JEREMIAH 24:2 - PATHIAN LEKHABU THIANGTHO (BSI)

² Bawm khat ah chun theichang ga pha tak, a ga masa min gual ngen a um ah; ahi’n, bawm khat zawk ah chun theichang ga phalo tak, nêk tâk lo ngen a kikoi a.

JEREMIAH 24:2 ပူးပေါင်းရင်းမြစ်များ

ISAI 5:4

Ka grep huan â ding ah ka la bawl lo, ka bawlbe ding bang a um nalai em? Grep ga pha tak hung ga ding ah ka kineppi siat tawh, a lêm ngen a ga ta mai hi!

ISAI 5:7

Sepai honte Lalpa grep huan chu, Israel Inkuante a hiu a; doichuam tak ah a phute chu, Judah mite chu a hiu; a lak un vaihawmna dik kineppi ma leng, thisan sua’na ngen a um in; dikna kineppi maleng, thavai kiko thawm het ahi tai!

JEREMIAH 29:17

Sepai honte Lalpa chun zia gual hin a gen hi: A chung un chemjamte, kialnate leh natpite hun lênsak ing ka tin; tichun, theichang ga hût, a siat ma ma ziak ah nêk tâk lo gual hun hi’sak ding ka hi.

HOSEA 9:10

Israel chu gamthip ah grep ga gual in ka mu tai. La pu leh pateu chu a hun masa pen ah, theipi ga masa gual in ka mu ta ahi. Himaleh, amau chu Baal-peor mun ah a hung un, jachâk um tak in a kipumpiak tau a; a thil ngainatteu gual in ki’dak um a hung hi zo tau hi.

MIKAH 7:1

Ka chung a gik na e! Nipi thei a lâk khawm nung ua, grep ga a law zaw nung ua nêk ding, bawk khat ziang le mulo tawh bang chu ka hi; ka duchâk ma ma theichang min khat chale a um puai.

NAHUM 3:12

La kulpite chu theichang kung ah, ga min masa minjûn tak, a law phat ua leh a ne dingte, kam sung ah ke’lut ziang tawh bang chu ahi.

KISIMNA LEKHABU 18:13

Chuleh, a gam ua ga masa zosia lak ah Lalpa kiang ah piak ding ah a hun choikhawm taphot uh chu nang uh â ding ahi; la In sung mi a thiangtho zosia tawh zia chu la nêk diu ahi.

MATTHAI 5:13

Lei chi la hiu; himaleh, chi hi dau taleh bang in ahi al kit thei diam? Zia chu paimang ah, mite chotden ding bep lo ngal in panna a nei ta puai.