JEREMIAH 25:8 - PATHIAN LEKHABU THIANGTHO (BSI)

⁸ Ziaziakchun, sepai honte Lalpa chun zia gual hin a gen hi: Ka thu la ngai lo ziak un,

JEREMIAH 25:8 ပူးပေါင်းရင်းမြစ်များ

2 KHANGTHU 24:19

Ahi’n la, Lalpa kiang lam ah amau haw pui kit dingin a jawlneite chu a sawl ah; a diklonau a vagen un; himaleh, a ngaisak diak puau hi.

ISAI 42:24

Jakob chu kua’n gâl hing ah mat ding ah pia’n, Israel chu suammangte khut ah kua’n a la piak a hem? A chung ah I la gitlonau, a lampi I zui tâk lo uh, a dan le I la zop tâk lo uh, Lalpa chu hilo a hem?

JEREMIAH 19:15

Sepai honte Lalpa, Israelte Pathian chun, zia gual hin a gen hi: A lung uh hikhau ah, ka thugen a ngai talo ziak un, zia khawpi leh a khawpel zosia chung ah siatna tung ding ah ka la genlatsa zosia kha, a chung un hun tunsak ding ka hi tai, a tii, ti in.

JEREMIAH 22:21

La vangphat lai ni’n la kiang in ka la gen ta’n, ahi’n, nang in, “Ngaitha pua’ng ka,” la ti’n. Zia chu la khangdawn lai ah kipat, la um dan him a la hita’n, ka thu la ngaithâk sek lo ziak ei vei.

JEREMIAH 25:7

Chutisapi’nle, lei ngaisak nuam puau ah; tichun, la khutsuak thilteu chun ei sulungna’n, nang uh â ding ah thil phalo la kibawldaw ta zaw sek ui, Lalpa‘n a tii.

JEREMIAH 25:9

mallam ah nam um zosiate chu ko ing ka tin; ka suak Babulon Lengpa Nebukadrezar natiang, zia gam leh a kim a kiang ah nam um zosiate do ding hin hun pui ding ka hi; tichun, a leng un susia gawp dim dem intin, tichun, mite tizat leh eulau hung hi’n, kumkhua’n chavai ta’n au, Lalpa‘n a tii.

JEREMIAH 29:19

Ka thu a ngaikhawk lo ziak uh ahi, Lalpa‘n a ti’n; ka suak jawlneite a kiang un chatlak lo ah ka thu vagen ding ah ka sawlte thu gen a ngai lo ziak uh ahi, Lalpa‘n a tii.

ZEKARIAH 1:4

Jawlnei masate’n, “Sepai honte Lalpa chun, ‘La umdan phalo leh, la thil phalo bawlteu chu hun kiheisan un, a tiu a; la pu la pateu in a limsak lo uh leh bangma a la ngaisak lo gual uh khan um kiu in, Lalpa‘n a tii.