JEREMIAH 24:10 - PATHIAN LEKHABU THIANGTHO (BSI)

¹⁰ Chuleh, amau leh a pu leh pateu kiang ah ka la piakna gam ah kipat, suksiat dim dem a hizaw masang siau, a lak un chemjamte, kialnate leh natpite sawl piak ding ka hi.

JEREMIAH 24:10 ပူးပေါင်းရင်းမြစ်များ

1 LENGTE 14:15

Tui in phâiluang a suklîng lîng gual hin, Lalpa chun Israel sual ding a hi’ngal a. Lalpa lungnatna choktho ding ah milimte a kisiam tâk ziak un, a pu leh pateu kiang ah a piak, zia gampha tak ah kipat hin Israel botdok intin, Luipi khêl lam ah thêdal ding ahi.

ISAI 51:19

Zia thil panite hi la tuak ding a um ah, kua’n a hun dâpi ta diam? Hi’gamna leh hi’siat dim dem hun ah, kialna leh chemjam lênna, kua’n a hun thamuan ta diam?

JEREMIAH 14:12

Anngawl in pauchap maleu le, a dotnau ngaitha lo ding ka hi; hâlmang thilpiak leh thâilat thilpiakte hun lân maleule a la pom lo ding ka hi; himaleh, chemjam a hem, kialna a hem leh natpi a hem in a leng un hi’mangthai ing ka, ti in.

JEREMIAH 15:2

Amau in la kiang ah, “Khoi lam ah chia ding ka hiu em?” a hun ti phat ua leh a kiang un, Lalpa‘n zia gual hin a gen hi, ti’n la: “Natpi’ thi ding ah guat ah umte chu, natpi’n thi’n tiu in; chemjam ah thi ding ah guat ah umte chu, chemjam ah thi’n tiu in; kial ah thi ding ah guat ah umte chu, kial in thi’n tiu in; sal ah tâng ding ah guat ah umte chu, sal ah tâng ta’n au,” ti in.

JEREMIAH 16:4

“Natna tizat um tak thuak in thi ding la hiu. Kuama’n sûn pua’n tiu in, vui le vui pua’nau; tichun, lei tual ah ki’dak buaksia gual bep in muat in au. Kido’na chemjam leh kial in that intiu in, a luangteu chu chunglêng vachate leh gamlak sate’n ne ta’n au,” ti in.

JEREMIAH 19:7

Zia mun ah hin Judah leh Jerusalem ah chêngte thil guanggal chu bangmalo sua ing ka tin; tichun, a mêlmateu chemjam ah tha sak in, a hinnau hawlte khut in pedok ding ka hi. A luang damsau chu chunglêng vachate leh gam sate an dingin pia ta’ng ka.

JEREMIAH 21:9

Zia khawpi sung ah um taphot chu chemjam in, kial leh hîpi’n thi’n au; ahi’n la, hung pawtdok ah, a hun ûm kîmvêl Kaldaite kiang ah kipia lut tapo chu hing intiu in; tichun, a hinnau chu kido’na man dingin hinghoi hita’n au.

JEREMIAH 27:8

Himaleh, Babulon Lengpa Nebukadnezar nasêm nuamlote leh, Babulon lengpa ngawngkol bât nuam lo chu, a khut ah ka sukmangthai zaw masang sia, zia nam chu chemjam, kial, natpi’n gawt ding ka hi, Lalpa‘n a tii.

JEREMIAH 29:17

Sepai honte Lalpa chun zia gual hin a gen hi: A chung un chemjamte, kialnate leh natpite hun lênsak ing ka tin; tichun, theichang ga hût, a siat ma ma ziak ah nêk tâk lo gual hun hi’sak ding ka hi.

JEREMIAH 29:18

Chuleh, chemjamte, kialnate leh natpite hun delzui sak pek ing ka; tichun, ka nawmangna gam zosia ah chun, nam zosia leh lenggam zosiate tizat leh hânsiadongte etsakna, mi tizat, eulau leh musit hung hita’n au.

