JEREMIAH 24:5 - PATHIAN LEKHABU THIANGTHO (BSI)

⁵ Lalpa, Israelte Pathian in zia gual hin a gen hi: Zia theichang ga pha takte gual hin, Judai gam ah kipat Kaldaite gam ah saltâng ding ah ka sawlmangte chu pha tak in ngaitua ding ka hi.

JEREMIAH 24:5 ပူးပေါင်းရင်းမြစ်များ

SAM 119:67

Hi’genthei ah ka um ma khan ka la vâkmang sek ah, tu’hin vang la thu ka zawm tai.

SAM 119:71

La thu guatte chu ka ziltheina dingin, hi’genthei ah ka um hi kei â dingin a phai.

JEREMIAH 24:4

Ziaphatchun, Lalpa‘n ka kiang in thu a hun gen a:

JEREMIAH 29:11

Nang uh â ding ah ka thil guanggal chu ka hechian ma ma ngal a; zia chu tu’nung ah la siatna ding uh hilo in, la phatna ding uh, a tung nai lo ah kinepna ahi, Lalpa‘n a tii.

JEREMIAH 29:20

Tu’hin vang, nanghaw Jerusalem ah kipat Babulon ah saltâng ding ah ka sawlmangte haw, Lalpa thugen hi a la ngai tau in:

JEREMIAH 29:4

Sepai honte Lalpa, Israelte Pathian chun, Jerusalem ah kipat Babulon sal ah ka hun tân sakte zosia kiang in zia gual hin gen in:

EZEKIEL 11:17

Ziaziakchun, a kiang un: Lalpa Pathian in zia gual hin a gen hi, ti’n gen in: “Namtin lak ah kipat in hun pui khawm kit ing ka tin, la kithejaknau gam tin ah kipat hun pui khawm in, Israelte gam hi la kiang un pia kit ding ka hi.

EZEKIEL 11:20

tichun, ka dan thuguatte leh ka thuthungte chu zui in mang ta’n au. Ziaphat chuleh, ka mite hita’n tiu in, keile a Pathian uh hita’ng ka.

THIAMPUTE LEKHABU 26:44

Zia gual ah chun bawl in, a gâlteu gam ah vaum ziang maleu, amau chu paimang theng ziang pua’ng ka tin; amau tawh ka thuthung botsia ding leh amau hi’mangthai ziang dingin muda diak pua’ng ka: Keima hi Lalpa a Pathian uh ka hi’ngâl a.

NAHUM 1:7

Lalpa chu a pha’n, lungdon ni ah kul det ahi; ama bêlte chu a hukhing sek hi.

ZEKARIAH 13:9

Chuleh, a mun thumnate chu mei lak ah sep lut ing ka tin, dangka thik hâl thiantho gual in hâl thiangtho ta’ng ka. Ka min hun lam ta’n tiu in, ke’nle dawnhu ta’ng ka. “Amau chu ka mite a hiu,” ti’ng ka tin; amau inle, “Lalpa chu ka Pathian uh ahi,” ti ta’n au.

MATTHAI 25:12

Himaleh, ama chun, titakzet in ka hil la hiu, nanghaw ka hun he’kha puai, a la ti san tai.

JOHAN 10:27

Ka belamte chun ka aw a hiau hi. Ke’n le amau chu ka hia’n, amau chun ei zui sek ui.

ROMTE 8:28

Pathian in a guat dungzui ah a kote, ama hepite â ding ah chun a phatna ding un thil bangkim a bawl piak sek hi ti I he ngal un.

1 KORINTH 8:3

Min Pathian a hepi chun ama ngei chu het in a um zaw ahi.

GALATIA 4:9

Tu’hin, Pathian la hun het ua, Pathian mi het la hung hi’nung un, ti ding ahi zaw’n, thubul jawngkhal leh manlo suak ah um kit nopna lam ah bangatia kihei kit la hiu em?

DAN LEKHABU 8:16

la pu leh pateu in a het ngailo uh Manna’n a hun vâkvâ a; tichun, tu’nung ah la hung phat theina ding leh la kingainiam theina ding un, haksatna hun tuaksak in, a hun patep la hiu kha.

2 TIMOTHI 2:19

Himaleh, Pathian suangphûm det tak chu a ding zing ah, zia tepte’na hi a nei hi: “Lalpa‘n ama â te chu a hia’i,” ti leh, “Lalpa min lam tapo in gitlona kiheisan hen,” ti hi.

THUPUAN 3:19

Ka lungsiatte chu ka gai sek ah, ka thunun sek hi; ziaziakchun, phatchuamngai inla, la lung hun hei ta’n.