JEREMIAH 23:32 - PATHIAN LEKHABU THIANGTHO (BSI)

³² En un, mang zuauthei mai maite gen ah, mite hil ah, a zuauthu teu leh, a uanna thu manthei lo ziak ua ka mipi puimang jawlneite chu ka dodâl hi, Lalpa‘n a tii. Amau chu ka sawl pua’n, ka thugen dinginle ka sawl puai; ziaziakchun, zia mipite â ding ah hin a phachuam him him puau hi, Lalpa‘n a tii.

JEREMIAH 23:32 ပူးပေါင်းရင်းမြစ်များ

JOB LEKHABU 13:4

Nanghaw vang zuau thu kigen thiang la hiu; la leng un damdawi thiam panna bei ngen la hiu hi.

ISAI 3:12

Ka mipite haw, naupangte chu a chuanden in a pang tau in, numeite chun a chung un vai a hawm ui. Aw ka mipite haw, la puituteu in a hun pui khial tau in, la lampiteu a subuai zo tau hi.

ISAI 9:15

a upateu leh a mi kumluiteu chu a luchang uh a hiu a; zuau thu zilsak a jawlneiteu chu a mei uh a hiu;

JEREMIAH 23:13

Samaria gam ah jawlneite lak in, ki’dak um khat ka mu tai; Baal min in thu a genlawk un, ka mipi Israelte chu a pui mang tau hi.

JEREMIAH 23:16

Sepai honte Lalpa‘n zia gual hin a gen a: La kiang ua thugen ah hung jawlneite thugen him him ngaitha kiu in, a hun thêm chavai mai mai a hiu. Lalpa kam ah kipat hilo, a lungthim suangtuanau mai mai a gen zaw ngal un.

JEREMIAH 23:25

Ka min ah zuau thu bep gen sek jawlneite’n, “Ka manglam in ka mu’n, ka mang in ka mat hi!” a ti zosiau chu ka hesuak hi.

JEREMIAH 23:31

En un, “Lalpa‘n a gen hi,” ti ah amau phuak kawm gen sek jawlneite chu ka dodâl ahi, Lalpa‘n a tii.

JEREMIAH 29:31

Saltângte zosia kiang in zia gual hin thot in: Nehelam ah um Shemaiah chungchâng thu Lalpa‘n zia gual hin a gen hi: Ka sawl lo pi’n Shemaiah in la kiang un thu a hung genlawk ah, zuau thu taksang ding ah a hung thep zaw ziakin,

JEREMIAH 7:8

A phatchuamna ding umlo, zuau thu gingcha’n zia tak ah hin la um mai mai ui.

KÂ LATE 2:14

La jawlneiteu in la chung ua, thil tung ding a diklo leh, kithepnate bep a mulawk un; khawnung ah tundin kit, la hitheina ding un, la mantheilonau mulo in, nanghaw puimang thei thu diklo bep, a mu zawu tau a.

KÂ LATE 3:37

Lalpa guatsa ahilo chun, kua’n thu pia’n, bawlthei ding a hem?

ZEPHANIAH 3:4

A jawlneiteu chu khawni ngailo leh ginumlote a hiu a; a thiamputeu in thilzek a subuak un, dan a botsiau a.

ZEKARIAH 10:2

A Inkuan pathianteu chun thu man lo mai mai a gen sek un, âisânte chunle zuau thu bep a muu in; mangsânte’nle mang diklote gen in, a thamuanna thugen uh a thawn mai ahi. Ziaziakchun, mipite chu belam gual in a vak jak zo tau a; belamching ding tâksap ziakin a thuak gim zo tau hi.

MATTHAI 15:14

Amau chu ngaisak kiu in; mitthûm te puitu mitthûm a hiu a, mitthûm in mitthûm ma a pui chun, kawkhûk ah ke’lut khawm ding a hiu, a tia.

2 KORINTH 1:17

Zia gual ah ka ngaitua lai ah chun ka lungthim detlo ahi em? Ahiloleh, “Ahi,” a hem, “Ahi puai,” a hem ti vêl vêl thei dingin khawvel mite gual ah ka lemguat mai a hem?

DAN LEKHABU 18:20

Himaleh, jawlnei kuale a gen ding ah ka piak hilo keima min ah thugen a hem, pathian dangte min ah thugen a hem a um chun, zia jawlnei chu thalup ding ahi,” a tia.

THUPUAN 19:20

Sahâng chu a man ua, jawlnei lêm a ma-âng ah thilmak bawl sek leh, sahâng tepte’na nei ding ah mi thêm zo sek kha, a paniu in mei leh kât ah kâng meidil ah chun a hing in a pai lut tau a.