JEREMIAH 23:5 - PATHIAN LEKHABU THIANGTHO (BSI)

⁵ David â ding ah Bâk dik tak ka hun tun dinna ding chu hung tung ngei ngei ding ahi. Ama chun leng gual in vaihawm intin, pil tak in ngaitua in ah; dikna leh thu tak in a gam chu vaihawm ta’n a.

JEREMIAH 23:5 ပူးပေါင်းရင်းမြစ်များ

2 SAMUEL 23:3

Israelte Pathian in thu a gen in, Israelte suangpi chun ka kiang in thu a la gen a; mipite chung ah dik tak ah vaihawm, Pathian lau kawm ah vaihawmpa chu,

SAM 45:4

Gual zo ah ja’um tak in hung inla, la khut changlam in thu tak leh, dikna la thilbawl tizat um takte hun hil ta hen.

SAM 80:15

la changlam khut ah a kungpi la phusa ahi ngal a.

SAM 99:4

Leng hat tak, vaihawmna dik ngaina, nang in doichuam diak neilona la tung dingin; Jakob Inkuante chung ah dik tak in vai la hawm hi.

ISAI 33:5

Lalpa chu choisa’n in a um tai, chung lam sâng tak ah chêng ahiziak in; Zion chu vaihawmna dik leh felna’n hi’dim ding ahi;

ISAI 4:2

Zia hun chuleh, Lalpa bâk chu mêlpha leh lopi ta ma ma intin; chuleh, a gam ga chule Israelte lakah a suakcha sunte â ding ah kiletsakpi leh a lopinau hung hita’n a.

ISAI 42:6

Keima, Lalpa chu ka hi’n, dikna’n ka hun ko in, la khut in ka hun tûk in, ka hun vêng bit hi; nam tinte â ding ah thuthung hiding in ka hun pia’n, namtin salvâk ding leh,

ISAI 45:24

Lalpa bep ah chun dikna leh hatna a um hi, ei hun ti ta’n tiu in; Keima do ding ah hil ah umte chu vang, ka kiang lam ah hung in, mualpho ta’n au.

ISAI 52:13

En un, ka nasempa chu lawting in a; ama chu chawihoi leh choisân ah um in, sâng tak ah koisân in hung um ding ahi.

ISAI 53:10

Himaleh, ama thokgimna chu Lalpa lung lam ahi. A hinna chu gitlo thoina ding ah, la hun bawl phât leh, a suan leh pâkte hun mu ta’n tin, a damsung nite chu hisau piak hung hita’n a; ama jal in Lalpa lung lam chu, sukbutin in um ta’n a.

ISAI 53:2

Ama chu tâng gawchâk ah thâichi no kek, zung thadok ah hung khangdok gual hi’ntin, vak etlâna ding ah mêl lat dan chuam bîk leh, za umna a nei pua’n; doichuam ahi’na ding ah mêl putdan chuam le, a nei puai.

ISAI 9:5

A do ah hung kuan sepaite kengtaw zosia, a sil leh chên thisan kâi nêt nût zosia chu, meikuangchaw gual ah hâl tum zaw hita’n a.

ISAI 9:6

Ei uh â dingin nausen hung piang in, chapa piak in I um ta’ngal un; a liangko in thuneina a um ah, a min in Lemguattu, Mak, Pathian Hat, Kumtuang Pa leh Chamna Lal chapa sak ahi.

ISAI 9:7

A thuneina khang jel intin, David lalchutpha leh a lenggam chun kichamna um zing ta’n a. Ama’n dikna leh thu tak ah tungding in tudet zing in a; tu’kipat leh kuamtuang tiang in. Sepai honte Lalpa phatchuam ngaina’n zia gual chun bawl ding ahi.

JEREMIAH 22:15

Sidar thing In la kisak ziak ah, leng hi mai ding la hem? La pa khan ne leh dawn ah, dik tak ah vaihawm hilo a hem? Zia chu ama â dingin a pha ahi.

JEREMIAH 22:3

Lalpa‘n zia gual hin a gen hi: Dikna leh thu tak in sêm unla, sugentheipa khut ah kipat in suam ah um zosia chu hukdok un. Gam dang mite, nauchagate leh meithâite chung ah thil diklo leh thagum sua’na bawl kiu inla, zia mun ah hin maw’na neilote thisan chu sua kiu in.

JEREMIAH 22:30

Lalpa‘n zia gual hin a gen hi: Zia pa hi cha bei leh a damsung ah lawting ngai lo; a suante kuama lawting ah, David lalchutpha kitung ah, Judai gam ah vaihawm ding, um kit ngai talo ding ahi, ti’n zik lut in, a tii.

JEREMIAH 23:6

Ama hun sung in Judai gam sung chu hukdaw ah um in, Israel gam chu bit tak in um in a. Chuleh, ama chu, “Lalpa chu I Diknau ahi,” ti’n ko hita’n ah, ti in.

JEREMIAH 29:11

Nang uh â ding ah ka thil guanggal chu ka hechian ma ma ngal a; zia chu tu’nung ah la siatna ding uh hilo in, la phatna ding uh, a tung nai lo ah kinepna ahi, Lalpa‘n a tii.

