JEREMIAH 23:14 - PATHIAN LEKHABU THIANGTHO (BSI)

¹⁴ Himaleh, Jerusalem ah jawlneite lak in, thil huaisia zaw diak ka mu tai. A ângkawm un, zuau a gen ui; thil phalo bawlte khutbân a hi’hat un; tichun, kuama’n nunsiatna lampi a haisan puau a, keima ngai in, a leng un, Sodom khua mite gual leh, Gomorrah ah chêngte gual mai kha a hitau hi.

JEREMIAH 23:14 ပူးပေါင်းရင်းမြစ်များ

THILSIAM THU 13:13

Sodom mite chu mi nunsia, Lalpa huat jawng tak ah gilo ma ma a hiu a.

THILSIAM THU 18:20

Ziaphatchun, Lalpa’n, “Sodom leh Gomorrah lawtsiatna kiko thawmgi hi a ngai talua’n, amau gitlona la a huaisia ngal in,

THILSIAM THU 19:24

Lalpa chun Sodom leh Gomorrah khawpi chung ah chun, van ah Lalpa kiang ah kipat in mei leh kât a hun zuksak ta’n;

THILSIAM THU 19:25

zia khawpite chu tawh phâicham zosia le, khawpi sung ah mi zosia le, lei ah thilkek zosiate chule a hi’mangthai sik sek tai.

ISAI 9:15

a upateu leh a mi kumluiteu chu a luchang uh a hiu a; zuau thu zilsak a jawlneiteu chu a mei uh a hiu;

JEREMIAH 14:14

Chuleh, Lalpa‘n ka kiang in, Jawlneite chun ka min in zuau a gen un; amau chu ka sawl pua’n, a kiang ua thu vagen dinginle ka guat puai. A lungthim ua a mithep nopna ziak un, bangma a mulopiu leh Pathian in a hiatsak hilote chu a gen zawu ahi.

JEREMIAH 18:13

Ziaziakchun, Lalpa‘n zia gual hin a gen hi: Namtin lak ah dong vêl tiam un: Zia gual thu chu kua’n a la he ngai em? nungak thiangtho Israel in vang, thil tizat um tak chu a la bawl tai.

JEREMIAH 20:16

Zia pa chu Lalpa‘n lainatna pang lo ah, khawpi a suksiatte gual ah um in, jingkal ah kâ thawm hia’n, sûnchang lai in patau thawm he tau hen;

JEREMIAH 23:17

Lalpa thu bangma ngailote kiang in, “Thil phalo bangma tuak pua’n lau,” a tipiak zing un; chuleh, amau ngaituana bep lochal tak ah zuite kiang ah chun, “La chung un siatna hung tung pua’n a,” a ti sek ui.

JEREMIAH 23:22

Ka vaihawmna hung ding hileuchu, ka mipite kiang in ka thu genjak ding a hiu a; chutileh, a gitlona lampiu leh, a thil phalo bawlteu chu haisan ta ding a hiu a.

JEREMIAH 23:32

En un, mang zuauthei mai maite gen ah, mite hil ah, a zuauthu teu leh, a uanna thu manthei lo ziak ua ka mipi puimang jawlneite chu ka dodâl hi, Lalpa‘n a tii. Amau chu ka sawl pua’n, ka thugen dinginle ka sawl puai; ziaziakchun, zia mipite â ding ah hin a phachuam him him puau hi, Lalpa‘n a tii.

JEREMIAH 29:21

Sepai honte Lalpa, Israelte Pathian in, Kolaiah chapa Ahab tawh, Maaseiah chapa Zedekiah, ka min ah zuau thu la kiang ua hung gen teni chungchâng kha zia gual hin a gen hi: Amau teni hi Babulon Lengpa Nebukadnezar khut ah pedok ing ka tin, la mit mu ngei un that ding ahi.

JEREMIAH 29:23

Israel gam ah gitlona huaisia tak a la bawl tau in: a Invêngteu jite tawh a jawntat un; chuleh, ka thupiak lo in ka min in zuau thute a gen un; keima a umchan uh hepa leh a hiatpipa ka hi, Lalpa‘n a tii.

JEREMIAH 36:2

Savun lekhabu zial la’n la, Josiah lal ah kipat tu’ni tiang ah, Israel leh Judah leh nam dang zosia kãl ah, la kiang ah ka thugen zosia kha zik lut tiam in.

JEREMIAH 49:18

Sodom leh Gomorrah suksiat ah a um ua, a kîm leh vêl ua umte suksiat a hiu ah, kuama a chên tâk lo gual un, zia chun kuama chêng ta pua’n au, Lalpa‘n a tii.

KÂ LATE 4:6

Ka mite zilgaina chu, Sodom khawte gawtna sâng in a huaisia zaw’n, zia khua kha vang a chung ah khut kitha lo ah, mitphet kâl sung bep ah, hi’mangthai a la hi ta’ngal a.

