JEREMIAH 25:9 - PATHIAN LEKHABU THIANGTHO (BSI)

⁹ mallam ah nam um zosiate chu ko ing ka tin; ka suak Babulon Lengpa Nebukadrezar natiang, zia gam leh a kim a kiang ah nam um zosiate do ding hin hun pui ding ka hi; tichun, a leng un susia gawp dim dem intin, tichun, mite tizat leh eulau hung hi’n, kumkhua’n chavai ta’n au, Lalpa‘n a tii.

JEREMIAH 25:9 ပူးပေါင်းရင်းမြစ်များ

2 LENGTE 24:2

Lalpa‘n a suak jawlneite mang ah thu a la gen gual khan, Judai gam susia dingin, Kaldai sepai pawl, Aramte sepai pawl, Moab sepai pawl, Ammon chate sepai pawl tawh ama bulu dingin Lalpa ngei chun a hun sawl a.

2 KHANGTHU 29:8

Ziaziakchun, Judai gam leh Jerusalem khua chung in Lalpa a lungna ta’n; tichun, tu’ni la mu gual un, mite tizat, maksak leh simmaw in a umsak ta’n ahi.

2 KHANGTHU 36:21

Jeremiah kam ah Lalpa‘n thu a gen: “Sabbath ni a la chan lo uh zosia tawh kigûn dingin, kum sawmsagi sung chu a gam a la kichawldam ding ahi,” a ti kha a guitun masia tichun a um den tau hi.

THUPILTE 21:1

Lengpa lungthim chu Lalpa khut in a um hen, luicha tui luang gual in a dawi dan dan in a hei kawi sek hi.

ISAI 10:5

E he, Assuria chu ka lungnatna moltum, a khut ah khetbûk chu, ka hachang thakna ahi.

ISAI 13:3

Keima ngei hin ka mithiangthote thu ka pia’n, ka sepai hangsante ka ko khawm in, ka doichuam kisathei takte chu, ka lungnatna phuba la dingin ka guat ta ahi.

ISAI 39:7

La chate lak ah khenkhat le pui mang in um intin uh; tichun, a til uh get in, Babulon lengpa In ah chun nasêm in au,” ti’n a gen a.

ISAI 44:28

Kuras chung thu in: “Ama chu belam gual ah ei chingpa ahi’n, ka thil guanggal zosia hun bawldok ding ahi,” ti’pa leh, Jerusalem chung thu ah: “Bawl thak ah um kit ding la hi,” ti leh, tempul chung thu ah: “La suangphûmte lep thak ah um kit ding ahi,” ti’pa chu ka hi, ti’n a gen tai.

JEREMIAH 1:14

Ziaphatchun, Lalpa‘n ka kiang in, “Gam pumpi chung ah siatna ding mallam ah kipat in hung kuan ding ahi.

JEREMIAH 1:15

Mallam ah nam zosia ko khawm ding ka hi Lalpa‘n a ti’n; tichun, hung khawm intiu in, Jerusalem kul kotkhak leh a pang ah kulbâng kîmvêl leh Judai gam ah khawpi zosia ah chun a lal chutphau hun lem in au.

JEREMIAH 10:22

Husa chu ngai tiam u! Judai gam ah khawpite hi’sia, si-alte chênna ding ah siam dingin, mallam gam ah kipat in husa lau um tak a hung hi, ei hun zuan hi, ngai un.

JEREMIAH 12:14

Lalpa‘n zia gual hin a gen hi: Ka mi Israelte’n a luana ding ua ka piak, go ah a lua ding uh gam chu a la khoikha, a kîm leh vêl ah nam gilo zosia chu, a gam ua kipat in suandok ing ka tin, a lak ua Judah Inkuan ah mite zosia chule ladok ding ka hi.

JEREMIAH 18:16

A gam uh tizat um tak leh, kumtuang ah mite cheksak khum in a siam tau hi. A haw kha tapo in a tizau a, a luchang uh a thin khum sek ui.

JEREMIAH 2:15

Sakeibakneite’n a ngîk un, ngai tak in a hâm khum tau hi. A gam uh a hisiat piak tau a, a khawpiteu chule suchim in, kuama a chêng ta puau hi.

JEREMIAH 20:4

Lalpa‘n zia gual hin a gen ta’ngal a: Nangma leh la gual leh pâite â ding ah tizat um in hun siam ing ka tin; tichun, amau la et zing lai in, a mêlmateu chemjam in amau chu thi’n au. Tichun, Judai gam pumpi hi Babulon lengpa khut in pia’ng ka tin, Babulon gam lam in sal ah pui intiu in, zia tak ah chun chemjam in hun that ta’n au.

JEREMIAH 24:9

Lei chung lenggam tin ah ka nawmangna gam ah mite â ding ah tizat um, min siat law dingin siam ing ka tin, khang kihilna ding leh, eulau ah hânsia lawkhum dingin pedok ding ka hi.

JEREMIAH 25:8

Ziaziakchun, sepai honte Lalpa chun zia gual hin a gen hi: Ka thu la ngai lo ziak un,

JEREMIAH 29:18

Chuleh, chemjamte, kialnate leh natpite hun delzui sak pek ing ka; tichun, ka nawmangna gam zosia ah chun, nam zosia leh lenggam zosiate tizat leh hânsiadongte etsakna, mi tizat, eulau leh musit hung hita’n au.