JEREMIAH 30:3

Lalpa kamsuak chu: Ka mipi Israelte leh Judate vangphatna ka hun piak kit ah, a pu leh pateu kiang ah ka la piakna gam hun lua kit ding ah ka hun puitungna ding hun chu hung tung ngei ding ahi, Lalpa‘n a tii.

JEREMIAH 30:9

Lalpa a Pathian uh leh a lal ding ua ka hun tundin ding David na bep chu sêm zaw ta’n au.

JEREMIAH 31:27

Israel gam leh Judai gamte chu, mihing leh gancha ka hun dimsak kitna ding nite chu hung tung ngei ngei ding ahi tai, Lalpa‘n a tii.

EZEKIEL 21:27

Siatna, Siatna, Siatna hun tut ding ka hi! Bangmatik ah um ngai lo chu, a neitu dik tak ding a hung masia, ama kiang in pia’ng ka.

EZEKIEL 34:16

A mangthai hawl ing ka tin, a vâkjakte pui kit ing ka tin, a liamte chu tuam ing ka tin, a jawngkhalte chu hi’hât ing ka; himaleh, a thau leh a hât laite chu hi’mangthai ing ka. Dikna’n vâk ding ka hi, ti in.

EZEKIEL 34:29

Nêk leh châk kiningting tak in pia’ng ka tin, a gam uh kialna’n subuai ta pua’n tin, nam dangte musit in um kit ta pua’n au.

EZEKIEL 45:8

Zia huap sung hi Israel gam ah a gochan ding uh chu ahi. Tichun, ka lal vaihawmte chun ka mipite a hi’genthei lo diu ahi; himaleh, Israel Inkuante zosia a phung dungzui un gam a neisak zaw ding uh a hiu.

DANIAL 9:24

Bawsiatna sukbutinna ding, gitlo’na sukbeina ding, bawlkhialna thoidamna ding, kumtuang ah dikna lâklutna ding, kilâkna leh thugenlawkna tepte’na ding leh mun thiangtho pen sathaunu’na ding in, la mipite leh la khawpi thiangtho chung ah hapta sawmsagi sung guat ahi.

HOSEA 1:11

Chun, Judah mipite leh Israel mipite kigawm khawm intiu in, amau â ding luchang pakhat, kiguat in au; zia gam chu lua ta’n au, Jezreel nikhua chu nasa ma ma ding ahi ngal a.

HOSEA 3:5

Zia nung chuleh, Israelte hung kile’kit in, Lalpa a Pathian uh leh David, a leng uh chu hun hawl ta’n au; ni nunung lam ah chun Lalpa leh a phatna chu lau kawm in zuan in au.

AMOS 9:11

Zia ni chuleh, David bawkcha a la pûk ta chu, tungding kit ing ka tin, a siatnate siampha’ng ka tin, a chipnate lem to ing ka tin, masang lai ah gual khan sapha kit ing ka tin;

MIKAH 5:3

Ziaziakchun, nauvei nu’n nau a hun hin masang sia chu, amau chu Lalpa’n kiheisan in a; ziaphat chuleh, a chanau la umsun te chu, Israel mite kiang in kile’kit ta’n au.

ZEKARIAH 3:8

Tu’hin, thiampu lianpen Joshua tawh la kithuapi la âng ah chu zingte chun, pha tak in ngai tau in! Amau chu thil hung tung ziang dingte hetlawkna ahi ngal a. Ka suak a Bâk chu hun puidawk ngal ding ka hi tai.

ZEKARIAH 9:9

Aw Zion chanu, nasa tak in lim in! Aw Jerusalem chanu, ngai tak in kiko in! En in, la lal chu a hung hi; gâl zotu leh hat chu ama ahi’n; kingaitawm tak in sabiltung chung ah, sabiltungno tuaidawng chung ngei ah chuang in a hung hi.

MATTHAI 2:2

“Khoi ah a hem Judate lengpa hung piang chu? Sualam ah a aksi chu ka muu ah, ama chibai bûk ding ah hung ka hiu,” a tiu a.

JOHAN 1:45

Philip chun Nathanael a hawldok ah, a kiang in, “Mosi Dan Lekhabu leh Jawlneite Lekhabu a la kizik, ‘Joseph chapa, Nazareth Jesu’ kiti kha kei un ka mu tau hi,” a vatia.

JOHAN 1:49

Ziaphatchun, Nathanael in a kiang in, “Rabbi, Pathian Chapa, Israelte Lengpa chu la hi!” a tia.

1 KORINTH 1:30

Nanghaw vang ama ziakin Khrista Jesu ah chun la um un; ama chu Pathian kiang ah kipat ei uh â ding ah pilna, dikna, sukthianthona leh tatna ah siam ahi.

HEBRAITE 8:8

A diklonau chu Pathian in a mudaw ziakin zia gual hin a gen a: “Ni chu hung tung ding ahi, Lalpa‘n a tii; ‘Zia ni chuleh, Israel Insung mite tawh, Judah Insung mite tawh le, thuthung thak siam ing ka tin;

THUPUAN 19:11

Chun, van a hung kihong ah, sakol kâng khat hung pawt ka mu; a chung ah chuang chu Ginum leh Dik a hia; ama chun dik tak in vai a hawm ah, gâl le a do sek hi.