JEREMIAH 25:1 - PATHIAN LEKHABU THIANGTHO (BSI)

¹ Judai gam ah Josiah chapa, Lengpa Jehoiakim a lal kum li’na chun, Jeremiah kiang in Judai gam ah mi zosia chung ah hung tung ding thu khat a hung tung a, (zia chu Babulon lengpa Nebukadrezar lal kum khatna ahi’n;)

JEREMIAH 25:1 ပူးပေါင်းရင်းမြစ်များ

2 KHANGTHU 36:4

Aigupta lengpa chun, Jehoahaz suapipa Eliakim chu Judai gam leh Jerusalem khua leng ah pang dingin a siam ah; chuleh, a min le Jehoiakim in a then piak hi; ahi’n, Neko chun a suapipa Jehoahaz chu sal in Aigupta gam lam in a pui mang tai.

2 KHANGTHU 36:6

Ama do dingin Babulon Lengpa Nebukadnezar a hung kuan ah, thikkol busak in Babulon lam in a pui mang tai.

JEREMIAH 1:3

Chuleh, Judai gam ah Lengpa Josiah chapa Jehoiakim lal hun sung leh, Judai gam ah Lengpa Josiah chapa Zedekiah lal kum sawm leh khatna, a tha nga’na Jerusalem salmat ah a pûk ni tiang ah khan a kiang in Lalpa‘n thu a hun gen nalai hi.

JEREMIAH 32:1

Judai gam ah lengpa Zedekiah a lal kum sawm a ti’n in, zia chu Nebukadrezar lal kum sawm leh giat tin kum ah chun, Jeremiah kiang ah Lalpa‘n thu a hun gen a:

JEREMIAH 35:1

Judai gam ah Josiah chapa Jehoiakim leng ah a pan lai in, Jeremiah kiang in Lalpa‘n zia gual hin thu a hun gen a:

JEREMIAH 36:1

Judai gam ah Josiah chapa, Lengpa Jehoiakim lal kum li’na’n; Jeremiah kiang in Lalpa‘n zia gual hin a hun gen a:

JEREMIAH 45:1

Judai gam ah Lengpa Josiah chapa, Jehoiakim a lal kum li’na chun, Jeremiah gen dungzui ah zia thute hi lekhabu zial ah a zik lai ah, Neriah chapa Barukh kiang ah jawlnei Jeremiah thugen chu:

JEREMIAH 46:2

Aigupta chungchâng, Josiah chapa Lengpa Jehoiakim, Judai gam ah a lal kum li na’n, Euphrates lui pang ah Karkhemish khua Babulon Lengpa Nebukadrezar in, Aigupta Lengpa Pharaoh Neko sepaite a zaw’na chungchâng ah a thugen chu:

JEREMIAH 7:1

Jeremiah kiang in, Lalpa‘n zia gual hin thu a hun gen a:

DANIAL 1:1

Judai gam ah Lengpa Jehoiakim a lal kum thumna chun, Babulon Lengpa Nebukadnezar in Jerusalem a hung sim a.

DANIAL 1:2

Lalpa chun Judai gam ah Lengpa Jehoiakim chu a khut in a pia, chuleh, Pathian In ah ûm leh bêl khenkhat a lâk piak chule a phal a. Zia go thilte chu Shinar gam in a paw tung ah, ûm leh bêlte chu a pathian In ah go thil koi khawmna chun a koi tai.

DANIAL 2:1

Nebukadnezar lal kum ni’na chun, Nebukadnezar in mang a nei ah, a lungkham ziakin a ipmu thei ta pua’n.