JEREMIAH 35:11

Himaleh, Babulon Lengpa Nebukadrezar a hung ah, gam pumpi a hung do lai khan, ‘Kaldai sepaite leh Aramte sepai haw ka lau man un, hung unla, Jerusalem ah chia hitiu,’ ka tiu a. Ziaziakchun, Jerusalem khua sung ah chêng thei bep ka hiu,” ti in.

JEREMIAH 36:2

Savun lekhabu zial la’n la, Josiah lal ah kipat tu’ni tiang ah, Israel leh Judah leh nam dang zosia kãl ah, la kiang ah ka thugen zosia kha zik lut tiam in.

JEREMIAH 36:29

Chuleh, Judai gam ah Lengpa Jehoiakim chungchâng thu zia gual hin gen in: Lalpa‘n zia gual hin a gen hi: Babulon lengpa hung intin, zia gam hi hisia’n, a sung ah mihing hileh, ganchate a leng un suchigap ding ahi ti ah lekhabu kizik chu hâltum ngam la hi maw?

JEREMIAH 4:7

La gam uh subuai ding leh, la khawpiteu kuama chêng talo ding ah, susia dim dem dingin, namtin hise ding sakeibaknei chu, nângbuk ah kipat in a hung pawtdok in, a umna’ kipat in a hung kipandok tai.

JEREMIAH 40:2

Sepai hotulian chun Jeremiah a pui ah, a kiang in: “Lalpa la Pathian un zia mun ah siatna hi a tunsak ahi;

JEREMIAH 43:10

a kiang un zia gual hin gen in: Sepai honte Lalpa, Israelte Pathian in zia gual hin a gen hi, ti’n la: Ka suakpa, Babulon Lengpa Nebukadrezar chu hun sawl ing ka tin, zia ka suangphute chung ah hin a lalchutpha daw dingin hun pui ing ka; chuleh, a lal puan In chu zia chung ah hin hun jaksak ding ka hi.

JEREMIAH 46:20

Aigupta chu bawnglâ, mêlpha tak gual ahi’n, mallam ah kipat in a ne ding, sialchip in a hun baw hi.

JEREMIAH 49:19

Jordan lui gâl nângbuk lak ah, sakeibaknei hung pawtdok in gantatna mun a hun zot gual in, Edomte chu phutlo halo in hun delmang ing ka tin; a chung ua vaihawm ding ah ka doitêl taphot hun guat ding ka hi. Kei tawhbang kua a hem um? Kua a hem ei ko ngam? Kua belampu a hem ei lang ngam um?

JEREMIAH 6:1

Aw nanghaw Benjamin chate haw, Jerusalem ah kipat taidok in, la bitna ding un jam tau in! Tekoa ah chun pengkul mût unla, Beth-hakkherem ah chun hetsakna tâkdok un; siatna huaisia tak leh susia ding tizat um, mallam ah kipat in a hung kuandok hi.

JEREMIAH 8:16

Dan ah kipat in a sakolteu nâk git chu, hetphâk ahi’n; a sakolchalteu hâm git ziakin, gam pumpi hi a kithing tai. A hung un, a gam leh a sung ah um zosia tawh, a khawpi leh a sung ah chêng zosia chu, a himangthai zo tau hi.

EZEKIEL 12:20

Mihing chênna khawpite chu suksiat ah um in, a gam pumpi le nutsia ah um ding ahi; chuleh, Keima hi Lalpa ka hi ti hun he ta’n lau, ti in.

EZEKIEL 16:40

Suang ah hun sep dingin mipi chokphûl intiu in, suang ah hun sep in, a chemjam un hun sât tel ta’n au.

EZEKIEL 21:11

Chemjam chu nawtval di’n piak ahi’n, khut ah tûk ding ahi; mi thattu matchâk dingin tât-hiam a hita’n; chemjam chu nawtval ahi tai.

EZEKIEL 26:7

Lalpa Pathian in zia gual hin a gen ngâl a: Tura do dingin mallam lal Nebukadnezar, leng zosia lak ah hat pen chu a sakol tawh, a sakol kângtalai tawh, a sakol sepai tawh, sepai hât tam tak tawh hun sawl ding ka hi.

EZEKIEL 36:5

Lalpa Pathian in zia gual hin a gen hi: A gam phatna la etlel ziak ua ka gam suam ah nei den, kipak ma ma leh Edomte zosia dem in ka thangthîpna meikuang hial in ka gen ahi.

DANIAL 5:18

Aw lengpa, Chungnung pen ah Pathian in, la pa Nebukadnezar kiang in lalna, thupi’na, minthanna leh ja’umna a la pia’i.

HABAKKUK 1:12

Aw Lalpa ka Pathian uh, ka Mithiangtho, malai pek ah, kipat kha um hilo la hem? Thi him him pua’n lau. Aw Lalpa, amau chu vaihawm ding ah, la teptêsa a hita’n; aw ka Suangpi, nangma’n amau chu, gawt dingin la namdet tai.

HABAKKUK 1:17

A lên ah awkte luak khawm zing in, lainatna bei ah namtin susia zing ahi em?

DAN LEKHABU 28:37

Tichun, Lalpa‘n a hun puimangna ding nam tin lak ah chun, mite’n a sia lam genna ding ah tizat um leh pauchangthiatna’n hun mang ta’n au.