JEREMIAH 23:16 - PATHIAN LEKHABU THIANGTHO (BSI)

¹⁶ Sepai honte Lalpa‘n zia gual hin a gen a: La kiang ua thugen ah hung jawlneite thugen him him ngaitha kiu in, a hun thêm chavai mai mai a hiu. Lalpa kam ah kipat hilo, a lungthim suangtuanau mai mai a gen zaw ngal un.

JEREMIAH 23:16 ပူးပေါင်းရင်းမြစ်များ

1 LENGTE 22:11

Kenaanah chapa Zedekiah in thik kî a kisiam ah, “Lalpa‘n zia gual hin a gen hi: Aram mite chu zia kîte ah hin suksiat ahi masang siau siu in a tii,” ti’n a gen a.

2 LENGTE 17:15

A pu leh pateu haw kiang ah thu a la thunte leh dan a la bawlte kha a kihiatlosak tei tei ua, milim siamkawm ho in thil diklo a bawl tau ah; Lalpa thupiak zui lo in a kîmvêl ua mite chawndan chu a zui zaw tau hi.

2 KHANGTHU 18:5

Tichun, Israelte Lengpa chun jawlneite chu a ko khawm ah, mi za li a hung khawm tau ah; a kiang un, “Ramoth-gilead do ah vakuan to ding I hiu em, kuan lo ding?” ti’n a dong a. Amau chunle, “Kuan to in, lengpa khut ah Pathian in hun pia ding ahi ngâl a,” ti’n a dawnhu tau a.

THUPILTE 19:27

Ka cha, thil diklo bawl ding ah, tîlna thu ngaithâk chu haisan in.

JEREMIAH 14:14

Chuleh, Lalpa‘n ka kiang in, Jawlneite chun ka min in zuau a gen un; amau chu ka sawl pua’n, a kiang ua thu vagen dinginle ka guat puai. A lungthim ua a mithep nopna ziak un, bangma a mulopiu leh Pathian in a hiatsak hilote chu a gen zawu ahi.

JEREMIAH 2:5

Lalpa‘n zia gual hin a gen hi: La pu leh pateu in keima ah demna bang a muu ah, gamla tak ah ei nusia a hiu em? Bang ding ah bangmalo mai mai del ah, amau le bangmalo suak ziang a hiu em?

JEREMIAH 23:21

Zia jawlneite kha ka sawl lo in a tai un, a kiang ua thu ka gen lo pi’nle thu a gen ui.

JEREMIAH 23:26

A zuau thu phuak kawm un ka mipite hi, zia jawlneite chun bang chan pui chavai nalai ding a hiu em?

JEREMIAH 29:23

Israel gam ah gitlona huaisia tak a la bawl tau in: a Invêngteu jite tawh a jawntat un; chuleh, ka thupiak lo in ka min in zuau thute a gen un; keima a umchan uh hepa leh a hiatpipa ka hi, Lalpa‘n a tii.

JEREMIAH 29:8

Sepai honte Lalpa, Israelte Pathian in zia gual hin a gen ngal a: La lak ua jawlneite leh âisân thiamte chu kithepsak kiu inla, a mang matteu chule limsak kiu in;

JEREMIAH 9:12

Zia hi hethiam thei ding khop ah mipil kua ahi em? A genjak theina ding un Lalpa kam in kua kiang in a gen em? Kuama’n a haw tâk lo’na ding ah gamthip gual tuk ah bang ziak ah, a gam pumpi hisiat leh nutsia ah um mai ahi tam?

JEREMIAH 9:20

Aw numeite haw, Lalpa thu gen hi a la ngai unla, a kam ah thu pawt hin la bil uh a la dawu in; la chanuteu kâ La hil unla, la Invêngteu chiat kâ dan hil un.

KÂ LATE 2:9

A kotpite chu lei tual in a tum ta’n; a thikjawlte chu a hisia’n, a hibong zo tai; a lal leh a milianteu chu, nam dangte lak in a um zo tau; kipuihuaina a um ta pua’n, a jawlneiteu in Lalpa ah kipat, kilâkna a mu ta puau hi.

EZEKIEL 13:16

gâlmuanna umlo ah gâlmuanna mu ah, Jerusalem chungchâng ah thu genlawk, Israel jawlneite ngei chu, Lalpa Pathian in a ti ahi.

EZEKIEL 13:23

kilâkna zuauthei mu ta pua’n la tiu in, phunle sân ta pua’n lau; ka mipite la khut ua kipat hukdok ding ka hi’ngâl a. Ziaphat chuleh, keima hi Lalpa ka hi ti hun he ta’n lau.

EZEKIEL 13:3

Lalpa Pathian in zia gual hin a gen hi: Bangma mulo ah, amau ngaituana bep zui jawlnei ngolte chung a gik na e!

EZEKIEL 13:6

Zuau thil a muu in, zuau thu a gen un, Lalpa‘n a sawl lo pi’nle, “Lalpa‘n a gen in,” a tiu a; a thugen uh guitunna a la ngâk nalai un!

EZEKIEL 22:28

A jawlneiteu in amau sik in a gitlonau khu’na’n bâng kijut vam khum gual in a kihiatlosak un, kilâkna diklo ngen a muu ah, zuau thu’n âi a sân un, Lalpa‘n bangma gen lopi’nle a kiang un, ‘Lalpa Pathian in zia gual hin a gen hi,’ a tiu a.

MIKAH 2:11

Mumal lo leh diklo tak ah: “Uain thu leh khamthei thu la kiang ah hun hil ding ka hi,” ti ah min zuau a hun gen ua leh, ziate chu zia mite â ding bep ah chun, a thugentuu hiding ahi.

MATTHAI 7:15

Jawlnei lêmte lak ah kivêng un; ziate chu belam vun sil in la kiang un a hung sek ui, a sung lam uh bo chu ngei gawlsan tawhbang a hiu.

ROMTE 1:21

Pathian he maleu, Pathian ahi’na gual tak in a chawihoi puau ah, a chung ah kipakna châng le a hepuau hi; ziaziakchun, a lungthim suangtuanau in thil manlote bep a ngaitua tâk ziak un a lungthim ngol tak uh chu a thim zo tai.

1 JOHAN 4:1

Doitakte haw, thagau zosia taksang kiu inla, thagaute chu Pathian ah kipat a hiu em ti enchian zawu in; khawvel ah hin jawlnei lêm tam tak a pawtdok tangal un.