JEREMIAH 22:9 - PATHIAN LEKHABU THIANGTHO (BSI)

⁹ Ziaphat chuleh, “A Lalpa Pathian uh thuthung khawksa lo ah, pathian dangte bia’n, a na a sepsan ziak un ahi,” a la ti’n au.

JEREMIAH 22:9 ပူးပေါင်းရင်းမြစ်များ

1 LENGTE 9:8

Zia In hi In chimsa hung hita’n tin; a hung haw kha taphot in maksa’n, a guk in nui sul sul intin uh: “Bangtidan ah Lalpa‘n zia gam leh zia In hi hiti bawl ziang a hem?” ti’n au.

2 LENGTE 22:17

Amau chun, keima ei kihei mang san ua, pathian dangte â dingin gimtuite a hâl ua, amau khutsuak ngei ngei ah chun keima lungnatna ding lam tak in ei bawl ua; ziaziakchun, zia mun ah hin ka lungnatna hung kuangdok ding ahi; zia chu phelmit zaw gual hilo ding ahi.

2 KHANGTHU 34:25

Keima ei kiheimangsan in, pathian dangte kiang ah kithoina a lat ziak un, amau khut nasepte ah chun ei choklungnau ah; ziaziakchun, zia mun ah hin ka lungnatna buntha’ng ka tin, zia chu phelmit zaw hipua’n a.

JEREMIAH 11:10

Ka thu mang lo a pu leh pateu nunsiatna lam ma ma khan a kile’kit tau a; pathian dangte na sep piak dingin a chia tau hi; a pu leh pateu kiang ah ka thuthung kha Israelte leh Judate’n a botsia zo tau hi.

JEREMIAH 11:3

A kiang un zia gual hin vagen in: Lalpa, Israelte Pathian in zia gual hin a gen hi: Zia thuthung thute ngaisak lo tapo chu hânsia dong in um uh hen;

JEREMIAH 16:11

a kiang un zia gual hin la gen ding ahi: “La pu leh pateu in ei nusia in pathian dang zui in, a na sêm in, a la ho tau a; keima ei taisan in, ka dante le a zui ta puau hi, Lalpa‘n a ti’n;

JEREMIAH 50:7

A mu taphot in a ne zo malam pek un, a mêlmateu chun, “Lalpa, a pu leh pateu kinepna, a tatna mun ding tak uh Lalpa chung ah thil a la bawlkhial tâk ziak un, eimau maw’na bangma a um puai,” a tiu a.

JEREMIAH 9:13

Chun, Lalpa‘n a gen ah: A zui ding ua a ma-âng ua ka dan koite kilepsan ah, ka thute a mat lo ziak leh a zui lo ziak un,

EZEKIEL 12:16

Himaleh, a ki’dak um dan uh namtin lak ah a gendaw theina ding un, a lak ua khenkhat, mi tawmcha chemjam ah kipat suakcha’n au; zia phat chuleh, Lalpa ka hi ti hun he ta’n au.

EZEKIEL 14:23

A umdanteu leh a thilbawl danteu la mu phat leh, amau chun hun thamuan ta’n au; ziaphat chuleh, a chung ah ka thilbawl zosia hi a ziak leh jal bei ah ka bawl hilo ahi ti he ta’n la, Lalpa Pathian in a ti ahi.

EZEKIEL 39:23

Chuleh, namtin in Israelte’n diklo tak ah ei la bawl ziak un, a gitlonau ziak ah sal in a tâng tau in; tichun, ka kisêl mangsan ah, a mêlmateu khut ah pedok in, a gâlteu in a thâ gam uh ahi ti he ta’n au.

EZEKIEL 5:15

Chuleh, lungna leh thangtawm tak ah la chung ua vai ka hawm ah, hachangthak tak ah ka hun gawt phat leh, la kîmvêl ua nam dangte nuizatbûk leh engho, dipchâk um leh kihilna’n hun mang ta’n au, ti’n, Keima, Lalpa hin ka gen ahi; a tia.

DAN LEKHABU 29:24

amau leh nam tin in maksa’n, “Bang ding ah Lalpa‘n zia gam hi a hiti bawl a hem? Zia gual khop ah a lungnatna hi bang ziak ahi diam?” a ti tak uh leh.