JEREMIAH 23:11 - PATHIAN LEKHABU THIANGTHO (BSI)

¹¹ Jawlnei chunle thiampu gual tho in, Pathian a ngaisak ta puau a; ka In sung natiang in a nunsiatnau chu ka mu tai, Lalpa‘n a tii.

JEREMIAH 23:11 ပူးပေါင်းရင်းမြစ်များ

2 KHANGTHU 33:5

Chuleh, Lalpa In huang te ni ah chun van lam thilte hona dingin mâichâm a hun siam a.

2 KHANGTHU 33:7

A milim siam haw chu Pathian In ah chun a koi ah, zia mun thu ah hin Pathian in David leh a chapa Solomon kiang ah khan zia gual hin a la gen ta’ngal a: “Israel nam zosia lak ah kipat ka têlchuam, Jerusalem khua zia In ah hi’n kumkhua’n ka min koi ding ka hi’n;

2 KHANGTHU 36:14

Thiampute lak ah hotute zosia leh mipite chunle, namdangte gual in nasa tak in thil ki’dak um takte chu bawl in, Jerusalem khua Lalpa In sukthian ah a la um ta chule a hun subuak dik dek kit zo tau hi.

EZRA 10:18

Thiampute lak ah le nam dang numeite a la kichenpi mudaw in a um un, ziate chu: Jozadak leh a unaute chapate suan leh pâk lakah mite chu: Maaseiah, Eliezer, Jarib leh Gedaliah.

JEREMIAH 11:15

Zia gual tuk ah chu thil phalo a bawl zing lai un, ka ngainat ma ma te chun ka In sung ah bang thuneina nei nalai ding a hiu em? kipau tiamna leh kithoina sate chun la chung ua siatna tung ding chu heimang thei ding la kisau ah a hem? Ki-ân tak ah um thei nalai ding maw?

JEREMIAH 23:15

Ziaziakchun, sepai honte Lalpa chun, jawlneite chungchâng in zia gual hin a gen hi: Gamsai nêksak ing ka tin, gu’tui dawnsak ing ka; Jerusalem ah jawlneite lak ah kipat in, gam pumpi pathian ngaisak lo’na, a hung pawtdok ta’ngal ah, ti in.

JEREMIAH 32:34

Ka min chuanna In chu subuak dingin, a milimteu chu a tâkdok tau a.

JEREMIAH 5:31

Jawlneite’n diklo tak in thu a gen un, thiampute’n le jawlneite thupiak dungzui in vai a hawm ui; ka mite chun la zia gual nei chu a nuam un, a tawpna hung tung ta leh, bangti’n la bawl ta diam uh?

JEREMIAH 50:6

Ka mite chu belam mangtasa gual a hiu a; amau puitute chun tânggamte ah chun a pui mang zo tau in; mual leh tângte lak ah chia mang in, a huang uh a hemil zo tau hi.

JEREMIAH 6:13

A neu pen ah kipat a lian pen tiang in, lawkna lam in a huaihap un; jawlnei ah kipat thiampute tiang in, mitin in diklo tak in a bawl chiat tau hi.

JEREMIAH 7:30

Ka min ah kisa In chu subuak dingin, ki’dak um tak thilte a sung in a koi un; Judai gam ah mite chun ka mit mu in thil phalo tak a bawl ta’ngal un, Lalpa‘n a tii.

JEREMIAH 8:10

Ziaziakchun, a jiteu chu midang pia’ng ka tin, a louteu chule a gâlteu pia’ng ka; a lak ua a neu pen ah kipat a lian pen tiang in, lawkna diklo ah huaihap ngen a hiziak un; jawlnei ah kipat thiampu tiang in, zuau thu ngen in thil a bawl tau hi.

KÂ LATE 2:20

Aw Lalpa, hun en inla, ngaitua tia! Kuate chung ah zia gual hi bawl la hem? Numeite’n amau gil ah ga ngei, a nau awi laiteu sa chu, ne mai ding a hitau em? Thiampu leh jawlnei chu, Lalpa mun thiangtho ah, tha ah um ding a hiu em?

EZEKIEL 23:39

A milimteu kiang ah kithoina ding ah a chateu a thalup niu ma ma in, ka munthiang hi’buak dingin a hung lut un. Ka In ah zia gual chun thil a bawl ui.

EZEKIEL 44:10

Himaleh, Levi mite, gamla tak ah ei nusia, Israelte a vâkmang lai ua a milimteu zui ah gamla tak ah ei vâkmang sante chun, a gitlo man uh kipuak in au.

EZEKIEL 7:20

A kisuanpiu a kicheinau mêlpha takte ah kipat in, ki’dak um milimte a kisiam un, thil polche tincheng a kibawl un; ziaziakchun, amau â ding ah thil thianglo dingin siam piak ding ka hi.

EZEKIEL 8:11

A âng ua Israel upa vaihawm sawmsagi dingte lak ah, Shaphan chapa Jaazaniah ding chule ka mu’n. A khut un gimtui hâlna bêl a chawi chiat un, a gimtui hâlnau meikhu chu a jam to a.

EZEKIEL 8:16

Chun, Lalpa In huang sungnung ah ei pui lût a; zia tak ah Lalpa tempul lûtna, hulliap tawh mâichâm kikâl ah pawsal sawmni leh nga ding vêl, Lalpa tempul nungngat ah, sualam nga, sualam ah nisa ho ah khiangkhote chu a la um un.

ZEPHANIAH 3:3

A sung ah miliante chu, sakeibaknei kitum gual a hiu in; a vaihawmteu le nitâk lam ngei gilkial, jingkal tiang ah bangma khêkchâk nei lo gual a hiu.

ZEPHANIAH 3:4

A jawlneiteu chu khawni ngailo leh ginumlote a hiu a; a thiamputeu in thilzek a subuak un, dan a botsiau a.