikpa Jonathan In suangkul ah chun a khum tau ah; zia tak chu suangkul ding ah siam ahi him a.

MATTHAI 27:54

Sepai zahotu leh a kiang ah Jesu vêng ah umte chun, linlîng leh thil umdante chu a mu phât un a lau ma mau a: “Zia mi hi Pathian Chapa a la hi tak tak hi,” a tiu a.

LUKA 23:41

ei hi vang I chan ding him ahi’n, I thilhi man chu I mu ahi; ama hin vang bangma a hi’khial puai,” a tia.

LUKA 23:47

Sepai zahotu chun thil umdan chu a mu phât in, “Zia mi hi midik tak a la hi ngei hi,” ti’n, Pathian a chawihoi tai.

NASEPTE 23:29

A dan thu ziak ua a hêk uh ahi ti ka he ta’n; himaleh, ka dawp chian leh, ama hin thina ding leh kolbuna ding hial ah a hi’khial bangma ka mu puai.

NASEPTE 23:9

Nasa tak in a kiko veng vung tau ah, Pharisaite lak ah lekhazik khenkhatte chu langpan in, a hung dingdok ua: “Zia mi hi a mawna ka mu puau: Thagau a hem, vansawlchâk a hem in a kiang ah thu a la gen hi kha taleh, Pathian dodâl hi khai tiu,” a tiu ah, a nialkãl lam in a hung pang tau a.

NASEPTE 25:25

Himaleh, ama hin thina ding tiang hial in bangma a hi’khial ka mu puai. Ziaziakchun, ama ngei hin Lengpa Augastas kiang lam ah thu tutsawn a nop ziakin, ama hi zia lam ah chun sawl ka gaw zaw ta ahi.