JEREMIAH 23:22 - PATHIAN LEKHABU THIANGTHO (BSI)

²² Ka vaihawmna hung ding hileuchu, ka mipite kiang in ka thu genjak ding a hiu a; chutileh, a gitlona lampiu leh, a thil phalo bawlteu chu haisan ta ding a hiu a.

JEREMIAH 23:22 ပူးပေါင်းရင်းမြစ်များ

JEREMIAH 23:14

Himaleh, Jerusalem ah jawlneite lak in, thil huaisia zaw diak ka mu tai. A ângkawm un, zuau a gen ui; thil phalo bawlte khutbân a hi’hat un; tichun, kuama’n nunsiatna lampi a haisan puau a, keima ngai in, a leng un, Sodom khua mite gual leh, Gomorrah ah chêngte gual mai kha a hitau hi.

JEREMIAH 23:18

A thugen muchian ding leh, hechian thei ding khop ah, kua a hem Lalpa vaihawmna vapang sek? Kua a hem a thu puangjak ding ah, a thugen ngaisak chu?

JEREMIAH 25:5

Amau in la kiang un, “Tu’hin la leng un la umchan phalo uh nusia in, la thil phalo bawl uh haisan un; chutileh, nanghaw leh la pu leh pateu kiang ah la kumkhua go ding ua, masang lai ah kipat a hun piakna gam ah hin um zing thei in lau;

JEREMIAH 35:15

ka suak jawlneite kha la kiang un gunchu tak ah zia gual ah hi thu hung gen dingin ka hun sawl ta’n: “Mi tin in la thilbawl uh phalo haisan in hung kihei kit unla, la thil bawlkhial uh bawl pha kit unla, la pu leh pateu leh nanghaw chênna ding ah ka la piakna gam sung ah hin, la chên zing theina ding un, pathian dangte lam ah kihei mangsan in a nau sêm kiu in,” ti in. Himaleh, ka thugen ngaisak lo in, ka thule la mang puau hi.

JEREMIAH 36:3

Judah Inkuante’n a chung ua thil phalo ka tunsak dingte chu a het phat ua leh, mi tin in a thil phalo bawlteu haisan ah, a thiammawnau leh a gitlona zosiau ka ngaidam theina dingin, ti in.

JEREMIAH 9:12

Zia hi hethiam thei ding khop ah mipil kua ahi em? A genjak theina ding un Lalpa kam in kua kiang in a gen em? Kuama’n a haw tâk lo’na ding ah gamthip gual tuk ah bang ziak ah, a gam pumpi hisiat leh nutsia ah um mai ahi tam?

EZEKIEL 13:22

Keima’n hi’lungkia lo maleng, nang un diklo tak ah midikte la hi’lungkiak ziak uh leh, mi nunsiate a lampiu nusia lo ding ah la tîlkho un, la hukhin ziak un;

EZEKIEL 13:5

Lalpa ni guat kido’na hun ah, Israel Inkuan a pan zaw theina ding in, a bâng siatna mun vêng ding leh a siatna siampha nuam a um puau hi.

EZEKIEL 18:30

Ziaziakchun, Aw Israel Inkuante haw, la umdan dungzui chiat un mi tin chung ah vaihawm ding ka hi, Lalpa Pathian in a tii. Sim unla, la hi’khelnau zosia haisan tau in; achutiloleh, nunsiatna chu la manthâinau hung hi kha’n a.

EZEKIEL 2:7

Ka thu chu ngai nuam in, ngainuam lo maleule, la vagen ding ahi; mi helmangte ahi ngal un.

EZEKIEL 3:17

Mihing, Israel Inkuante vêng dingin ka hun siam tai; ka kam ah kipat thu la het phat leh, keima ah kipat in thu la hil ding ahi.

AMOS 3:7

A dik tak in Lalpa Pathian in a suak, jawlneite kiang ah thugûk hil masa lo in, bangma a bawl ngai puai.

ZEKARIAH 1:4

Jawlnei masate’n, “Sepai honte Lalpa chun, ‘La umdan phalo leh, la thil phalo bawlteu chu hun kiheisan un, a tiu a; la pu la pateu in a limsak lo uh leh bangma a la ngaisak lo gual uh khan um kiu in, Lalpa‘n a tii.

MALAKI 2:6

Zilsakna dik chu a kam in a um ah, a lei ah kipat in zuau thu a pawt kha puai. Thutak leh dikna’n ei kitonpi zing ah, gitlona lampi zui mi tam tak a pui dik ta ahi.

NASEPTE 20:27

la kiang un Pathian thiltup gen ka kipadâm pua kha.

1 THESSALONITE 5:6

Ziaziakchun, midangte gual in ipmu puai tiu, hak zing in, ngaichâng tak in um zawi tiu.