JEREMIAH 25:3 - PATHIAN LEKHABU THIANGTHO (BSI)

³ Kum sawmni leh thum sung, Judai gam ah Amon chapa, Lengpa Josiah a lalna kum sawm leh thumna kipat tu’ni tiang hin, Lalpa‘n ka kiang ah thu a gen zing a; zia thu chu gunchu tak in la kiang un ka la gen ta’n; himaleh, nang un vang la ngaitha nuam puau hi.

JEREMIAH 25:3 ပူးပေါင်းရင်းမြစ်များ

THILSIAM THU 22:3

Abraham chu ma tak in a tho ah, a chuanna ding sabiltung siamtup in, a chapa Isak chu tawh a suakte tangval pani a pui ah, hâlmang thillatna ding thing a ek ah, a kipandok tau ah, Pathian in a hilna mun lam ah chun a chia tai.

1 LENGTE 22:3

Israelte lengpa chun a suakte kiang in, “Ramoth-gilead hi ei uh â ahi; himaleh, zia chu Aramte lengpa khut ah kipat lakdaw gaw lo hial ziang I hiu ti he lo la hiu em?” ti’n a gen a.

2 LENGTE 17:13

Lalpa chun, Israel leh Judah chung thu ah chun, jawlnei zosia leh thil mu lawk theite zosia chu mang in, “La umchan phaloteu chu kiheisan un la, la kiang ua ka hun sawl, ka suak jawlneite leh la pu la pateu kiang ah thu ka la piakte zosia dungzui in, ka dan siamte hi pha tak in hun zui tau in,” ti’n a hil zing tho hi.

2 KHANGTHU 24:19

Ahi’n la, Lalpa kiang lam ah amau haw pui kit dingin a jawlneite chu a sawl ah; a diklonau a vagen un; himaleh, a ngaisak diak puau hi.

2 KHANGTHU 34:1

Kum giat mi ahi in Josiah chun vai a hun hawm pan a; Jerusalem ah chun kum sawmthum leh khat sung vai a hawm hi.

2 KHANGTHU 34:3

Kum giat bep mi ahi ah, naupang cha ahi in vai a hawm pan ah, a pu David gual in a Pathian lung lam chu a hawl ah; a lal kum sawm leh ni’na chun Judai gam leh Jerusalem khua chun thoimualte, dawikhuamte leh milim kisiam haw chu a subei thiang zo tai.

2 KHANGTHU 34:8

A vaihawmna kum sawm leh giat tin kum ah chun, a gam sung leh Pathian In a suthiang zo ta’n; Azaliah chapa Shaphan tawh, khawpi awppa Maaseiah tawh, thil tepte ah pang sek Joash, Joahaz chapa chu Lalpa a Pathian In siampha dingin a sawl a.

2 KHANGTHU 36:15

A pu leh pateu Pathian Lalpa chun, a mipite leh a chênna gam a lainat tun tun ziakin, a kiang ua thugen dingte chu a hun sawl ham ham sek a;

SAM 81:13

Aw, ka mite hin ka thu ngai in, Israelte hin ka lampite a la hawleu chu aw!

PAWTDAWNA THU 8:20

Lalpa chun Mosi kiang in, “Jingkal ma tak in tho inla, lui ah Pharaoh hung ding chu a la ngâk inla, a kiang in, ‘Ka mite’n ei ho theina ding un pawtsak in Lalpa’n a tii;

ISAI 55:2

An ah ngansia thei lo chawkna’n, bang ding ah dangka mang zo ah, bang ding ah lungkimna ding bawn, tut zo lo ding ah sêmgim la hiu em? Ka thugen hi pha tak in a la ngai unla, an pha chu hung neu inla, an tui tak ne’n kihilim tau in.

JEREMIAH 1:2

Benjamin gam ah Anathoth khua thiampute lak ah Hilkiah chapa Jeremiah kiang in, Lalpa‘n thu a hun gen a.

JEREMIAH 11:7

Aigupta gam ah kipat ka puidaw lai ah kipat tu’ni tiang hin, a kiang un gunchu tak in, “Ka thu ngai un,” ti’n ka la hillawk zing a.

JEREMIAH 19:15

Sepai honte Lalpa, Israelte Pathian chun, zia gual hin a gen hi: A lung uh hikhau ah, ka thugen a ngai talo ziak un, zia khawpi leh a khawpel zosia chung ah siatna tung ding ah ka la genlatsa zosia kha, a chung un hun tunsak ding ka hi tai, a tii, ti in.