JEREMIAH 32:24

En in, khawpi lakna ding ah panmunte saw; Kaldaite khut ah um ding ah la gen gual in a hun do pan tau hi. Chemjamte, kialnate leh natpi’n khawpi sung chu a manaw ta’n, tu’hin la la gensa kha a chung un muthei dingin a hung guitung ta hilam.

JEREMIAH 32:25

Himaleh, aw Lalpa Pathian, nang in khawpi chu Kaldaite khut ah la la piaksa hi tanapi inle, ka kiang ah, “Lou chu sum in chaw’n la, hiatpitutele nei in,” lei la ti nalai ah, ti in.

JEREMIAH 34:17

Ziaziakchun, Lalpa‘n zia gual hin a gen hi: Kuama’n a Invêngteu leh a gualteu thâdok ding ka ti gual in la zawm puau ah; nanghaw chung ah chemjam, natpi leh kial hung tung dingin ka thâdok tai, Lalpa‘n a tii. Khawvel lenggam zosia’n a tizat ding uh la chung un hun tunsak ding ka hi.

JEREMIAH 42:17

Aigupta gam ah chêng ding ah vachia gaw tei tei zosia chu, chemjam ah te, kial ah te leh natpi ah ten thi’n au; a chung ua siatna ka tunsak dingte lak ah kipat in kuama suakcha pua’n au.

JEREMIAH 42:22

Zia hi pha tak cha’n he tau in, chia ah chên den la nop tun tunnau gam ah chun, chemjam, kial leh natpite in thi ngei ngei ding la hiu, ti’n a gen tai.

JEREMIAH 5:12

Lalpa chu lepchia in a ngawu a, “Bangma bawl lo hial in a. I chung un siatna bangma tung pua’n tin, chemjam a hem kialna a hem tuak puai tiu,” a tiu a.

JEREMIAH 9:15

Ziaziakchun, sepai honte Lalpa, Israelte Pathian chun zia gual hin a gen hi: Zia mite hi gamsai in vâk ing ka tin, gu tawh kihel tui a dawn ding un pia’ng ka.

JEREMIAH 9:16

A pu leh pateu leh amau inle, a la het ngai lo uh nam tinte lak ah thejak ding ka hi; chuleh, ka sukchimit suak masia chemjam delzui sak nalai ding ka hi.

EZEKIEL 33:27

A kiang un zia gual hin vagen in, Lalpa Pathian in zia gual hin a gen hi, vati’n la: Kihaksial in ka kitiam hi, nutsia’na nung ah chêng nalaite chu chemjam in thi’n au; gamlak ah um zosia gamsa nêkzaw dingin pia’ng ka tin; kulpi det leh kawlhawm ah kisêlte chu hîpi’n thi’n au.

EZEKIEL 6:11

Lalpa Pathian in zia gual hin a gen a: La khut bêng in, la keng tat in; chuleh, Israel Inkuante a la ki’dak umnau zosia chu aw! ti’n gen in. Chemjam in pûk intiu in, natpi leh kialte ziakin thi’n au.

EZEKIEL 7:15

Pawlam ah chemjam, sunglam ah natpi leh kialna, gamlak ah umte chemjam ah thi’n tiu in, khawpi sung ah umte chu, kial leh natpi’n thizo in au.

DAN LEKHABU 28:21

Lua ding ah la lutnau gam ah hin a hun hi’mangthai masia, Lalpa‘n hipi hun lênsak zing ta’n a.

THUPUAN 6:8

Tichun, ka et leh, sakol dâng khat ka mu kit ah; a chung ah chuangpa chu Thina a kiti’n; mithikhua chun a hun zui a. Chemjamte, kialte, hipite leh gamsate mang a lei mun li khen mun khat chung ah, mite thâ theina ding thilhitheina piak ahi.