EZEKIEL 13:16

gâlmuanna umlo ah gâlmuanna mu ah, Jerusalem chungchâng ah thu genlawk, Israel jawlneite ngei chu, Lalpa Pathian in a ti ahi.

EZEKIEL 13:19

Ka mipite lak ah barli bu khutdim khat leh an kam khat ah ei zuak thanghuai ah, zuau ah ka mipite la them zo un, a hing dingte that ah, a thidingte la hawi ui.

EZEKIEL 22:25

A sung ah miliante chu, sakeibaknei in a sa nêk ding puaitel ah ngîk tawhbang a hiu; mihing a ne zo un, go thil lûl zosia a kilâk un; a sung ah mi tam tak a meithâisak ui.

HOSEA 6:10

Israel Inkuan lak in thil huaisia tak ka mu ta’n; Ephraim nawchi zawkna chu a um a, Israel chu sukbuak ahi tai.

AMOS 4:11

Pathian in Sodom leh Gomorrah khuate a la suksiat gual khan, nang uh khenkhat ka hun susia ta’n; mei ah kipat kikaidok tawh bang la hitau in; Chutisapi’nle ka kiang in la hung kile’kit puau hi, Lalpa‘n a tii.

MIKAH 1:5

Zia zosia hi Jakob bawsiatna ziak leh, Israel Inkuante gitlona ziak ah hung tung ahi. Jakob sukkhialna chu bang a hem? Samaria ma ma hilo a hem? Judah dawimualte chu khoi tak a hem? Jerusalem khua hilo a hem?

MIKAH 3:11

A vaihawmteu in golgûkna’n vai a hawm un, a thiamputeu inle law mu’na ding bep in a zilsak un; a jawlneiteu inle sum mu ding kinem in thu a gen sek ui; chutisapi’nle, Lalpa chung ah a ki-ngau in “Lalpaei umpi ngei hi! I chung ua siatna bangma hung tung pua’n ah,” ti’n thu a gen sek ui.

ZEPHANIAH 3:4

A jawlneiteu chu khawni ngailo leh ginumlote a hiu a; a thiamputeu in thilzek a subuak un, dan a botsiau a.

ZEKARIAH 13:2

Zia ni chun, gam sung ah kipat thagau buakte leh Jawlneite paidok sik sek ing ka tin, amau hetzuina um ta pua’n a; chuleh, gam sung ah kipat in jawlneite leh thagau buakte paidok sik sek ta’ng ka, sepai honte Lalpa‘n a ti ahi.

MALAKI 1:1

Malaki kiang ah thu hung kigen Israelte â ding ah Lalpa thu hung pawt chu:

MATTHAI 11:24

Himaleh, ka hil la hiu, vaihawm ni chun nangmau thok ding sâng in, Sodom khawte thok ding chu nêp zaw’n a, ti’n a gen a.

DAN LEKHABU 32:32

A grep tui uh Sodom grep ga, Gomorrah gam ah kipat ahi’n; a grepteu chu grep gu nei leh, a ga bomte chule a kha’ ngen ahi’n;

1 TIMOTHI 4:2

zia chu mi phalêmte juautheina ziakin ahi, amau chu a sia leh pha hetnau thîk âm ah bî piak gual a hiu in.

2 PETER 2:6

Sodom leh Gomorrah te chu ama ngaisak lo hung um kit dingte etsakna dingin thiamlo a chansak ah, vaivut suaksak in a hi’mangthai tai.

JUDA 1:7

Zia gual ma chun, Sodom leh Gomorrah leh a kîmvêl ah khuate tawh, buakna ah kipumpiak ah, hûkna vâl talua a del tâk ziak un, kumtuang mei ah phuba lâk ah um in, khang kihilna a umdan uh kha hezing un.

THUPUAN 11:8

A luang uh chu khawpi lai, lamlian ah sial intin uh, zia khawpi chu thagau lam thu ah Sodom leh Aigupta a hia; zia tak ma chun a Lalpau kros in a khenden ui.

THUPUAN 19:20

Sahâng chu a man ua, jawlnei lêm a ma-âng ah thilmak bawl sek leh, sahâng tepte’na nei ding ah mi thêm zo sek kha, a paniu in mei leh kât ah kâng meidil ah chun a hing in a pai lut tau a.

THUPUAN 21:8

Himaleh, mi dawilokte, ginglote, ki’dak umte, tualthatte, thanghuaite, dawi mangte, milim ho-te, juautheite zosia chun mei leh kât ah kâng meidil chang ta’n au, zia chu thi ni’na chu ahi,” a tia.

THUPUAN 22:15

A pawlam in uichate, dawithiamte, thânghuaite, tualthatte, milim hote leh juau thu dawi leh juau thugen chîngte um in au.