JEREMIAH 23:2 - PATHIAN LEKHABU THIANGTHO (BSI)

² Ziaziakchun, Israelte Pathian, Lalpa chun, ka mipite chung ah hotute chungchâng zia gual hin a gen hi: Ka ganchate naw jak ah, naw mang ah, ngaisaklote chu nanghaw la hiu. Tichun, la thil bawl uh phalo tak chu hun ensui ding ka hi, Lalpa‘n a tii.

JEREMIAH 23:2 ပူးပေါင်းရင်းမြစ်များ

PAWTDAWNA THU 32:34

Himaleh, tu’hin nangma chia inla, mipite hi la kiang ah ka hun hilna gam chu lua dingin vapui in; en in, ka vansawlchâk in hun pui zing ding ahi. Ahi’nla, ka gawtna hun a hung tun phat leh amau gitlona dungzui ah chun hun gawt ding ka hi,” a tia.

JEREMIAH 10:21

Belampute chu a ngong bel bul un, Lalpa a dong ngai puau a; ziaziakchun, a lamzang ngai puau a, a belam honteu le a taichek zo tau hi.

JEREMIAH 11:22

Sepai honte Lalpa chun zia gual hin a gen hi: Amau chu gawt ding ka hi; tangvalte chu chemjam ah thi’n tiu in, a chanuteu leh a chapateu chu kial thi in au;

JEREMIAH 13:17

Himaleh, la ngaithâk lo uh chun, la chaponau ziakin ka thagau a gûk in kap ding ahi; Lalpa belam honte sal ah pui mang ah a um ziak un, ka mit chu thasia tak ah kap in, mitthi tui in luangtha’n a.

JEREMIAH 13:20

La mit uh teto unla, mallam ah kipat hung kuante chu en tiam un. La belam hon hoi tak, nang kiang ah hun kipia kha, khoilam tung zo a hitau em?

JEREMIAH 13:21

La kithuapi ding ah la zil thiamsak te, la chung ah thunei ah a hung pan phat ua leh, bang la gen ta diam? Numei nauvei gual ah nat in, hun tuam suak talo ding a hem?

JEREMIAH 17:10

A umdan dungzui ua thuk ding leh, a nasep gau tawh kigûn ah pia ding in, keima Lalpa hin lungthim chu patep in, ka enchian zing ahi.

JEREMIAH 21:12

Aw, David Inkuante haw! Lalpa‘n zia gual hin a gen hi: Jingkal ah dikna’n vaihawm unla, nuaisia leh lâkpiak ah umte chu, amau nuaisiate leh lâkpiakte ah kipat chun hukdok un; achutiloleh, la gitlonau ziakin ka lungnatna, kuama’n a phelmit zaw lo ding un, mei gual in hung kuangjak mai ding ahi.

JEREMIAH 23:34

Chun, jawlnei hi’n, thiampu hihen la mipi kua hitaleh, “Lalpa puaknat,” ti gen kha taphot chu, a genpa tawh a Inkuan un gawt ding ka hi.

JEREMIAH 44:22

La thil phalo bawl uh leh, la thil ki’dak um bawlteu hi, Lalpa‘n a en pei ta puai; ziaziakchun, la gam uh chu nutsia ah um leh a hawm, a chêng um talo ah tu’ni tiang ah um khawlaw a hita hi.

JEREMIAH 5:29

Zia thilte ziak ah hin, gawt lo ding ka hem? Zia gual thilbawl namte chu, thuk lo ah koi mai ding ka hi em? Lalpa‘n a ti ahi.

JEREMIAH 5:9

Zia thilte ziak ah chun gawt lo ding ka hem? Zia tawhbang ah um namte chu, thuk lo ah umsak mai ding ka hem? Lalpa‘n a ti ahi.

JEREMIAH 8:12

Zachat um tak ah um in, thil ki’dak um tak tak a bawl ui; maleh, zachatna’n a ngai puau a, zachatna châng le a hepuau hi. Ziaziakchun, thalup ah umte lak in pang intiu in, amau ka gawt phat leh, paithâk hita’n au, Lalpa‘n a tii.

EZEKIEL 34:5

Tichun, belampu a umlo ziakin belamte a chekjak zo tau in; a chekjak tâk ziak un gamsate an a suak tau hi.

HOSEA 2:13

Baalte â ding kût nite ziakin amanu gawt ing ka, zia hun ah chun ama khutsebi leh, suang mantamte’n a kichei in, a dawichâkte a vazui ah, keima ei hemil tai, Lalpa‘n a tii.

MIKAH 7:4

A lak ua mi pha pen chu hampa lingnei gual ahi’n, a lak ua mi lungthim zang pen chule dâi lingnei a bang bep ui. Amau gawtna ding ni, la gâlvengteu gawtna ding chu, hung tung ding ahi tai; tu’hin a lungdon niu chu a nai tai.

ZEKARIAH 10:3

Belampute chung ah chun ka lung a na ma ma a; tichun, a puituteu chu gawt ding ka hi; Lalpa‘n a gan-gual Judah Inkuante chu a khawtua ma ma ziakin, kidona sakol hat takte gual in hun siam ding ahi.

ZEKARIAH 11:16

Zia gam ah hin belampu pakhat hun tung ding ing ka tin; ama chun a manthai ding uh khawksa pua’n tin, a jam mang le hawl pua’n tin, a meimale hi’dam pua’n tin, a hisel lole an pediak pua’n ah; ahi’n, a thau tuai mâmpha cha cha chu ne’n tin, a kengtin nasan uh âtphel piak in a.

MATTHAI 25:36

ngawnchang ah ka um in puan lei sil sak un; ka damlo in lei ve’thau a; suangkul ah ka um inle lei hung kanthau ah, ti’n tin.

MATTHAI 25:43

malzin ka hi inle lei zintun puau a; damlo leh suangkul ah ka umna’n le lei kantha nuam puau hi, ti’n tin.

JAKOB 1:27

Pathian leh Pa mit mu ah sakhaw thiangtho leh sukbuak lo chu zia hi ahi: nauchagate leh meithâite a genthei lai ua kanthâk leh khawvel kisukbuak sak lo hi ahi.