JEREMIAH 23:30 - PATHIAN LEKHABU THIANGTHO (BSI)

³⁰ Ziaziakchun, en un, ka thugen ding phuak kawm ah thugen sek jawlneite chu ka dodâl hi, Lalpa‘n a tii.

JEREMIAH 23:30 ပူးပေါင်းရင်းမြစ်များ

SAM 34:16

Thil phalo bawlte het zingna, lei ah kipat hi’mangthai dingin, Lalpa mai chun a do zing hi.

JEREMIAH 21:13

Aw nanghaw, phâijawl ah chêngte leh, phâijang suangpi chêng ah, “Kua a hem ei do ding ah hung kuan, kua a hem ka kul sung ua hung lut thei ding?” tite haw, en un, nang uh ka hun dodâl hi, Lalpa‘n a tii.

JEREMIAH 23:31

En un, “Lalpa‘n a gen hi,” ti ah amau phuak kawm gen sek jawlneite chu ka dodâl ahi, Lalpa‘n a tii.

JEREMIAH 44:11

Ziaziakchun, sepai honte Lalpa, Israelte Pathian chun zia gual hin a gen hi: Judai gam pumpi tawpna ding leh la chung ua siatna huaisia tak tunsak ding ka gaw ta ahi.

JEREMIAH 44:29

Zia mun ah hin hun gawt ing ka tin, la chung ua thil phalo hung tung ding ka gensa zosia hi, hung guitung tei tei ding ahi, ti la hiattheina ding un, zia hi nanghaw â ding ah tepte’na hi’n ah, Lalpa‘n a tii.

EZEKIEL 13:20

Ziaziakchun, Lalpa Pathian in zia gual hin a gen hi: Mite hinna la sukgentheinau matchâkteu chu ka dodâl ahi; la khutbân ua la thil bûteu zosia susia’ng ka tin, vacha la mat gual ua, la mihing matteu tha’suak ding ka hi.

EZEKIEL 13:8

Ziaziakchun, Lalpa Pathian in zia gual hin a gen hi: Bangma mulo in zuau thu bep la gen ziak un, ka hun kãl la hiu, Lalpa Pathian in a ti ahi.

EZEKIEL 15:7

Amau do in a lam uh nga’ng ka tin; meikuang lak ah suakcha maleu, meikuang dang in kâng tum intin; amau do ding ah a lam uh ka ngat phat leh, Kei hi Lalpa chu ka hi ti he ta’n lau.

THIAMPUTE LEKHABU 20:3

Zia mihing chu ângngat in do ding ka hi; ka min thiangtho hi’buak ding leh ka mun thiangtho subuak ding ah a chisuan lak ah mi Molekh ho’na ding ah a piak ziakin, a chipite lak ah kipat in ama chu nawdok ding ka hi.

THIAMPUTE LEKHABU 26:17

Nang uh do dingin ka mai le’hei ing ka tin, la mêlmateu thâgam in hung um in lau: La mêlmateu in la chung un vaihawm intiu in, kuama del lo inle jam in lau.

DAN LEKHABU 18:20

Himaleh, jawlnei kuale a gen ding ah ka piak hilo keima min ah thugen a hem, pathian dangte min ah thugen a hem a um chun, zia jawlnei chu thalup ding ahi,” a tia.

DAN LEKHABU 29:20

Lalpa‘n mawk ngaidam ziang nuam pua’n tin, zia gual ah ngaituate chung ah chun Lalpa lungnatna puangjak kha’n a. Zia lekhabu ah sapsiatna kigen zosia hi a chung un tung intin; a min uh Lalpa‘n van nuai ah thaimang mai ding ahi.

1 PETER 3:12

Lalpa mit chu midikte chung in a chu sek in, a nakhang le a pauchapna lam un a daw sek hi; ahi’n la, Lalpa mêl chu thil hi’khialte chu, a do sek hi,” ti ahi ngal a.