JEREMIAH 24:8 - PATHIAN LEKHABU THIANGTHO (BSI)

⁸ Himaleh, Judai gam ah Lengpa Zedekiah tawh a siamângte zosia tawh, Jerusalem ah um nalai sunte leh, zia gam ah um te tawh Aigupta gam ah um nalaite chu theichang ga phalo, nêk tâk lo khop ah sia gual hin, bawl ding ka hi, Lalpa‘n a tii.

JEREMIAH 24:8 ပူးပေါင်းရင်းမြစ်များ

1 KHANGTHU 3:15

Josiah chapate chu: a upa pen Johanan, a pani’na chu Jehoiakim, a pathumna chu Zedekiah, a pali’na chu Shallum a hiu.

JEREMIAH 13:7

Ziaphatchun, Euphrates luipi’n ka vachia ah, ka dialchên sêlgûk kha puaidok in, ka vala kit ta’n. Ahi’n, tu’hin zia dialchên chu a la ngot ta’n, a mat tâk ta puai.

JEREMIAH 21:10

A phatna ding uh hilo, a siatna lam ngen un, zia khawpi chung ah hin ka mit ka têt mai ahi tai, Lalpa‘n a tii. Babulon lengpa khut ah piak hita’n tin, ama’n mei in hâl tum ta’n a.

JEREMIAH 24:2

Bawm khat ah chun theichang ga pha tak, a ga masa min gual ngen a um ah; ahi’n, bawm khat zawk ah chun theichang ga phalo tak, nêk tâk lo ngen a kikoi a.

JEREMIAH 24:5

Lalpa, Israelte Pathian in zia gual hin a gen hi: Zia theichang ga pha takte gual hin, Judai gam ah kipat Kaldaite gam ah saltâng ding ah ka sawlmangte chu pha tak in ngaitua ding ka hi.

JEREMIAH 37:10

Nanghaw hung do Kaldai sepaite zosia chu zo in, puanbûk ngak a liamte bep chu um maleule, hung kipan kit in zia khawpi hi hun hâl tum zo tho tho ding a hiu ti’n gen un, a ti tai.

JEREMIAH 37:17

Ziaphatchun, Lengpa Zedekiah in a ko ah, pha tak in a la lop a. Lengpa chun a In sung ah a guk in a kiholimpi ah, a kiang in, Lalpa‘n bang a gen mawng mawng em ti’n a dong a. Jeremiah in, Lalpa‘n thu a gen hi! Nangma hi Babulon lengpa khut ah piakdaw hiding la hi, ti’n a dawnhu a.

JEREMIAH 43:1

Lalpa a Pathian un, a kiang ua gen ding ah a sawlna dungzui ah, Lalpa a Pathian uh thute chu Jeremiah in mipite kiang ah a gen zaw phatin,

JEREMIAH 44:1

Aigupta gam ah Judah mite, Mizpah khua, Tahpanhes khua, Memphis khua leh Pathros gam ah chêng zosiate â ding ah Jeremiah kiang ah thu hung tung chu,