JEREMIAH 24:7 - PATHIAN LEKHABU THIANGTHO (BSI)

⁷ Chun, keima hi Lalpa ka hi ti ei hiattheina ding un lungthim khat pia’ng ka; a lungthim zosiau ah ka kiang lam ah hung kile’kit ta ding a hiziak un, amau chu ka mipite hita’n tiu in, keile a Pathian uh hita’ng ka.

JEREMIAH 24:7 ပူးပေါင်းရင်းမြစ်များ

2 KHANGTHU 6:38

a saltânnau gam ah a lungthim leh a ngaituana zosiau ah kisik ah, a pu leh pateu kiangah la piakna gam leh, nangma’n la têlchuam zia khawpi leh la min ah ka In sak lam hun nga’ a hung pauchap phat ua leh,

SAM 119:2

A thu hetsak vopdet ah, a lungthim zosiau ah hawlte chu, mi vangpha a hiu;

ISAI 51:16

Ka thute chu la kam ah ka koi ta’n; chuleh, ka khut lîm ah chun ka hun sêlgu tai. Vante khi ka kaipal ah, khawvel kingaknate hi ka lem in, chuleh, Zion kiang in, “Ka mipite la hiu,” ka ti tai.

JEREMIAH 11:4

zia chu la pu leh pateu Aigupta gam ah, thîk hâltuina thukkhûk ah kipat ka puidaw lai ah, a kiang ua, ka thugen ngai unla, ka thupiak zosia hi la zui ding uh ahi. A chutileh, ka mite hin la tiu in, keile la Pathian uh hi’ng ka tin;

JEREMIAH 29:10

Lalpa‘n zia gual hin a gen hi: Babulon â ding ah huntiam kum sawmsagi a bei phat leh, hung kantha bep ing ka tin; zia phat chuleh, la kiang ua ka thutiam guitunsak in, zia mun ah hin hun pui tung kit ing ka.

JEREMIAH 3:10

Chutisapi’nle a suapinu, mi ginum lo Judah chunle a lungthim gil tak in ei zuan pua’n, a kilawm bep hawl ah ei bêl ahi, Lalpa‘n a tii.

JEREMIAH 30:22

Tichun, ka mite hita’n la tiu in, keile la Pathian uh hita’ng ka.

JEREMIAH 7:23

Himaleh, zia hi ka thupiak chu ahi: Ka thu ngai un, tichun, la Pathian uh hi’ng ka tin, nang uh chule ka mite hi’n lau; chuleh, nang uh â ding ah thilpha a hitheina dingin ka thupiak gual bep in um un, ti in.

EZEKIEL 11:17

Ziaziakchun, a kiang un: Lalpa Pathian in zia gual hin a gen hi, ti’n gen in: “Namtin lak ah kipat in hun pui khawm kit ing ka tin, la kithejaknau gam tin ah kipat hun pui khawm in, Israelte gam hi la kiang un pia kit ding ka hi.

EZEKIEL 14:11

tichun, Israel Inkuante’n ei jamsan lo ah, a thil bawlkhialnau lampi zui ah a kisubuak kit tâklo’na ding un. Ziaphat chuleh, ka mite hita’n tiu in, keile amau Pathian hita’ng ka, Lalpa Pathian in a ti ahi.

EZEKIEL 16:62

Nang tawh I kikâl ah thuthung phu det ta’ng ka tin; chuleh, keima hi Lalpa ka hi ti he ta’n la tin,

EZEKIEL 37:23

A milimteu leh a thil ki’dak bawlteu; chuleh, thil phalo him him in, amau leh amau kisubuak kit ta pua’n au. A nungtolnau zosia ah kipat hukdok ing ka tin, hi’thiangtho ta’ng ka. Ziaphat chuleh, ka mite hita’n tiu in, Keima le a Pathian uh hita’ng ka.

EZEKIEL 37:27

A lak un chêngden ing ka tin; chuleh, a Pathian uh hita’ng ka tin, amau chu ka mite hita’n au.

EZEKIEL 39:22

Zia kipat chun, Israel Inkuante zosia’n Lalpa a Pathian uh ka hi’dan hun hechiat ta’n au.

HOSEA 2:22

lei in bu te, uain te leh sathau te hun dawnhu intin; amau in Jezreel hun dawnhu ta’n au;

ZEKARIAH 13:9

Chuleh, a mun thumnate chu mei lak ah sep lut ing ka tin, dangka thik hâl thiantho gual in hâl thiangtho ta’ng ka. Ka min hun lam ta’n tiu in, ke’nle dawnhu ta’ng ka. “Amau chu ka mite a hiu,” ti’ng ka tin; amau inle, “Lalpa chu ka Pathian uh ahi,” ti ta’n au.

ZEKARIAH 8:8

Jerusalem ah chêng dingin hun pui khawm ing ka. Ginumna leh dikna ziakin amau chu ka mite hita’n tin uh, keima le a Pathian uh hi ta’ng ka.

ROMTE 6:17

Himaleh, Pathian kiang in kipak thu um ta hen, nang uh gitlo suak ah a la um lai chu, la kiang ua thugin hung kigen chu la la zop tâk ziak un,

HEBRAITE 11:16

Himaleh, gam phazaw a thangai un, zia chu van-gam ahi. Ziaziakchun, Pathian in a Pathian uh kiti ding chu a zakcha puai; amau â ding ah khawpi khat a siam piak tak ziakin.

HEBRAITE 8:10

‘Zia nite zaw chuleh, Israel Insung mite tawh kikâl ah ka thuthun ding chu, zia hi hi’n a,’ Lalpa‘n a ti’n: ‘A lungthim un ka dan chu koi ing ka tin, a lung sung un zik ing ka; chuleh, a Pathian uh hi’ng ka tin, amau chu ka mite hita’n au.

1 SAMUEL 7:3

Ziaphatchun, Samuel in mipite zosia kiang in, “La lunggil tak ua Lalpa lam ah kihei kit gua la hiu chun, la lak ua pathian dang zosia tawh Astarte kha paidok un. La lunggil tak un Lalpa lam ah kihei unla, ama na bep sêm un; chutileh, Philistinte thunuai ah kipat hin hun hukdok ding ahi,” ti’n a gen tai.