JEREMIAH 23:6 - PATHIAN LEKHABU THIANGTHO (BSI)

⁶ Ama hun sung in Judai gam sung chu hukdaw ah um in, Israel gam chu bit tak in um in a. Chuleh, ama chu, “Lalpa chu I Diknau ahi,” ti’n ko hita’n ah, ti in.

JEREMIAH 23:6 ပူးပေါင်းရင်းမြစ်များ

1 LENGTE 4:25

Judah leh Israel chu Solomon dam sung sia’n, Dan ah kipat Beer-sheba tiang in bit tak in a um un; mi tin amau grep buk leh theipi kung nuaite chiat in a um un.

SAM 45:5

Lengpa mêlmate lungchang â dingin, la thalchangte chu a hiam in; mipite la nuai in a pûk tau hi.

PAWTDAWNA THU 9:26

Israel chate chênna, Goshen gam bep in gial chu a ke puai.

ISAI 2:4

Namtinte kikâl ah vaihawm intin, mi tam tak chung thu lêl piak in a; tichun, a chemjamteu chu, loukaina dingin sêk ta’n tiu in, a thalchangteu chule, theikung hâthianna dingin sêk ta’n au; nam khat in nam dang do-na dingin, a chemjam pan kit ta pua’n tin, kido dan le zil ta pua’n au.

ISAI 32:1

Ngai un, lengpa chun dikna’n vaihawm intin; lal chate’n le thudik in vaihawm ta’n au.

ISAI 32:18

Ka mite chu chênna mun muang ah, bit tak ah chêng in, chawldam um tak in chêngden ta’n au.

ISAI 33:22

Lalpa chu I chung ua thutanpa ahi’n, Lalpa chu I vaihawmpau ahi’n, Lalpa chu I lengpau ahi’n, ei hukhing ding ahi ngal a.

ISAI 33:5

Lalpa chu choisa’n in a um tai, chung lam sâng tak ah chêng ahiziak in; Zion chu vaihawmna dik leh felna’n hi’dim ding ahi;

ISAI 35:9

Zia tak ah chun sakeibaknei um pua’n tin, sasialne chi, sate him him zia tak ah chun, mu phâk inle um ta pua’n au; maleh, tatsate chun zia lampi chu haw ta’n au.

ISAI 42:6

Keima, Lalpa chu ka hi’n, dikna’n ka hun ko in, la khut in ka hun tûk in, ka hun vêng bit hi; nam tinte â ding ah thuthung hiding in ka hun pia’n, namtin salvâk ding leh,

ISAI 45:17

Israelte chu kumtuang hukdamna’n, Lalpa chun a hukdam tai; kumkhua’n mualpho’na leh, buaina’n tâkbuak ta pua’n au.

ISAI 54:17

Nangma do-na ding ah matchâk kisiam zosia chu, lawting ngai pua’n tin; chuleh, vaihawmna mun ah hun nial, lei taphot chu nialtha ta’n la. Zia hi Lalpa nasêmte gochan leh, keima panpi’na chu ahi, ti’n Lalpa‘n a gen hi.

ISAI 7:14

Ziaziakchun, Lalpa ma ma chun tepte’na hun pia ding ahi. Ngai un, nungak thiangtho chun nau hun vop intin, chapa hun hing intin, a min in Immanuel ti sak hiding ahi.

ISAI 9:6

Ei uh â dingin nausen hung piang in, chapa piak in I um ta’ngal un; a liangko in thuneina a um ah, a min in Lemguattu, Mak, Pathian Hat, Kumtuang Pa leh Chamna Lal chapa sak ahi.

JEREMIAH 29:11

Nang uh â ding ah ka thil guanggal chu ka hechian ma ma ngal a; zia chu tu’nung ah la siatna ding uh hilo in, la phatna ding uh, a tung nai lo ah kinepna ahi, Lalpa‘n a tii.

JEREMIAH 30:10

Nang ka suak Jakob vang lau kin la, aw Israel, lungdong kin, Lalpa‘n a tii; gamla tak ah kipat in hun hukdok ing ka tin, la suan leh pâkteu chu, a saltânnau gam ah kipat in, hun hukdok ding ka hi’ngâl a. Jakob chu hung kit in, thip hiat hiat in kichawldam ta’n tin, kuama’n sulauthawng ta pua’n au.

JEREMIAH 31:23

Sepai honte Lalpa, Israelte Pathian in zia gual hin a gen a: A gam lam ua ka pui kit phat leh, Judai gam leh a khawpiteu ah chun zia gual paukam hi kimang kit ta’n a: “Aw, diktatna mun, Aw tâng thiangtho, Lalpa‘n hun maljawl hen,” ti in.

JEREMIAH 32:37

En in, ka lungnatna leh ka hachangthakna, ka lung awi lo bêk ziak ah amau ka la nawdawna gam zosia ah kipat in hun pui khawm kit ing ka tin, zia mun hi hun tut kit in, bit tak in hun chênsak kit ding ka hi.

JEREMIAH 33:15

Zia nite chu a hung tun phat leh, David â dingin Bâk dik tak hun seldawsak ding ka hi; ama chun a gam ah thu tak leh dikna’n vaihawm in a.