JEREMIAH 22:21

La vangphat lai ni’n la kiang in ka la gen ta’n, ahi’n, nang in, “Ngaitha pua’ng ka,” la ti’n. Zia chu la khangdawn lai ah kipat, la um dan him a la hita’n, ka thu la ngaithâk sek lo ziak ei vei.

JEREMIAH 25:4

Lalpa‘n a suak jawlnei zosiate kha gunchu tak in hun sawl zing maleh, la limsak nuam puau a, la nakhang uh le la daw nuam puau hi.

JEREMIAH 26:5

la kiang ua thu gen ding ah kin tak ah ka hun sawl, ka suak jawlneite thugen haw la ngai lo ua leh vang, a la ngaisak lo hi maleu chinle,

JEREMIAH 29:19

Ka thu a ngaikhawk lo ziak uh ahi, Lalpa‘n a ti’n; ka suak jawlneite a kiang un chatlak lo ah ka thu vagen ding ah ka sawlte thu gen a ngai lo ziak uh ahi, Lalpa‘n a tii.

JEREMIAH 32:33

A mai lam uh hilo in, a nung lam uh ei ngat zo tau a; gunchu tak in a la hil ta maleng, ngai nuam lo in, ka hilna a mang puau hi.

JEREMIAH 35:14

Rekab chapa Jonadab in a suan leh pâkte him him in uain dawn lo ding ti thu a la piak chu a la mang tau ah; a pu bul uh thupiak chu a mat ziak un, tu’ni tiang hinle kuama uain dawn a um nai puau hi. Keima’n gunchu tak in la kiang un thu ka gen zing ah; maleh, ka thu la ngai puau in;

JEREMIAH 35:15

ka suak jawlneite kha la kiang un gunchu tak ah zia gual ah hi thu hung gen dingin ka hun sawl ta’n: “Mi tin in la thilbawl uh phalo haisan in hung kihei kit unla, la thil bawlkhial uh bawl pha kit unla, la pu leh pateu leh nanghaw chênna ding ah ka la piakna gam sung ah hin, la chên zing theina ding un, pathian dangte lam ah kihei mangsan in a nau sêm kiu in,” ti in. Himaleh, ka thugen ngaisak lo in, ka thule la mang puau hi.

JEREMIAH 36:1

Judai gam ah Josiah chapa, Lengpa Jehoiakim lal kum li’na’n; Jeremiah kiang in Lalpa‘n zia gual hin a hun gen a:

JEREMIAH 36:2

Savun lekhabu zial la’n la, Josiah lal ah kipat tu’ni tiang ah, Israel leh Judah leh nam dang zosia kãl ah, la kiang ah ka thugen zosia kha zik lut tiam in.

JEREMIAH 44:4

A Chutisapi’nle, ka suakte, jawlneite chu gunchu tak ah, “Ka thil ki’dak ma ma, ka huat takte chu bawl lo dingin ka don la hiu!” ti gen dingin ka hun sawl ta’n.

JEREMIAH 7:13

Chuleh, tu’hin nanghaw’n le zia thil phalo zosia chu la bawl tau ah, la kiang ua thu gen tun tun malengle lei ngaisak puau ah, ka hun ko leh le lei dawnhu nuam diak puau hi, Lalpa‘n a tii;

JEREMIAH 7:25

Aigupta gam ah kipat la pu leh pateu ka la puidaw ah kipat tu’ni tiang hin, ka suak jawlneite zosia kha nisi’n in la kiang un ka hun sawl a;

EZEKIEL 33:4

a pengkul mût git he ngâl in, a la kisalo khat um taleh, mêlma’n hun sim in hun chom gam taleh, a maw chu amau in a kipuak ding uh ahi.

ZEKARIAH 1:4

Jawlnei masate’n, “Sepai honte Lalpa chun, ‘La umdan phalo leh, la thil phalo bawlteu chu hun kiheisan un, a tiu a; la pu la pateu in a limsak lo uh leh bangma a la ngaisak lo gual uh khan um kiu in, Lalpa‘n a tii.

MARKA 1:35

A jing ah jingkal, khawvak thian ma in a tho ah, munthip khat in a chia ah, a vapauchap tai.

JOHAN 8:2

Jingkal matak in tempul ah a hung kit ah, mi zosia a kiang in a hung un; ama chu a kichu, thu a zilsak tai.

JOHAN 8:47

Pathian ah kipat hungte chun Pathian thute a ngai sek ui. Nanghaw hi Pathian ah mi la hilo ziak un, a thute le ngailo la hiu hi,” a tia.

2 TIMOTHI 4:2

Thu chu gen in; a hun ah le, a hun lo ah le gunchu zingin; a thiamlo ziau hiatsak inla, zilgai inla, tilkhau inla, daw zo takin thu hil in.