JEREMIAH 24:6 - PATHIAN LEKHABU THIANGTHO (BSI)

⁶ Amau chu a phatna ding un entha zing ing ka tin; chuleh, zia gam ah hin hun puitung kit ding ka hi. Tungding kit ing ka tin, suchim kit talo ding ka hi; phu’det ing ka tin, botdok ta pua’ng ka.

JEREMIAH 24:6 ပူးပေါင်းရင်းမြစ်များ

THILSIAM THU 44:21

Ziaphatchun, la suakte kiang ah hin, ‘Ama chu ka mit ah ka mutheina dingin ka kiang ah hun pui suk un,’ la ti’n.

2 KHANGTHU 16:9

Ama ah lungthim dik tak nga zosiate hihat dingin, Lalpa mit chun khawvel pumpi a mu suak hi. Ngolhuai tak in zia gual hin la bawl ta mai hi; tu’kipat hin gâl do pan ta ding la hi,” ti’n a vagen a.

NEHEMIAH 5:19

Aw ka Pathian, zia mite â ding ah ka thilbawl hi ka phatna dingin hezing in, ti’n ka hun ni hi.

SAM 34:15

Lalpa mit chun midikte a en sek in, a kiko thawm uh he ding in a bil le a daw sek hi.

SAM 44:2

la khut in nam dangte la deldok a, amau la phu ta’n; namdangte la hi’genthei ah, amau vang la maljawl hi:

ISAI 14:1

Himaleh, Lalpa chun Jakob hun lainat kit intin, Israel chu hun têl kit ta’n a; chuleh, a gam uh tungding kit in a. Chuleh, gam dang mite tawh kizop ta’n tiu in, Jakob Inkuan lak ah hung pang ta’n au.

ISAI 60:21

La mite chule a leng un, midik ngen hita’n tiu in, kumtuang in gam chu luaden ta’n au. Ka lopina ding ah ka thingphu sel leh, keima khutsuak ma ma chu ahi ngal un.

JEREMIAH 1:10

En in, tu’ni hin nam tinte leh, lenggam tinte chung ah thuneina ka hun pia ta’n: botdok ding leh kaichim ding, susia ding leh paitha ding, sathak ding leh phu’kit dingin,” ti in.

JEREMIAH 12:15

Ka lâkdaw zaw phat leh, amau chu lainat kit ta’ng ka tin, a gochannau leh a gam ma mau ah a leng un pui tung kit ding ka hi.

JEREMIAH 16:15

mallam ah kipat leh gam tin ah thejakna kipat Israel mipite hun pui khawm kitpa Lalpa chu a hinnâk leh ti’na hun hung tung ding a hi. A pu leh pateu kiang ah piak ka la tiamna, a gam ua chun hun pui tung kit ding ka hi’ngal a, Lalpa‘n a tii.

JEREMIAH 21:10

A phatna ding uh hilo, a siatna lam ngen un, zia khawpi chung ah hin ka mit ka têt mai ahi tai, Lalpa‘n a tii. Babulon lengpa khut ah piak hita’n tin, ama’n mei in hâl tum ta’n a.

JEREMIAH 23:3

Ziaphat chuleh, ka gan-gual um sunte chu, ka nawjakna gam tin ah kipat in keima’n hawl khawm kit ing ka tin, a huang sung un hawl lut kit ing ka; tichun, hung pung in hung tam ma ma kit ta’n au.

JEREMIAH 29:10

Lalpa‘n zia gual hin a gen hi: Babulon â ding ah huntiam kum sawmsagi a bei phat leh, hung kantha bep ing ka tin; zia phat chuleh, la kiang ua ka thutiam guitunsak in, zia mun ah hin hun pui tung kit ing ka.

JEREMIAH 31:28

Amau botdok ding, susia ding, paimang ding leh sugenthei ding leh a chung ua siatna tunsak ding ah ka la ensui zing gual ah khan, tungding kit ding leh phudet kit dingin ensui zing ding ka hi, Lalpa‘n a tii.

JEREMIAH 31:4

Aw, nungak thiangtho Israel, hun tungding kit ing ka tin, tundin kit hung hita’n la! Tichun, la khuang neute chu pan inla, kipakna siam ah lâmte lak ah pang dingin kipandok in.

JEREMIAH 32:37

En in, ka lungnatna leh ka hachangthakna, ka lung awi lo bêk ziak ah amau ka la nawdawna gam zosia ah kipat in hun pui khawm kit ing ka tin, zia mun hi hun tut kit in, bit tak in hun chênsak kit ding ka hi.

JEREMIAH 32:41

Amau â ding ah thilpha bawl chu ka lung lam hita’n a; tichun, zia gam ah hin ka lungthim leh ngaituana zosia tawh, ginumna’n phudet ta’ng ka.

JEREMIAH 33:7

Judah vangphatna leh, Israel vangphatna chu tung ding kit ing ka tin, a dinmun masa gual un umsak kit ing ka.

JEREMIAH 33:9

Chun, zia khawpi chêngte â ding ah thilpha ka hi’piak zosia hun he dingte ma-âng ah chun, zia khawpi hi kei â ding ah kipakna leh choihoina leh lopina hung hita’n a; zia khawpi â ding ah thilpha leh vangphatna ka piak ziakin, lau in kithing ta’n au.

JEREMIAH 39:12

“Pui inla, pha tak in enkol inla, a chung ah bangma a phalo bawl kin; ama’n a hun dot gual gual in bawl piak ziang in,” ti in.

JEREMIAH 42:10

Zia gam ah hi la um den hiat hiat ua leh, hun tungding ing ka tin, hun suchim lo ding ka hi; hun phu ing ka tin, hun botdok lo ding ka hi; la chung ua thil phalo ka hun tunsakte haw hi, ka kisik kit ta’ngal a.

EZEKIEL 36:24

Namtin lak ah kipat leh gamtin ah kipat hun pui khawm in, nangmau gam ma ma ah hun pui lût ta’ng ka.

AMOS 9:14

Ka mi Israelte neinungna tungding kit ing ka tin, amau in khawpi chimsate chu siampha kit in lua in au. Grep phut intiu in, grep ga tuite chu dawn ta’n au; huante bawl intiu in, a ga ne ta’n au.

DAN LEKHABU 11:12

Lalpa la Pathian un a ngaisakna gam ahi. Lalpa la Pathian un kum bul ah kipat kum tawp tiang in, a mit ah a etthâk zingna gam chu ahi.

1 PETER 3:12

Lalpa mit chu midikte chung in a chu sek in, a nakhang le a pauchapna lam un a daw sek hi; ahi’n la, Lalpa mêl chu thil hi’khialte chu, a do sek hi,” ti ahi ngal a.