JEREMIAH 33:16

Ziaphat chuleh, Judah chu hukdam in um intin; tichun, Jerusalem chu bit tak in chêng ta’n a. Zia khawpi chu, “Lalpa chu I diknau ahi,” ti min sak hita’n a.

EZEKIEL 21:27

Siatna, Siatna, Siatna hun tut ding ka hi! Bangmatik ah um ngai lo chu, a neitu dik tak ding a hung masia, ama kiang in pia’ng ka.

EZEKIEL 28:26

Bit tak in chêng ta’n tiu in, a In ding uh kisak in, a grep huanteu kibawl ta’n au. Amau simmaw ma ma a Invêngteu zosia chung ah vai ka hawm phat leh, bit tak in chêng ta’n au. Chun, Keima hi Lalpa a Pathian uh ka hi dan hun he ta’n au, ti’n a gen a.

EZEKIEL 38:14

Ziaziakchun, mihing, Gog kiang in zia gual hin gen in: Lalpa Pathian in zia gual hin a gen hi: Ka mipi Israel, gâl muang ah bit tak ah a um phat uh leh, hung kichok phûl in la tin,

EZEKIEL 48:35

Khawpi kîmvêl chu tong sîng khat leh sang giat hual sung ahi. Chuleh, zia hun ah kipat chun a khawpi min chule, “Zia hin Lalpa a um hi,” ti hita’n a.

DANIAL 9:24

Bawsiatna sukbutinna ding, gitlo’na sukbeina ding, bawlkhialna thoidamna ding, kumtuang ah dikna lâklutna ding, kilâkna leh thugenlawkna tepte’na ding leh mun thiangtho pen sathaunu’na ding in, la mipite leh la khawpi thiangtho chung ah hapta sawmsagi sung guat ahi.

DANIAL 9:7

Aw Lalpa, nang vang la dik in, kei haw vang tu’ni ka um gual mau in, Judah mipite hileh, Jerusalem ah chêngte hileh, Israel mipi zosia hileh, a nai leh a gamla um, a gitlonau ziak ah la nawjakte a chênnau mun chiat un jachat um tak ah sukmualpho in ka um zo tau hi.

HOSEA 1:11

Chun, Judah mipite leh Israel mipite kigawm khawm intiu in, amau â ding luchang pakhat, kiguat in au; zia gam chu lua ta’n au, Jezreel nikhua chu nasa ma ma ding ahi ngal a.

HOSEA 1:7

Judah Inkuante chung ah vang lainatna nei ing ka tin, thalpi a hem, chemjam a hem, kidona a hem, sakol leh sakol chungchuang mi a hem in amau hukdam lo in, Lalpa a Pathian uh chun hukdam ing ka,” a ti’n.

HOSEA 2:18

Zia ni chun gamsate, chunglêng vachate leh lei ah bokvâkte tawh thuthung nang â dingin siam ing ka tin; thalpite leh chemjamte; chuleh, kidona lei ah kipat in subei ing ka tin; bit tak in lup thâksak ta’ng ka.

OBADIAH 1:17

Himaleh, Zion tâng ah chun, a suakchate chu um intiu in, a thiangtho hita’n au; Jakob Inkuante chun, amau a la chomgamte ma ma chu, hun chom gam ta’n au.

OBADIAH 1:21

Hukdaw ah umte chu Esau tâng chung ah, vaihawm dingin, Zion tâng ah chun chia to ta’n au; tichun, lenggam chu LALPA â hita’n a.

ZEPHANIAH 3:13

Israelte lakah a um sun hita’n au; amau chun thil phalo bawl pua’n tiu in, zuau gen pua’n tiu in, a kam un thepna thu le pawt him him pua’n a. Ziaphat chuleh, ne vâ in, lum intiu in, kuama’n sulau ta pua’n au.

ZEKARIAH 10:6

Judah Inkuan mite suhat ing ka tin, Joseph Inkuan ah mite chu hukdok ing ka. Amau chu ka lainat ma ma ziakin, ka paithâk khâk ngai lo gual in puidok kit ing ka; kei Lalpa a Pathian uh ka hia, amau dawnhu ta ding ka hi’ngâl a.

ZEKARIAH 3:10

Ziaphat chuleh, mitin in a grep gui leh a theichang kung lim nuai chiat un, amau Invêngte hun kichial khawm thei chiat ta’n au, Lalpa‘n a ti ahi,” a tia.

ROMTE 3:22

Zia chu Pathian dikna, Jesu Khrista ginna ziak ah ama taksang tapote kiang ah suklat ah um chu ahi; kuama khenchuamna a um pawngal a;

1 KORINTH 1:30

Nanghaw vang ama ziakin Khrista Jesu ah chun la um un; ama chu Pathian kiang ah kipat ei uh â ding ah pilna, dikna, sukthianthona leh tatna ah siam ahi.

2 KORINTH 5:21

Ama ah chun Pathian dikna I hi’theina ding un, gitlo him him helo chu Pathian in ei uh ziak in gilo in a siam tai.

PHILIPPI 3:9

Ama ah ka umtheina dingin; dan thu lam ah keima dikna hilo in, ginna ah kinga Pathian ah kipat dikna um chu nei zaw’n.